04 окт 2013 10:13Тоҷикистон / Сиёсат

Э.Раҳмон: “Агар аз боварии мардум набаромада бошам, қадр мекунанд”

Эмомалӣ Раҳмон, раисиҷумҳури Тоҷикистон, мегӯяд, ҳоло дар бораи пешбарии номзадиаш ба мақоми президентӣ ризоият надодааст ва дар сурати пешниҳод шудан ҳам мардуми тоҷик медонанд киро интихоб намоянд.

Оқои Раҳмон, ки рӯзи 3-юми октябр зимни вохӯрии худ бо сокинони шаҳри Ваҳдат дар ин бора ҳарф мезад, гуфт, агар аз боварию эътиқоди мардуми тоҷик набаромада ва барои онҳо хидмате карда бошад, шаҳрвандони Тоҷикистон ӯро қадр хоҳанд кард: “Дар бораи шахсияти ман агар гап равад, ман фикр мекунам, мардуми кишвар хубу бад, рафтори неку зиштро мефаҳманд.”

Раисиҷумҳур таъкид дошт, ҳеч гоҳ ба қонуншиканӣ роҳ надодааст ва нахоҳад дод: “Ман даст болои Конситутсияи Тоҷикистон монда савганд ёд намудаам, ки ба қонуншиканӣ роҳ намедиҳам. Ман ҳоло ваколатам ҳаст.”

Эмомалӣ Раҳмон дар идома илова намуд, ҳоло аҳзоби сиёсӣ номзадҳои арзандаи худро ба мақоми президентӣ ба интихоботи моҳи ноябр пешниҳод намудаанд ва ҳама фарзандони ин кишваранд ва мардуми тоҷик бояд ҳуқуқи конситутсионии худро истифода карда, озодона овозашонро ба фарди дилхоҳ диҳанд: “Мо бояд имрӯз гӯем, ки чӣ кор кардем ва чӣ мушкилот дорему кадом корҳоро кунем, ки зиндагии халқамон беҳтар мешавад. Дар зиндагиамон кадом камбудиҳо ҳаст.”

Эмомалӣ Раҳмон, ки 61 сол дорад, то кунун дар се интихоботи президентии Тоҷикистон иштирок карда, баранда шудааст. Вай то замони такя задан ба ин курсӣ ду сол раиси Шӯрои олии Тоҷикистон ҳам буд. Дар сурати иштирок ва пирӯзӣ дар интихоботи шашуми ноябри соли ҷорӣ вай барои бори чаҳорум раисиҷумҳури Тоҷикистон интихоб хоҳад шуд.

Мӯҳр

Хабарҳои монанд:

дехкон

Эй бародарон ман худ як коргарии одди хастам як фарзандам дар мухочират аст ва ба хамааш шукр бояд кард. таърих гувох аст. Пас аз 1100 соли давлатдории Исмоили Сомон Эмомал Рахмон дуюмин сарвар аст, ки давлати Точиконро пойдор намуд. Мо хохем нахохем ин дар таърих монда ва бо хатхои зарин навишта мешавад. Мо точикон набояд хатогии мардуми Ирокро такрор намоем. Онхо ба дасисахо дода шуда Садом Хусейнро сарнагун сохтан ва имруз чи хеле як барномаи телевизонии Россия НТВ нишон дод ва дар он чо гуфта шуд, ки мардуми Ирок дар орзуи он аст, ки часади Садом Хусейнро ебанду кафояшро буса намоянд локин сад афсус, ки ин ба онхо муяссар намегардад. Он мувафакатхое, ки мо дар давоми 20 сол ба даст овардаем дар 70 соли Шурави ба даст наоварда будем. Он тинчиву амоние, ки дорем бехтарин неъмат аст ва мо бояд инро ба ягон сарват иваз нанамоем. Ё шумо хам мехохед, ки Точикистони мо мисли давлати хамсая Афгонистон як умр хамчун далати чангзада боки монад. Худо аз хамаи ин нигох дорад.

Ҷавоб диҳед Иқтибос Шикоят

Эзоҳ илова кунед