14 сен 2015 11:02Тоҷикистон / Сиёсат

Даъвати HRW, NHC ва AHRCA аз ҳукумати Тоҷикистон дар мавриди Ҳизби наҳзати исломӣ

Созмони ҳуқуқи башар (Human Rights Watch), Кумитаи Ҳелсинкии Норвеж (Norwegian Helsinki Committee) ва Анҷумани ҳуқуқи инсон дар Осиёи Миёна (Association for Human Rights in Central Asia) бо пахши як изҳорот аз ҳукумати Тоҷикистон хостаанд, барои фаъолияти Ҳизби наҳзати исломии Тоҷикистон монеа эҷод накунад.

Дар изҳорот гуфта мешавад, “ҳукумати Тоҷикистон ҳамчунин озору азияти аъзои ин ҳизбро мутавақиф карда аз амалкарди худ алайҳи ҲНИТ даст бикашад ва иҷоза диҳанд, то ҳизбҳои мустақил дар Тоҷикистон фаолият дошта бошанд”.

Борн Енгесланд, муншии кулли Кумитаи Ҳелсинкии Норвеж гуфтааст, “бо таваҷҷуҳ ба коҳиши рӯшани озодии баён тайи чанд соли ахир дар Тоҷикистон тасмими иштибоҳомез барои бастани ҳизби нерӯманди мухолиф барои мо ғайриинтизор нест”. Ба қавли ӯ, ин тасмим на танҳо тааҳҳудоти аслии ҳуқуқи башарро дар Тоҷикистон нақз мекунад, балки мухолифини сиёсиро барои фаолияти пасипардагӣ савқ медиҳад ва хатари бесуботиро эҷод мекунад.

Ҳю Вилмсон, раҳбари Созмони ҳуқуқи башар дар Аврупо ва Осиёи Марказӣ дар ин изҳорот таъкид кардааст, ин тасмим нишондиҳандаи як шикасти бузурги ҳуқуқи башар дар Тоҷикистон аст: “Ҳузури ҲНИТ пас аз созишномаи сулҳи соли 1997 пайдо шуд ва ба ҷанги шаҳрвандӣ дар ин кишвар нуқта гузошт. Бастани ин ҳизб барои ҳуқуқи инсон, мушорикати демократӣ ва субот хатарзо аст".

Мӯҳр

Хабарҳои монанд:

Саидасрор

ХНИТ КАТЪ КАРДА ШАВАД

Ҷавоб диҳед Иқтибос Шикоят

Саидасрор

И доф ба Обама мурочиат намоед нашид бо ягонтаи дигаша

Ҷавоб диҳед Иқтибос Шикоят

Лоик

Сафар,Дар 30 сол бо як кувваи барк ахолиро таъмин карда наметавонеду боз пешрави мегуи? кадом пешрави ?? агар сангпушт барин харакат мекардед холо дар ин 30 сол пеш мерафтед, вале садхо афсус

Ҷавоб диҳед Иқтибос Шикоят

Корбари доими

Ман хайрон мешам ба гапхои якхел одамо, ки мегуян ХНИТ ба халки точик лозим нест, чи хизмат кардай ину он... Аз номи хамаи мардум гап назанед аз номи худ гап занед, чунки ХНИТ мисли дигар хизбхо аъзо ва чонибдорои худро дорад. Ё мегуян барои пешравии Точикистон чи хизмат кардай?, агар хизмат накарда бошад, пас имруз тинчию ободии Точикистон аз кучост, яъне ХНИТ сабабгори имзои Созишномаи истикрори сулхи точикон аст.

Ҷавоб диҳед Иқтибос Шикоят

Эзоҳ илова кунед