26 авг 2015 08:53Тоҷикистон / Иҷтимоӣ / Рӯ ба рӯ / Дидгоҳи хос / Видео

ВИДЕО: "Асалу харбуза", "Парчам"-у "Ваҳдат", "Сада"-ву "Меҳргон". Боз кадом ид намерасад?

Бо дастури Ҳукумати Тоҷикистон рӯзи 29 августи соли равон дар шаҳри Душанбе Иди “Асал ва харбуза-2015” баргузор мегардад. Барои дар сатҳи баланд баргузор кардани ин чорабинӣ аз ҳисоби масъулини Вазорати кишоварзӣ як гуруҳи кории махсус таъсис шудааст.

Дар Тоҷикистон ба ҷуз Иди “Асал ва хабуза”, идҳои зиёде монанди Истиқлол, Ваҳдат, Наврӯз, Парчам, Сада, Меҳргон, идҳои динӣ -- Рамазону Қурбон ва амсоли инҳо зиёд ҷашн гирифта мешавад. Дар пасманзари ин, хабарнигори “Озодагон” дар кӯчаву хиёбонҳои Душанбе аз роҳгузарон пурсид, ки КАДОМ ИДРО НАДОРЕМ ва чи ИДИ ДИГАРЕРО БОЯД ТАҶЛИЛ КУНЕМ?

Посухҳо якранг набуданд. Иддае мегуфтанд, "ҳама идҳоро дорем ва роҳандозии идҳои дигар сарфаи беҳудаи вақте беш несту сабаби камшавии рӯзҳои корӣ мегардад". Ин гуруҳ таъкид мекарданд, "ба ҷойи баъзе идҳо хуб мебуд маблағи харҷи он ба ятимхонаҳо дода мешуд". Аммо Саидаҳмади Қурбон, як сокини Душанбе мегӯяд, Тоҷикистон ба «Иди Китоб” ё “Китобдӯстон” ва ё чизе монанди ҳамин ниёз дорад, то мардум ба хондан ташвиқ шаванд. Ин ҳамсуҳбати мо афзуд, дар ин бора бояд донишмандон бештар бигӯянд, "зеро чомеае, ки панҷ дарсадаш донишманд набошад, он ҷомеа ҳеч гоҳ пеш нахоҳад рафт".

Рамазон Давлатов, устоди Донишгоҳи омӯзгории Тоҷикистон ҳам гуфт, бояд бештар ба идҳое аҳамият дода шавад, ки ҷанбаи фарҳангӣ ва ахлоқӣ дошта бошанд: “Имрӯз интернету телефон шавқу ҳаваси китобхониро бурдааст. Шояд имрӯз бигӯянд, ки тоҷик миллати китобхон аст, аллакай не. Шояд як сол пурра соли китоб эълон шавад ва як ҷашни китоб эълон шавад ва дар онҷо китобдори беҳтарин, китобхони беҳтарин, китобнависи беҳтарин, хаттоти беҳтарин муайян карда шавад”.

НАЗАРИ СОКИНОНИ ДИГАРРО ДАР ИН ВИДЕО БУБИНЕД ВА ШУМО НИЗ АНДЕШАИ ХУДРО БИНАВИСЕД

Мӯҳр

Хабарҳои монанд:

ШАРМАНДАЕМ

ассалому алайкум бародарон ва хохарони азиз ин хукумата ман инафахмидам 5 сол боз барои танзим ва исрофкори гап мезанан аммо ин идхои бехудаи худашона намебинан мардуми бечора дар хаёташ як писар ё духтарашро хонадор мекунад барояш як иди калон аст аммо намегузоранд ки хушбахтии худро хамон руз гузаронад дар хол болои сарашро мегиранд ки дар маракаат чи зиёфат дори!!!!пас чаро худашон инкадар сарфа кори мекунанд барои давлати кашшоки мо айб асти ки 2 мил мухочир дорем кувваи барк надорем аммо харруз ид дорем шармандагии бар ин маскарабозхо!!!иди нав иди самарканду бухороро аз даст додан замин хои помирро ба хитой доданро хам кайд кунен

Ҷавоб диҳед Иқтибос Шикоят

Эзоҳ илова кунед