14 окт 2016 11:26Тоҷикистон / Иҷтимоӣ / Рӯ ба рӯ / Тема дня

Мардум: “Лимит” оғоз шуд... “Барқи тоҷик”: Не, “профилактика”

Сокинони навоҳии Тоҷикистон бо “Озодагон” тамос гирифта, аз маҳдудияти интиқоли барқ тайи рӯзҳои охир хабар доданд.

Субҳон, як сокини ҷамоати Мирзо Турсунзодаи ноҳияи Рӯдакӣ, имрӯз, 14-уми октябр дар суҳбат бо “Озодагон” гуфт, шабонарӯзи гузашта интиқоли барқ дар маҳалли зисташон қатъ шудааст: “Дирӯз 8-и саҳар интиқоли барқро қатъ карданд, соати 5-и бегоҳ барқарор карданд. Шабона аз соати 10 то 5-и субҳ хомӯш карданд. Ин саҳар боз соати 8 интиқоли барқро қатъ карданд”.

Инчунин сокинони навоҳии дигари атрофи Душанбе низ аз маҳдудияти интиқоли барқ хабар доданд.

Нозирҷон Ёдгорӣ, сухангӯи “Барқи тоҷик” дар шарҳи вазъ ба “Озодагон” гуфт, расман ҳоло лимити барқ оғоз нашудааст маҳдудиятҳо ба корҳои профилактикӣ дар бархе манотиқи кишвар рабт доранд. Ёдгорӣ афзуд, ҷорӣ намудани “лимит” баъди таҳлили мутахассисон рӯзҳои наздик дар назар аст.
Қаблан Мирзо Исмоилзода, раиси ширкати “Барқи тоҷик” иттилоъ дода буд, ки бо барқарор гардидани иқтидорҳои нав, таъмини неруи барқ ба аҳолӣ дар зимистони имсола нисбат ба солҳои пеш беҳтар хоҳад шуд.

Дар ҳамин ҳол тибқи мониторингги Иттифоқи истеъмолгарони Тоҷикистон 13-уми октябр сокинони ноҳияи Файзобод-17 соат, Ҳисор-11, Ҷиргатол-16, Нуробод-24, Рашт-11, Роғун-14, Рӯдакӣ-22, Шаҳринав-20, Тоҷикобод-19, Турсунзода-22 ва Ваҳдат 7 соат барқ гирифтаанд. Ба иттилои манбаъ навоҳии вилояти Суғд 24 соат бо барқ таъмин будаанд. Иттифоқи истеъмолгарони Тоҷикистон афзуд, ки 13-уми октябр таъминоти барқ дар ноҳияи Бохтар ба 12 соат, Данғара-8 соат, Ҳамадонӣ-21, Ҷиликӯл-20, Ҷомӣ-11, Ховалингу А.Ҷомӣ-11, Хуросон-12, Муъминобод-12, Носири Хусрав-10, Панҷ-18, Қубодиён-17, Шаҳритус-19, Шамсиддини Шоҳин-18, Темурмалик-20, Вахш-11, Восеъ-17 ва Ёвон-19 соат баробар будааст. Дар ВМКБ ба истиснои Мурғоб, ки 8 соат барқ доштааст, навоҳии дигар 24 соат бо неруи барқ таъминанд.

Мӯҳр

Хабарҳои монанд:

Насридинзода

Ман сокини нохияй Рудаки. шахраки Мирзо. Турсунзода. дар домо акалан сивет дихенд мардума дар азоб намонен. хунук мешавад. Масъулон. ки ба доди бенавоён мерасад

Ҷавоб диҳед Иқтибос Шикоят

Рашти торик

Дар нохияи Рашт 5 соат свет медиханд. Мархамат карда бинед

Ҷавоб диҳед Иқтибос Шикоят

mastchoh

лимит хаст мастчох ба имруз 6 соат барк додан ба фикрам

Ҷавоб диҳед Иқтибос Шикоят

хонанда

ноҳияи Рудакӣ 22 соат барқа орзу накунад ва ё дар хоб набинад, дигар баъзан 8 ва баъзан 9 соат барқ дар истифодаи мардум аст, як чизи дигарро ҳам қайд кунем, ки мардум ғам нахуранд, ба наздикӣ мешавад барқ 22 соат - якуми апрели соли оянда, агар ҳазорҳо маротиба ки гуем, инҳо боз ҳамон кори худашонро мекунанд, ман аз як чиз ҳайронам, чаро мо ин қадар аз инҳое ки аслан сазовори илтимос нестанд, илтимос кунем, ки ба мо барқ диҳанд, ба гумон ҳадя намедиҳанд- ку??? пулашро сари вақт медиҳем. БОЗ БОЛОИ ИН НАМОЯНДАҲОЯШОН ГАШТА ИСТИДОДААНДУ МАРДУМРО ОГОҲ ДОРАНД, КИ АЗ 1-УМИ НОЯБР 1квт БАРҚ 16 ДИРАМ МЕШАВАД, ИН ХУДАШ ЧӢ ГАП?? МАГАРАМ МАОШЕ, КИ МЕГИРЕМ ТАНҲО ПУЛӢ БАРҚА СУПОРЕМУ ДИГАР ЛАМПОЧКАҲОРО ТАМОШО КАРДА ШИНЕМ, ШОЯД СЕРАМОН КУНАНД, ЭЭЭ МУРЕД ШАРМАНДАҲО, БО ИН ҚАДАР ФИРЕБУ НАЙРАНГ КАДОМ РУЗЕ ШУМОРО Ё БАРҚ МЕЗАНАД Ё АЗ СЕРОБӢ СЕЛАТОН МЕБАРАД

Ҷавоб диҳед Иқтибос Шикоят

Рудаки

Мониторинги иттифоки истеъмолгарони Точикистон дуруг нагу дар нохияи Рудаки 8-10 соат барк медиханд!!!!!!!!!! Бовар накунед рафта бинед бо чашмони худ сахар соати 5 то 9 ва бегох соати 6 то 10, вале тибки лимити чудошудаи хукумат бояд нохияи Рудаки дар як шабонаруз 16 соат барк гирад! Ин маълумотхо хамааш дуруганд,мардума фиреб накунед

Ҷавоб диҳед Иқтибос Шикоят

Эзоҳ илова кунед