17 сен 2013 19:26Тоҷикистон / Сиёсат / Дидгоҳи хос

Мулло Ҳайдар интихоб нашудани Эмомалӣ Раҳмонро “ҷинояте зидди давлату миллат” гуфтааст

Мулло Ҳайдар (Шарифов), аз рӯҳониёни шинохта дар минтақаи Кӯлоб, гуфтааст, дар ҳоли ҳозир раҳбари арзанда барои Тоҷикистон Эмомалӣ Раҳмон -- раисиҷумҳури кунуни кишвар мебошад.

Мулло Ҳайдар дар сӯҳбат бо “Азия-Плюс” гуфта, ки ҳар кас дар интихоботи президентии моҳи ноябри соли ҷорӣ ба Эмомалӣ Раҳмон овоз надиҳад, “ҷинояте зидди давлат ва миллат” содир кардааст.

Ба гуфтаи ин рӯҳонӣ, Эмомалӣ Раҳмон дар тӯли бештар аз бист соли ҳукуматдорӣ ба як сиёсатмадори варзида табдил ёфта, ҷаҳон ӯро шинохтаву эътироф кардааст: “Ингуна шахси қобилиятнокро миллати оқил набояд иваз кунад.”

Мулло Ҳайдар мегӯяд, мисли ӯ ҳеч каси дигар Эмомалӣ Раҳмонро намешиносад. Ин дар ҳолест, ки Мулло Ҳайдар рӯзи 4-уми июли соли ҷорӣ дар вохӯрии Эмомалӣ Раҳмон бо рӯҳониёни кишвар пешниҳод намуда буд, тамоми хароҷоти маъракаи интихоботи президентиро ба кӯдакони эҳтиёҷманд садақа карда, замони президентии худро ба таври автоматӣ барои як давраи дигар тамдид кунад. Аммо раисиҷумҳур ин пешниҳодро ба далели мухолифаташ бо Қонуни асосии кишвар напазируфта буд.

Акс аз торнамои "Озодӣ"

Мӯҳр

Хабарҳои монанд:

Nuriddin

Cалом алайкум хонандагони азиз, ба назари шахси ман касе ки ба шахсе ки равшан ва ошкор бар зидди худо ва расул конун мегузорад ва касе ки инро имзо мекунад ва касе ки ба ин рози мешавад ва дастгири мекунад бояд чавоб дихад. Ин ду руза дунё мегузарад дар фикри охират камтар будан лозим. Куръон мефармояд Бар гунох ва душмани ёри нарасонед. Агар касе камтар имон дошта бошад набояд ба шахсе ки зидди дин конун мегузорад овоз дихад.

Ҷавоб диҳед Иқтибос Шикоят

хуршед

хахахахаха.... ҷиноят wink

Ҷавоб диҳед Иқтибос Шикоят

Хакдод

Ман "Овозаи Эмомали президент шудан мехохад"
Дар саросаи кишвар чунин овозаро ба гуши мардум пахн кардаанд аммо мо халки н.Айни бо як овоз Эмомали Рахмонро интихоб мекунем!!!
Гар бар сари нафси худ амири марди
Бар куру кар ар нукта нагири марди
Марди набвад фитодаеро пой задан
Гар дасти фитодае бигири мади

Ҷавоб диҳед Иқтибос Шикоят

диндор

мартабаи ин марди Мулло аз халифахои ввал пойинтар нест....

Ҷавоб диҳед Иқтибос Шикоят

Ватандор

Мулло Ҳайдар мегӯяд, мисли ӯ ҳеч каси дигар Эмомалӣ Раҳмонро намешиносад. Бале, махз хамин шинохтан буд, ки Эмомали Рахмонро ба сари кудрат оварден. Дигар мансаба додани нест. Дар холе, ки як кас аз ду навбат зиёд ба мансаби рпезиденти интихоб шуда наметавонад, у чорум маротиба президент шдестай.

Ҷавоб диҳед Иқтибос Шикоят

Эзоҳ илова кунед