22 сен 2016 15:23Тоҷикистон / Акс
АКСУ САДО: Эътирози навбатии ҷавонон дар Донишгоҳи омӯзгорӣ: ҲНИТ дар Варшава зидди Пешвои миллат хест
Ин ҷавонон дар толори маҷлиси Донишгоҳи омӯзгорӣ иддао доранд, ки Ҳизби мамнӯи наҳзати исломӣ “мехоҳад боз ҷангро сар кунанд”.
Сайдулло Қувватов, яке аз ин ҷавонон ҳангоми суханронӣ мухолифони ҳукуматро, ки дар Варшава эътироз карданд, барои интиқод аз Эмомалӣ Раҳмон танқид кард: “ҲНИТ зидди Пешвои миллат хестанд. Тинҷиву оромиро дар кишвар аввал Худованд, дуввум Пешвои миллат овард”.
Ба иддаои ин ҷавон, ҲНИТ мехоҳад “ғаразҳои нопоки худро дар Тоҷикистон амалӣ кунад”. Ӯ бо ишора ба ин ки гирдиҳамоии Варшаваро раиси ҲНИТ тарҳрезӣ кардааст, гуфт, “дар кишварҳои дигар афроде мисли Кабирӣ одамонро бадбахт карданд”.
Хабарнигори “Озодагон” мегӯяд, дар толори маҷлиси Донишгоҳи омӯзгории Тоҷикистон беш аз 300 донишҷӯ нишастаанд, аммо зоҳиран то шурӯи ин ҳамоиш кам касоне дар бораи мавзӯи он хабар доштанд: “Қабл аз оғоз аз чанд ҷавон пурсидам, ки қарор аст дар ин ҳамоиш чӣ шавад, ҷавоб доданд, ки “намедонем”.
Бегоҳи 20 ва субҳи 21 сентябр як гуруҳ аз ҷавонон назди дафтари САҲА (Созмони амният ва ҳамкорӣ дар аврупо) дар Душанбе гирди ҳам омада ва муроҷиатномаеро ба кормандони намояндагии САҲА таслим карда буданд.
Аслиддин Хушвахтов, яке аз ин ҷавонон ба “Озодагон” гуфта буд, дар муроҷиатномаи худ аз САҲА хостаанд, чаро Аврупо нафаронеро, ки дар Тоҷикистон барои содир кардани ҷиноятҳои сангин таҳти пайгард қарор гирифтаанд ва алайҳи онҳо парванда боз шудааст, имкони буду бош медиҳад ва монеи ҳузури онҳо дар нишасти Варшава нашудааст.
19 сентябр гуруҳе аз ҷавонони тоҷик бо баргузории як ҳамоиши эътирозӣ дар шаҳри Варшаваи Аврупо хостори озодии аъзои маҳкумшудаи раёсати Ҳизби мамнӯи наҳзати исломии Тоҷикистон шудаанд. Ин гуруҳ баъдан вориди толоре шуд, ки он ҷо ҷаласаи Созмони амнияту ҳамкории Аврупо дар мавзӯи демократия ва ҳуқуқу озодиҳои инсон бо иштироки мансабдорону намояндагони ҷомеаи шаҳрвандии Тоҷикистон, бо шумули Зариф Ализода, омбудсмени тоҷик ҷараён дошт. Эътирозгарон дар тан либос бо аксҳои аъзои маҳкумшудаи раёсати Ҳизби мамнӯи наҳзати исломӣ доштанд ва дар канори толор қарор гирифтанд.
Сайдулло Қувватов дар ҳамоиши имрӯз дар Донишгоҳи омӯзгорӣ гуфт, сару садоҳои намояндаҳои ҲНИТ дар бораи фишор бар мусалмонон асос надорад. Ӯ аз ҷумла гуфт: “Ҳоҷии асосии Тоҷикистон ва пешвои мусалмонони дунё Эмомалӣ Раҳмон аст. Мо бояд дуомонам аз Эмомалӣ Раҳмон кунем. Ба ягон ҳоҷиву ягон муллову ягон наҳзатӣ эҳтиёҷ надорем. Пешвоямон ҳар рӯз ба мо дуо медиҳад”.
Қувватов иддао кард, ки ба маслиҳату пуштибонии САҲА эҳтиёҷ надоранд: “Агар тинҷиву ободии Тоҷикистонро мехоҳанд мисли Чин омада маблағгузорӣ кунанд, корхонаву роҳу нақб созанд. Чаро ин корро намекунанд? Чаро САҲА як НБО намесозанд? Агар ободии Тоҷикистонро хоҳад Муҳиддин Кабирӣ ва дигар душманони миллати тоҷикро дошта, Тоҷикистон равон кунанд”.
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
