19 май 2016 10:46Тоҷикистон / Иҷтимоӣ / Дидгоҳи хос

Нашри навори латукӯб ва дашномдиҳии гӯшношунид барои таҷлили Ҳолӣ дар Душанбе (САДО)

Дар шабакаҳои иҷтимоӣ навори аудиоии 16 дақиқаӣ нашр шудааст, ки ба иттилои ноширонаш дар он лаҳзаи латукӯб ва дашномдиҳии ҷавонони боздоштшуда барои таҷлили Ҳолӣ дар идораи милисаи ноҳияи Исмоили Сомонӣ сабт шудааст.

Қаблан бархе аз таҷлилкунандаҳои Ҳолӣ, ҷашни ҳиндии рангҳо дар Душанбе шикоят карданд, ки 15-уми май баъди таҷлили Ҳолӣ дар хиёбони марказии пойтахт боздошт шуда, дар идораи пулиси ноҳияи Исмоили Сомонӣ мавриди таҳқир, латукӯб ва таҳдиди таҷовуз қарор гирифтаанд.

Дар навори аудиоие, ки зоҳиран пинҳонӣ сабт шудааст, маъмури милиса духтаронро дашномҳои қабеҳ медиҳад ва инчунин садои зарба ва гиряи духтарон ба гӯш мерасад. Дар ин навор духтар бо садои гиряолуд хоҳиш мекунад, ки ӯро назананд, аммо марде, ки зоҳиран маъмури милиса аст, дашномдиҳиро идома медиҳад. Дар пасманзари дашномдиҳии қабеҳи гӯшношунид инчунин садои зарбаю латтукӯб ба гӯш мерасад.

Духтар дар ин навор изҳор медорад, ки “илтимос ака, ман намедонистам, ки мумкин нест”. Аммо мард дашномдиҳияшро идома дода, меафзояд, ки ту чӣ худата, сиёҳ кардӣ... Ин мард дашномдиҳии гӯшношунидашро қатъ накарда, изҳор медорад, ки чунин корҳо бояд “согласоват” шаванд.

Навори аудиоии таҳқиру дашномҳои гӯшношунид ин ҷост

Ин дар ҳолест, ки баргузоркунандаҳои ҷашни Ҳолӣ дар Душанбе ба "Озодагон" изҳор доштанд, ки ин ҷашнро дар мувофиқа бо мақомоти корҳои дохилӣ дар варзишгоҳи “Спартак”-и Вазорати корҳои дохилӣ гузарондаанд. Мусоҳиби “Озодагон” гуфт, бархе аз ҷавонон, аз ҷумла ноболиғон танҳо барои он боздошт шудаанд, ки баъди ҷашни Ҳолӣ бо дасту рӯи ношуста ба хонаҳояшон раҳсипор шудаанд.

Қаблан яке аз ҷабрдидаҳо бо тахаллуси Roma Anderson дар саҳифаи худ дар фейсбук навишта буд, ки ҳангоми бозгашт ба хона ӯ ва рафиқашро, ки зан будааст, кормандони пулис бидуни ягон огоҳӣ иҷборан ба мошин савор карда, ба ШКД-и Исмоили Сомонӣ бурдаанд: “Пас аз нишастан дар мошин маро латту кӯб намуда, таҳқирам намуданд. Вақте ба шӯъба расидан модарамро дар он ҷо дидам. Модарам маро ҳимоя карда, ҳодисаро пурсон шуд, вале яке аз кормандони пулис ӯро зада, тела дод. Баъдан бо ӯ бо як лаҳни таҳқиромез суҳбат доштанд ва ман дигар надидам, ки чӣ шуд. Баъдан маро дар саҳни шӯъба латту кӯб намуда, таҳқирам мекарданд, ки ин ҳам барои пур аз ранг будани рӯй ва либосҳои ман буд”.

