25 фев 2014 11:37Тоҷикистон / Дидгоҳи хос

Жириновский: "Тоҷикистонро мо сохтем, чунин кишвар набуд" (ВИДЕО)

Владимир Жириновский, раҳбари Ҳизби либерал-демократи Русия, бегоҳи 23-юми феврал, зимни баромадаш тариқи шабакаи телевизионии «Россия 24» ба ҳаводиси Украина дахл карда, таъкид намуд, ки он ба сифати округи Малорусия ва Осиёи Миёна низ ба сифати округ ба тобеияти Русия дароварда шаванд.

Жириновский таъкид намуд, ки тамоми ақаллиятҳоро дар замони Ҷанги Бузурги Ватанӣ русҳо наҷот доданд: “Халқи рус дар ҷабҳаи пеши ҷанг қаҳрамонӣ мекарданд ва дигар халқҳо асосан ба таъминот дар ақибгоҳ машғул буданд.”

Ӯ дар дақиқаи 23-юми баромадаш ба масоили Осиёи Марказӣ низ дахл карда, гуфт кишварҳое чун Тоҷикистон, Узбакистон, Қирғизистон, Қазоқистон ва Туркманистонро мо худамон фикр карда сохтем: “Бояд округи Осиёи Марказӣ бо марказаш дар Верний, ки ҳозир номи бегона, Алматоро дорад, дар ҳайати Русия ташкил карда шавад.”

Ин изҳороти Жириновский аллакай норозигии Остонаро ба бор овардааст. Душанбе низ қаблан ба як суханронии иғвоангезонаи Жириновский вокуниш нишон дод ва аз Маскав посух гирифт, ки изҳороти эҳсосии хоси ин сиёсатмадорро ҷиддӣ нагиранд ва он ҳеч рабте ба мавқеи расмии Русия нисбати Тоҷикистон надорад. Ин аст, ки интизор меравад ин дафъа Душанбе изҳороти Жириновскийро сарфи назар кунад.

Мӯҳр

Хабарҳои монанд:

Комил

Фунтик,
Ту баринҳо - ғуломони шикампарвари дунёвӣ воқеан дар Тоҷикистон бисёр шудааст. Зеро аз арзишҳои диниву нангу номуси мардонае, ки мардуми қафқоз доранд, кайҳо боз дур шудаанд. Аз ин лиҳоз дар тамоми гушаву канори дунё, мисли гусфанд туъмаи гургҳо мешавед. Бидон ки ин дунё мисли ҷангал аст ва тобеу ғуломи касе бошӣ ё набошӣ, агар гусфанди охурбин бошӣ, оқибат хуроки ҳайвонҳо мешавӣ. Бояд, гург ё шоҳини баландпарвоз бошӣ, яъне номусу нанг ва қудрати ботинӣ дошта бошӣ, на ин ки ғулом бошӣ, фаҳмидӣ шикампарвари беномус.
Дину донишро ғулом арзон фурухт,
То баданро зинда дорад, ҷон фурухт.
Пеши по зан тахти Кайковусро,
Сар бидеҳ, аз даст мадеҳ номусро (Иқбол)
Агар гусфанд намешудӣ, ҳоло ин қадар зиёд ту баринҳоро русҳо намекуштанд.

Ҷавоб диҳед Иқтибос Шикоят

Абдуазизов Рахматчон

Жириновский як бетамизе аст ки суханашро фикр накарда мегуяд.Вай худаш руси яхуди табор аст.

Ҷавоб диҳед Иқтибос Шикоят

Муса

Агар ба таърих назар андозем,шохиди он мегардем,ки сувханхои Жириновский рост аст.Пеш аз революция ба чои Узбакистону Точикистон.Туркманистону Киргизистон.ягона давлат Аморати Бухоро буд.Пас барои чи ва бо кадом сабаб сиесатмадорони навбаромад инро инкор мекунанд?

Ҷавоб диҳед Иқтибос Шикоят

Ситора

Рости аз суханронии ин бародарони ватанфуруш шармам меояд. Гарчанде зан хастам, аммо гурурам ва номусам намемонад то ман хомуш бошам. Шукр кунед, ки ватан доред ва сулху салох хукмфармост. Чи? Гумон мекунед, ки дар дигар давлатхо проблем нест? Ё Русия шуморо аз бари боло мешинонад? Аз афтатон безоранд!!! Шуморо кирр мекунанд ва озодона аз сарватхоятон истифода мебаранд. Ватанфурушони аблах!!!

Ҷавоб диҳед Иқтибос Шикоят

Эзоҳ илова кунед