11 авг 2014 10:26Тоҷикистон / Иҷтимоӣ / Рӯ ба рӯ

“Лексус”-и Остон Азизов пиёдагардро пахш карда, аз ҷои ҳодиса ғайб задааст

Висол Азизови 17-сола, хонандаи синфи 11-и мактаби байналмилалии шаҳри Душанбе, ки аз хонаводаи овозхонҳои шинохта Азизовҳо мебошад, пиёдагардеро зер карда, аз ҷои ҳодиса фирор кардааст. Дар ин бора як манбаъ аз Бозрасии давлатии автомобилӣ ба “Озодагон” хабар дод.

Ба иттилои манбаъ, номбурда савори автомашинаи Лексус “ҳангоми ҳаракат дар хиёбони Рӯдакӣ, дар назди бинои Шуъбаи корҳои дохилии ноҳияи Исмоили Сомонӣ пиёдагард Умарҷон Назарови 21-сола, донишҷӯи бахши чоруми факултаи иқтисод ва идораи Донишгоҳи миллии Тоҷикистонро аз пой афтонда, аз ҷойи ҳодиса фирор мекунад”.

Дар натиҷа ҷабрдида ҷароҳат бардошта, дар беморхонаи рақами 3-и пойтахт бистарӣ мегардад.

“Лексус”-и Остон Азизов пиёдагардро пахш карда, аз ҷои ҳодиса ғайб задааст

“Лексус”-и Остон Азизов пиёдагардро пахш карда, аз ҷои ҳодиса ғайб задааст

Висол Азизов, писари Қамарулзамон Азизов, аз хонаводаи овозхонҳои шинохтаи гуруҳи “Анис” гуфта мешавад. Дар аксе, ки Висол дар саҳифаи Фейсбуки худ гузоштааст, дида мешавад, ҳамроҳи дӯстонаш дар як мошини гаронбаҳое нишастаанду дар миёнашон Расули Амонулло – писари Амонулло Ҳукуматулло, раиси собиқи ширкати Роҳи оҳани Тоҷикистон ҳам ҳаст. Номи Расул дар пайи садамаи маргбори шаби 9 октябри соли 2013 дар маркази Душанбе, ки се куштаву се маҷрӯҳ бар ҷой гузошт, расонаӣ шуд ва он вақт гуфта буданд, ӯ дар мактаби байналмилалии шаҳри Душанбе таҳсил мекунад.

Дар ҳамин ҳол, як манбаъ мегӯяд, автомашинаи “Лексус”, рақами қайди давлатияш “0100 ВР 01”, ки Висол бо он пиёдагардро аз пой афтондааст, ба номи Остон Азизов, овозхони тоҷик, сабт шудааст.

Мӯҳр

Хабарҳои монанд:

дилрабо

Ба худо додагон ситеза макун, ки ба онхо Худо додааст!!!

Ҷавоб диҳед Иқтибос Шикоят

Усмонов

пулу молу хамаи боигари халол бод ба хамаи сарватмандон бас кунед бахилиро мардум факат хаминро гуфтаниам ки о то кай мардумонро зер када аз болошон мегузаред бо мошинхоятон о бас будагист кудакхои ширмакро сари чанбаракаи мошин шинондан ба хамаи ин волидайн гунахкор аст ки чунин фарзандони эркаи худро аз мухлат пеш мошинсавор мекунанд ман зид нестам хастан хазорон оилахои сарватманде ки писаронаш мошин хам меронанд аммо онхо хеле писарони бо тарбия мебошанд ки зарари онхо ба чамъият намерасад яъне ки ба мардум боре хам нарасидааст.......ва боз хар лахза таъриф карда мегуянд ки Маврид ба зикр аст, ки Азизовҳо аз оилаҳои маъруфи Тоҷикистон мебошанд, ки ҳанӯз дар даврони Шуравӣ гуруҳи ҳунарии "Анис"-ро созмон дода буданд.... хайр чи ?

Ҷавоб диҳед Иқтибос Шикоят

КОКО

БА САРВАТИ ОНХО БАХИЛИ НАМЕКУНАНД, ГАП САРИ ОН КИ ИН ПУЛХО ХАЛОЛ Е ХАРОМ АЗ РАФТОРХОИ ФАРЗАНДАШОН МАЪЛУМ АСТ. ФАРЗАНДРО НОНИ ХАЛОЛ ДОДА БА ВОЯ РАСОНИДАН ЛОЗИМ . БА ШАРТЕ ПУЛ ХАЛОЛ БОШАД ФАРЗАНД ХАМ БА КАДРИ ПУЛИ ЗАХМАТКАШИДАИ ПАДАР МЕРАСАД.Ь

Ҷавоб диҳед Иқтибос Шикоят

Эзоҳ илова кунед