Соҳибкорзан: Агар Ҷаноби Олӣ фаҳмад, ҷилави хусурбачаашро мегирад (2 ВИДЕО)
Қосимов имрӯз, 5-уми апрел ба дафтари “Озодагон” дар Душанбе ҳозир шуда, изҳор дошт, ки баҳс на барои кулли бозор, балки нисфи саҳмияҳои он рафта истодааст. Ӯ изҳор дошт, ки шавҳари Санавбар-Бурҳон Абдуллоев, ки феълан бозори “Ином”-ро дар ихтиёр дорад, қаблан дар хатсайри Душанбе-Шаҳритус ба мусофиркашонӣ машғул буда, дар миён бо Муҳибулло Саъдуллоев, додарарӯси раисиҷумҳур шинос мешавад: “Саъдуллоев барои харидорӣ ва бунёди бозор ба Бурҳон Абдуллоев маблағ медод ва Холназар Достиев, шахси бовариноки Саъдуллоев низ дар ин кор иштирок мекард. Баробари ин Абдуллоев зимни бунёди бозор аз соҳибкорони дигар низ маблағ гирифта, барояшон ҳатто дар бозор ҷой надодааст.”
Қосимов афзуд, ки дар додгоҳ инчунин аз ҳаққи соҳибкорони дигари “фиребхӯрда” низ ҳимоя мекунад, ки барои бунёди бозор баъзеяшон то 40 ҳазор доллари амрикоӣ додаанд, вале Бурҳон Абдуллоев ҳаққи онҳоро надодааст: “Худи Муҳибулло Саъдуллоев дар додгоҳ ба сифати шоҳид баромад кард. Даъвогар Холназар Достиев аст.”
Қосимов илова намуд, ки зимни яке аз мурофиаҳо бо Абдуллоевҳо ба созиш омаданд, ки ба ивази 900 ҳазор доллари амрикоӣ бозорро мегиранд: “Аммо мо вақте хостем, ҳаҷми хароҷот пешниҳод гардад, онҳо қарзҳои барои хонаю чорводорӣ гирифтаашонро пешниҳод карданд. Дар миён соҳибкорони дигаре пайдо шуданд, ки даъвои саҳмия дар бозорро карданд, чун барои бунёди он маблағ додаанд. Баъд мо аз раъямон барои пардохти маблағ гаштем.” Ин мусоҳиби мо илова намуд, ки комиссияи давлатии даъваткардаашон арзиши бозорро 1 миллиону 300 ҳазор сомонӣ муайян кардааст. Ин намоянда инчунин аз ишораи Санавбар Абдуллоева ба миллияти шавҳараш, ки узбак асту гӯиё мавриди фишор қарор дорад, интиқод намуда, гуфт, алайҳи Бурҳон Абдуллоев тоҷирони узбактабори Шаҳритус ба мақомот муроҷиат карда, ҳаққашонро талаб доранд.
Қосимов иддаои Абдуллоеваро, ки гӯиё Саъдуллоев бо сӯиистифода аз наздикияш ба оилаи раисиҷумҳур мехоҳад, бозорашро гирад беасос хонд: “Назди қонун ҳама баробаранд ва Саъдуллоев низ тариқи қонунӣ ҳаққашро талаб карда истодааст.Баррасии ин қазия дар додгоҳҳо идома дорад.”
Дар ҳамин ҳол Санавбар Абдуллоева дар суҳбат бо “Озодагон” иддаои Қосимовро, ки гӯиё шавҳараш-Бурҳон Абдуллоев зимни сохтмони бозор аз Саъдуллоев маблағ гирифтааст, рад карда, таъкид намуд, “мо дар мурофиаи додгоҳӣ исбот кардем, ки ягон маблағ аз ин одам нагирифтаем.” Ин соҳибкорзан гуфт, тамоми далоилро ба додгоҳ пешниҳод кардааст ва илова кард, ба матбуот ба он хотир муроҷиат кардааст, ки "Ҷаноби Олӣ аз қазия огоҳ шавад. Ман бовар дорам, худи раисиҷумҳур агар огоҳ шавад, ҷилави хусурбачаашро мегирад ва намегузорад, ноадолатӣ содир шавад." Ӯ рӯзи 3-юми апрел дар шарҳи қазия ба "Озодагон" гуфта буд:
Феълан баҳси додгоҳӣ барои бозори “Ином”-и Шаҳритус идома дорад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
