14 май 2015 09:24Тоҷикистон / Фарҳангу адаб / Рӯ ба рӯ / Дидгоҳи хос

Шеъри нави Б.Собир барои Фархунда: "...ватандор агар бандит аст"

Бозор Собир, шоири маъруфи тоҷик шеъри тозаеро ба Фархунда, як духтари 27-солаи афғон бахшидааст, ки рӯзи 19 март аз ҷониби тӯдаи мардон бо иттиҳоми қуръонсӯзӣ дар шаҳри Кобул - пойтахти Афғонистон кушта шуд.

Бозор Собир дар шеъри наваш, ки бо номи “Иди Наврӯз ҷаҳонӣ шуду фархунда нашуд” дар ҳафтаномаи “СССР” нашр шудааст, Афғонистонро маҳбаси зан хонда, афзудааст, агар мусалмонии Афғонистон ин бошад, ҳама он бомба, ки янки ба сараш рехт, кам аст.

Марги Фархундаи ноком ба ман мегӯяд,
Ки ба ҳар як дару девор нависам ба зуғол:
Марг ба Афғонистон!
Сангдевори занон!!
Маҳбаси зан!!!

Доду бедод аз ин ҷаллодӣ,
Доду бедод аз ин кафторӣ,
Лошахорони Худо дар назарам
Ҷигари духтари маъсуми маро меканданд,
Лошаи хоҳари яктои маро мехӯрданд.

Ватан ин асту ватандор агар бандит аст,
Ватан ин асту ватандор агар авбош аст,
Ватан ин асту ватандор агар мурдагав аст,
Говриш аст,
Туф ба ватан,
Ах ба ватан.

Агар ин аст мусалмонии Афғонистон,
Ҳама он бомба, ки янки ба сараш рехт кам аст,
Кам аст.
Боз ҳам кам нашавад абри матираш аз тир,
Ғайри хумпора набинад гули сурх,
Ғайри норинҷаки тарканда начинад норинҷ.

Эй ниёгонҷӯён,
Ана, ин аст ниёгони Шумо;
Сангборони занон,
Дӯзахи зан,
Ба задан куштани зан...

Араби хонагӣ-шайх аст ниёгони шумо,
Араби хонагӣ-охунд ниёгони шумост,
Араби хонагӣ-муллост ниёгони шумо...
Хуни занҳо ҳама дар гардани асҳоби шумост;
Ана, ин аст ҳамон асли “асиле”, ки шумо меҷӯед.

Иди Наврӯз ҷаҳонӣ шуду фархунда нашуд,
Чунки Фархунда набуд.
Баъди Фархунда, бигӯед дар Афғонистон
Ҳеҷ фархунда наояд Наврӯз.

Мӯҳр

Хабарҳои монанд:

тоцик

инхел шеъри бемазмун ва бе вазну кофияро бори аввал мебинам...

Ҷавоб диҳед Иқтибос Шикоят

Yaman

э Хдозаната Риноки Бозорчаи ноширги траму хаму шеьри ба номш мембри карор бгири е ягун чот бор да хор хорак дромадай ранги солои 1992 и дафа ба чхе бо мегрези чртаст?

Ҷавоб диҳед Иқтибос Шикоят

Кутбиддин

Бар нокасони зиндаги гардан надодаам,
Аз зери теf бо сари боло гузаштаам !
Устод Кутби Киром
Бо ду мисра мехохам гуям, ки ба ин хел шеърхои дар боло нашр шудан тавачух накунед. На маъно дорану на вазн !

Ҷавоб диҳед Иқтибос Шикоят

nemik

мо реперем ай ида зур менависм агар нависм
бо шоири шинохта шидай

Ҷавоб диҳед Иқтибос Шикоят

Точик

Офарин. Мардуми фанатика решакан кардан даркор. То ин муллохо гумдон нашаванд чамъяти мо пеш намеравад

Ҷавоб диҳед Иқтибос Шикоят

Muhiddin musalman.

Ман ба котилони Фархунда аз забони шоир гуфтаниям:
АЁ ЭЙ КОТИЛОНИ НОМУСУЛМОН
ТИХИ МАFЗОНИ FОФИЛ АЗ ХУДОЕД
ХАМЕ ХОНЕД КОФИР ДИГАРЕРО ВАЛЕ АЗ ДИДИ АКЛ КОФАР ШУМОЕД...ALLAHU AKBAR!

Ҷавоб диҳед Иқтибос Шикоят

Эзоҳ илова кунед