21 авг 2014 15:59Тоҷикистон / Иҷтимоӣ / Рӯ ба рӯ

“Айбдор” шудани Орзу Исоев ва тавсияи Шӯро ба Радиои “Имрӯз”

Шӯрои Васоити ахбори оммаи Тоҷикистон Орзу Исоев – муҷрӣ ё барандаи собиқи барномаи Баҳси Имрӯз дар Радиои Имрӯзро ба нақзи муқаррароти чор банди Меъёри ахлоқии журналист “айбдор” кардааст. Масъулони ин Шӯро мегӯянд, агарчӣ Орзу Исоев ҳоло дар “Имрӯз” кор намекунад, аммо бо ирсоли номае ба роҳбарияти радио машварат додаанд, ки хабарнигоронашон ҳангоми таҳияи матолиб ба эҳсосот дода нашаванд.

Тавсияи Шӯрои ВАО дар пайи шикояти Сайҳомид Маҳмудов, раҳбари ширкати “Квестнет” (Q-Net) дар Тоҷикистон, аз болои Орзу Исоев навишта шудааст. Оқои Ҳомидов иддао карда буд, ин хабарнигори тоҷик ҳангоми суҳбаташ дар бораи ширкати Q-Net онҳоро мавриди таҳқиру туҳмат қарор дода, шаъну этиборашонро паст мезанад.

Қироншоҳи Шарифзода, раҳбари Шӯрои ВАО, мегӯяд, ба далели он ки маводи барномаи “Баҳси Имрӯз” ҳаҷман хеле калон буд, ҷаласаи онҳо ду дафъа - 18 июл ва 15 августи соли ҷорӣ баргузор шудааст. Ба қавли ӯ, ба намояндагии ширкати “Квестнет” ҳам маслиҳат дода шудааст, ки “дар ҳолати ба нишастҳои матбуотӣ ва ё барномаҳои радиову телевизионӣ даъват шудан аз ҷониби ин ё он ВАО, иштироки намояндагони масъулашро таъмин намояд”.

Дар охир аз роҳбарону кормандони расонаҳо хоста шудааст, “ба хотири таъмини озодии сухан дар фаъолияти ҳамарӯза принсипҳои бунёдии журналистикаро риоя намуда, дар ин замина ба халалдор шудани Меъёрҳои ахлоқии фаъолияти журналистӣ дар Тоҷикистон роҳ надиҳанд”.

Барномаи “Баҳси Имрӯз” ҳар субҳ аз соати ҳафт то даҳи рӯз дар Радиои Имрӯз мустақим пахш мешуд. Яке аз мавзӯъҳои доғе, ки дар ин барнома тавассути Орзу Исоев матраҳ гардида, бо вокунишҳои зиёде рӯ ба рӯ гардид, фаъолияти Q-Net дар Тоҷикистон буд. Оқои Исоев ахиран, ба дунболи барканории Рустами Ҷонӣ аз мақоми мудири кулли ширкати Ориёно-Медиа, ки шомили Радиои Ориёно ва Имрӯз асту ба Ҳасан Асадуллозода, роҳбари Ориёнбонк марбут дониста мешавад, аз кор рафт.

Мӯҳр

Хабарҳои монанд:

шахрванд

радиои "Имруз" баъи рафтани Орзу хомуш нест ..дигар хамкоронаш корро идома медиханд..хеч фочеае хам нашудааст..Орзу рафт , Орзуе боз меоянд..хама дар самти кори худ нафъе ба чомеа мерасонад ва е мехохад ки раоснад..танхо ором берекломи кори худ.. гуе танхо Орзу хама мушкилро кушода метавонист..ман аслан зидди Орзу нестам ягон- ягон садояшро дар наклетхо мешунидам..хайр мегуфт чи , рисолати корашро ичро мекард..ин чо комментхоро хондам бародар Шамсулло чизе навиштааст хондам ..хулоса кардам ки ин худи Орзу аст..чаро ин тавре ки худи Орзу Орзуро мешиносад Шамсуллое уро хеч вакт нахохад шинохт....дигар тавфик Орзу , барори кори туро мехохам..

Ҷавоб диҳед Иқтибос Шикоят

Said

Нест бод куинет я шатахурдаш карибки манум 91микр-да эх Орзу хаккию чихе кнем

Ҷавоб диҳед Иқтибос Шикоят

шамсулло

Комменти "Шамсулло ба шахрванд"-ро сар дихед!

Ҷавоб диҳед Иқтибос Шикоят

Эзоҳ илова кунед