Оҷонсӣ: Судяе, ки 111 ҳазор $ пора гирифт, саратон дорад
Хайрзода имрӯз, 29-уми июл зимни нишасти хабарӣ дар Душанбе гуфт, Саидзода зарари расондаашро пурра пардохт кардааст ва бо навиштани забонхат аз боздошт раҳо шудааст. Ноиби раиси Оҷонсӣ афзуд, ки инчунин ин нафар мубталои бемории онкологӣ будааст ва раҳоияш аз боздошт дар доираи қонун мебошад. Хайрзода таъкид кард, ки тафтиши парвандаи ҷиноӣ алайҳи Саидзода идома дорад.
Ахиран Шермуҳаммади Шоҳиён, раиси Додгоҳи Олии Тоҷикистон дар посух ба суоли “Озодагон” тасдиқ кард, ки Саидзода бо имзои забонхат, ки аз макони зисташ берун намеравад, аз боздошт раҳо шуд. Раиси додгоҳ гуфт, раҳоии муттаҳам дар салоҳияти мақомоти тафтишотӣ аст ва агар муътақид бошанд, ки гумонбар намегурезаду ба бозпурсиҳо ҳозир мешавад, ӯро раҳо мекунанд: “Тафтиши парвандаи ҷиноӣ алайҳи ӯ аз ҷониби мақомоти зидди коррупсия идома дорад, вале гунаҳкорӣ ё бегуноҳиро мақомоти судӣ ҳал мекунанд”.
Моҳи июн Оҷонсии зидди фасоди Тоҷикистон ҷузъиёти боздошти Искандар Саидзода, додраси додгоҳи ноҳияи Рӯдакӣ, бо иттиҳоми порагирӣ дар ҳаҷми 111 ҳазор доллари амрикоиро ифшо карда буд.
Ба иттилои Оҷонсии зидди фасод Саидзода ба ивази пора ба шаҳрвандон “А” ва “Б”, ки Оҷонсии зидди фасод онҳоро дар қаллобӣ муттаҳам кард, ваъдаи пуштибонӣ додааст: “Баҳори соли равон Саидзода барои пуштибонӣ аз судшавандагон "А" ва "Б" аввал 7000 доллари амрикоӣ ва сипас зери таҳдиди таъини ҷазои маҳрум сохтан аз озодӣ 50 000 доллари амрикоиро гирифта, 19 майи соли 2016 бо ҳукми суди ноҳияи Рӯдакӣ нисбати судшавандагон "А" ва "Б" ҷазои ғайриҳабсӣ, яъне ҷарима татбиқ кард”.
Оҷонсии зидди фасод мегӯяд, Саидзода кирдори ҷиноияшро идома дода, дар доираи парвандаи дигар аз шаҳрвандон "А" ва "Б" боз 50 ҳазор доллари амрикоии дигарро талаб кардааст: “17-уми июни соли равон тахминан соати 17 Саидзода пас аз гирифтани 50 ҳазор доллари амрикоӣ дастгир шуд”. Оҷонсии зидди фасод ин қазияро тариқи телевизионҳо низ намоиш дод, аммо Саидзода баъди чанд рӯзи боздошт дубора раҳо гардидааст. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