Дар пайи нашри навор ва шикоятҳои зиёди ҷавонон Гулнора Амиршоева, вакили шаҳри Душанбе ва сармуҳаррири ҳафтаномаи “Вечёрка” аз ҳамаи он нафароне, ки аз сӯи маъмурини пулис мавриди таҳқиру таҳдид қарор гирифтаанд, даъват кардааст, ки аризаи шикоятӣ нависанд. Ин вакили халқӣ рафтори кормандони милисаро ношоям ва сӯиистифода аз вазифа унвон карда, таъкид намудааст, ки “ҳеч кас ҳақ надорад, шуморо, фарзандони шуморо, таҳқир кунад, модаронатонро дашном диҳад ва душмани халқ номад. То он даме ки шумо хомӯш менишинед онҳо ин одамонро таҳқир мекунанд ва беҷазо мемонанд”.

Ин вакили шаҳри Душанбе гуфт, дар ҳоли ҳозир Вазорат аз қазия огоҳ буда тафтишоти корӣ идома дорад. Ӯ афзуд, дар назар аст, ки рӯзи шанбе бо раҳбарияти Вазорати корҳои дохилии кишвар дидор кунад. Ӯ аз ҷабрдидагон хоҳиш кардааст, ки аризаҳои шикоятиро дастаҷамъона ва ё алоҳида бо суроғаи Прокурори генералӣ, Вазорати корҳои дохилӣ ва ба вакили шаҳри Душанбе нависанд. Гулнора Амришоева гуфтааст, “бе нишондод ва шикояти шумо мо наметавонем рафтори он нафаре, ки дар навори аудоиӣ ҷавононро таҳқиру кардааст, исбот созем”.

Ҳолӣ ё “Ҷашни рангҳо” як ҷашнвораи миллӣ-мазҳабӣ аст, ки дар Ҳиндустон, ба вижа таввасути ҳиндуҳо дар моҳи март ва ҳангоми шурӯи фасли баҳор баргузор мешавад. Ин дар тамоми Ҳиндустон рӯз таътили расмӣ аст. Дар Тоҷикистон ҳам чанд сол аст, ки як гуруҳ аз ин ҷашн истиқбол мегиранд.

Мӯҳр

Хабарҳои монанд:

Mahvash

САНОБАР ДАШТИ ЧУМ
ХОХИШ МЕКУНАМ ХАНГОМИ НАВИШТАН БА КАЛИМАХОЕ КИ МАЧБУРАН ХУДРО ШИМОЛИ НИШОН ДОДАН МЕХОХИ АХАМИЯТ ДЕХ.ТУ НА КАТИКИ НА КАРАМ! СУХАН БАЁНГАРИ ШАХС АСТ.САЛОМАТ БИМОНИ ДАШТИЧУМИ СОХТА ))

Тавба!! Сабтро ду маротиба бо диккат гуш кардам.Корманди милисае, ки бисёр фаъол асту аз аввали сабт бо овози баланд дашномдихи ва заданро то ба охир давом медихад ба чаллодони дарбории замони подшохи шабохат дорад.Ин кадар кину азоб, лату куб, пастхании духтарог...Яке аз кормандони милиса ки аз овозаш маълум аст ки чавонтар аст ба духтараке ки зери мушту лагад монда гиря,зора ва илтичо мекунад дашном кабех дода аз у пурмон мешавад ки " г... и?", пас аз он овози азобкашии духтарак баланд мешавад.Аз ин фахмидан мумкин амт ки аз готавонии духтарон истифода бурда факти тачовуз низ вучуд дорад.Хохиш мекунам ин бедодгарии кормандони ВКД бечазо намонад.

Ҷавоб диҳед Иқтибос Шикоят

Санобар.Дашти Чум

Mahvash,
Ха Махваш,о мурам туба,ман ким кай гуфта будам,акун хабар ефти ми?
Хобат набурсос?.Ха ман хамту гуфтаму рафтаме дугоначон!Сохтаяш чзе?

Ҷавоб диҳед Иқтибос Шикоят

беном

Ин бегонапарастора бисёр хубшу кардан.Инхо як чиза донанки хар руз аз дасти ин хиндухо чанд мусалмон кушта мешава.

Ҷавоб диҳед Иқтибос Шикоят

Эзоҳ илова кунед