25 дек 2013 16:28Тоҷикистон / Қазияи Зайд Саидов / Сиёсат / Видео

ВИДЕО: 26 соли зиндон ва мусодираи амволи Зайд Саидов

Додгоҳи олии Тоҷикистон рӯзи 25 декабр Зайд Саидов, соҳибкор, вазири пешини саноат ва раҳбари Тоҷикистони навро аз рӯи 4 моддаи ҷиноӣ ба 26 соли зиндон ва мусодираи амволаш маҳкум кард.

Дар ин бора Исҳоқ Табаров, вакили дифои Зайд Саидов, хабар дода, афзуд, бо ин ҳукм розӣ нестанд ва аз болои он шикояти кассатсионӣ хоҳанд бурд. “Ин бе шубҳа кори сиёсист ва супоришӣ аст. Дар акси ҳол, Зайд Шерович сафед карда мешуд. Мо ба ҳеч ваҷҳ ба ин ҳукм ва беадолатии додгоҳ розӣ нестем ва то охир мубориза хоҳем кард”,-афзуд Исҳоқ Табаров.

Шӯҳрат Қудратов, вакили мудофеи дигари Зайд Саидов дар шарҳи ҳукми зерҳимояаш гуфт, ин парванда аз аввал сиёсӣ буд ва ҳукми сиёсӣ содир шуд. Ӯ аз рафти эълони ҳукм низ интиқод кард, ки бояд пушти дарҳои баста эълон намешуд, “аммо ба ҷуз аз намояндагони мақомот, ки бо камераҳо буданд, Шавкат Абдулхайров -- раисикунандаи парванда, рӯзноманигорони дигарро ба эълони ҳукм роҳ надодааст.” Бо зикри ин, Шӯҳрат Қудратов таъкид намуд, баррасии парванда алайҳи зерҳимояаш аз аввал то охир яктарафа сурат гирифт.

Зайд Саидов, собиқ вазири саноати Тоҷикистон, моҳи майи соли ҷорӣ, ҳангоми бозгашт аз Фаронса дар фурудгоҳи байналмилалии Душанбе боздошт гардид. Мақомот ӯро барои бисёрзанӣ, сӯистифода аз мақом, қаллобӣ, ришват ва таҷовуз ба номус муттаҳам карда, ахиран намояндаи додситонӣ барои ӯ 28 соли зиндон хост. Чун боздошти Зайд Саидов дар пайи азмаш барои таъсиси Ҳизби Тоҷикистони нав сурат гирифт, аксарият дастгир шудан ва додгоҳи ӯро сиёсӣ унвон мекунанд. Ин аст, ки дархости додситон низ бо вокунишҳои мухталиф дар ҷомеа рӯбарӯ шуд ва ахиран бархе аз чеҳраҳои саршиноси илму фарҳанги Тоҷикистон бо ирсоли нома аз Эмомалӣ Раҳмон хостанд, то шахсан ба ин қазия расидагӣ карда, барои ҳалли одилонаи он кумак намояд.

Худи Зайд Саидов ҳам дар додгоҳ ҳангоми ироаи сухани охиринаш гуфта, ки худро бегуноҳ мешуморад ва тамоми иттиҳомоти мақомотро бофтаву сохта медонад. Вале ҳамзамон таъкид кардааст, агар зиндонӣ кардани ӯ ба нафъи миллату давлат аст, пас, розист, ки зиндонӣ бошад.

Мӯҳр

Хабарҳои монанд:

Shuhrat

Озодагон! Барои чи назархои маро чоп намекуни? Ин бори аввал нест,ки хаминхел цензура мекуни?! Охид хар чизе, ки ман мегуям аз самими калб мебарояд. Йо ту ин ноадолатихоро намебини?

Ҷавоб диҳед Иқтибос Шикоят

Яъкуб.

Ма то имруз тарафдори ин хукумату Рахмон.Баъди казияи Зайд ...........

