15 май 2013 08:11Тоҷикистон / Иҷтимоӣ / Тема дня

Тураҷонзода оид ба сабр дар баробари беадолатиҳо

Ҳоҷиакбар Тураҷонзода, руҳонии маъруфи тоҷик, дар посух ба хонандаи сомонаи turajon.org, ки пурсидааст, “сукуту хомӯш истодан дар боробари шахс ё гуруҳе, ки ҳуқуқи моро поймол мекунад, оё сабр аст?”, гуфтааст, на.

Тураҷонзода, гуфтааст, “маънои сабр ин нест, ки дар баробари мункар сукут кард, зеро сукут дар баробари мункар дараҷаи пастарини имон аст.” Ҳоҷиакбар аз қавли Расули Худо алайҳиссалом овардааст, ки “Ҳар касе аз шумо кори бадеро бинад, пас ӯро бо дасташ тағйир диҳад, агар бо дасташ қудрати тағйир додан надошта бошад, бо забонаш тағйир диҳад, агар бо забонаш натавонад, пас бо дилаш он кори бадро инкор кунад, ин заъифтарин дараҷаи имон аст.”

Инчунин ин руҳонӣ афзудааст, ки Худо дар Қурьон, сураи Луқмон ояи 17 мавзиъи сабрро чунин таълим додааст: "Намозро барпо дор ва ба кори хайр амр бикун (мардумро) ва аз кори бад боз дор ва ба ончизе, ки ба ту мерасад сабр бикун."

Ҳоҷиакбар ташреҳ додааст, ки инсон дар ҳангоми даъват ва ислоҳи ҷомеа агар ба фишор ва озор аз ҷониби баъзеҳо рӯ ба рӯ шавад, бояд сабр пеша кунад ва ба кори худ идома диҳад.

Мӯҳр

Хабарҳои монанд:

Zuhuriddin

Amri maruf va nahyi munkar faqat baroi sardoron ravona nashuda ast.....Balki in yak meyori islohkunii jomea meboshad ki az khudi inson sar meshavad.......Pas az islohi nafs islohi oila va hamsari khudro mejui......Chunki oila yak juzi judonashavandai jomea ast va jomea az afrod va oilaho iborat ast.....Amri maruf dar khona dar kucha dar joi kor dar safaru hazar baroi har musalmon novobasta az donishu qudratash farz ast....hatto rasuli akram mefarnoyand passttarin darajai amri maruf va nahyi munkar in az sari rohi mardum dur sokhtani sange yo chze ki mardumro norohat mesozad ast.......Nasihat ham porae az amri maruf ast....Ba shohu gado albatta nasihat boyad kard...Kase qabul kard khub agar rad kard mo vojibi khudro peshi ollohi taolo ado kardaem va naboyad az radi kase malol shavem...Zero sohibi hisobu kitobi bandagon ollohu taolo ast

Ҷавоб диҳед Иқтибос Шикоят

Эзоҳ илова кунед