Ҷавоб диҳед Иқтибос Шикоят

Akram

Тарс ва вахми мардум сабаби хамаи ин конуншиканихо,дард,гам ва азоби мардум гашта аст

Ҷавоб диҳед Иқтибос Шикоят

Озод

Акнун номи Зайд Саидов догдор шуд, доги суди гирифт мебоист ба сиёсат дахолат намекард сохибкор буд сохибкории худашро мекард аз афташ кадом душман уро ба ин рох пеш карда васваса кардааст чунки Зайд Саидов марди беакл набуд сохиби хамаи чиз дову дасгах чанд зан боз ба у чи намерасид. Ман аз аввал медонистам, ки У сиёсатмадор нест чунки сиёсатмадор набояд инхел рафтор кунад модоме, ки Зайд чанд зан доштааст медонист дар конунхои амалкунандаи Чумхурии мо бисёрзани ин худ чиноят аст барои чи ба сиёсат дахолат кард яке аз точирони маъруф буд хамаи шароиташ мухайё буд шарт набуд Президент шавад ба хама маълум буд хатто ба худи У, ки дар Точикистон ба мисли Эмомали Рахмон номзади арзанда надоштем мебоист дар ин ватан оромона зиндаги карда корхои тичории худашро давом медод. Эх Акои Зайд сари туро, кадом номард инкадар гаранг кард ки шуморо ба ин рох рахсипор кард дилам ба шумо месузад намехохам хеч кас лахзахои умри ширини худро дар зиндон гузаронад.
Ба хонаводаи Зайд Саидов сабри чамил мехохам бигзор Худованд моро ба рохи дуруст хидоят кунад, ки дигар ба хатогихо рох надихем.
Ба мардуми Точикистони азизам гуфтаниям худро курбони хар хел васвасахои бемаъни накунед эхтиёт кунед то курбони инхел васвасахо нашавед хастанд шахсоне, ки мансабталошанд ва сари мардумро гаранг мекунанд ба онхо бовар накунед. Худоро шукр кардан даркор то аз ин бад накунад аз ин бадаш яъне:
як каллаи кокро оби дарё бурда истода буд нохост калла овоз баровард ва гуфт Худованд аз ин бад накунад як мард суханони уро шунида мегуяд аз ин бадаш боз чибошад каллаи аз тан чудо об бурдаистодааст нохос калла рафта дар сари як санг зада тит мешавад баъд мард мегуяд аз ин бадтараш будааст. Худованд ба хеч кас ин рузро нишон надихад мардуми моро акли расо риски фаровон ва тинчию ороми насибашон гардонад. Дар панохи Худо бошед.

Ҷавоб диҳед Иқтибос Шикоят

шахрванд

Xap вакто ки шумо аз рохи марказии пойтахт мегузаред . Хоб равед е мадхуш гардед. Чунки ин сохтумонхо ва ободкорихое ки З .Саидов карда аст хотироти шуморо ба кирдори номардонаато бар мегардонад.Агар дил дошта бошед санг не албата чунки шуморовичдонатон азоб агар дошта бошед.Судяхо.муфатишон ва хукумат дороне ки имруз дасти шумо дароз аст.

Ҷавоб диҳед Иқтибос Шикоят

Бахили мурда е точик

Касе хисоб кард агар умраш дароз бошад дар 81 солаги аз зиндон рахо мегардад мухлати чидди Худо ба душмани кас раво набинад Як одам бо як даст хамин кадар сарват чам карда ва боз дар як руз ба бод дод Худоро бузургиашро бин медодасту боз аз дасти бандагонаш чи хел мегирифтааст Акнун хамон сарвати мусодирашударо боз ки сохиб мешуда бошад

Ҷавоб диҳед Иқтибос Шикоят

Сидиков ...

Дар мухабат хар, ки гар даъво кунад,
Сад хазорон интихом бар вай кунад,
Чун бувад содик кашад бори чафо,
Чун бувад козиб гурезад аз бало.
Миёни сад бало хуш бош бо дуст,
Ки он чо ку бувад харгиз бало нест.

Ҷавоб диҳед Иқтибос Шикоят

Эзоҳ илова кунед