14 июл 2015 11:25Тоҷикистон / Иҷтимоӣ / Рӯ ба рӯ / Тема дня

Сардори Хадамот: Ахлотро оварда, ҳасибу катлету шашлик мепазанд (ВИДЕО)

Абдуфаттоҳи Ғоиб, раиси Хадамоти гумруки Тоҷикистон, имрӯз, 14-уми июл зимни нишасти матбуотӣ аз бевиҷдонии бархе соҳибкорони тоҷик интиқод намуд, ки барои истеъмоли мардум маводи заҳролуду ҳар гуна “ахлот”-ро ворид мекунанд.

Сардори Хадамоти гумрук гуфт, ахиран як соҳибкори инфиродиеро боздошт кардаанд, ки дар ҳуҷҷатҳо глюкоза гуфта, амалан аз Эрон пусти мурғро ворид мекардааст: “Вақте борро кушоданд, 23 тонна пӯсти мурғро дарёфт карданд, ки аз он оби заҳр мечакид. Ин маҳсулот дар он кишварҳо истеъмол намешавад, он ҳамчун ахлот меравад. Аммо бархе соҳибкорони мо онро ворид карда, аз он ҳасиб, як намуди ғизо-киевски катлет ва инчунин “куриний шашлик” мепазанду ба мардум пешниҳод мекунанд”.

Абдуфаттоҳи Ғоиб инчунин “рейд”-и ахири ниҳодашро дар кишвар зикр карда, афзуд, ки бисёри бозичаҳои кӯдакона ба кишвар ғайриқонунӣ ворид мешаванд ва барои ҷилавгирӣ аз ин раванд имконоти ниҳоди зертобеяшро нокифоя хонд. Ӯ аз мардуми кишвар ва намояндагони ВАО даъват кард, ки дар мубориза бо чунин қонуншиканиҳо фаъол бошанд.

Айни видео дар bambuser

Мӯҳр

Хабарҳои монанд:

Сухроб

Ба рости аввалхо Абдуфатох Саидовро нагз намедидам. Холо бошад фикрам нисбаташ дигар шудааст. Кор кунй мешудааст ку. Эхтиромона хохиш ном ва ширкати ахлот меовардагиро ошкор намоед.

Ҷавоб диҳед Иқтибос Шикоят

Чалолиддин

Хазор ташаккур ба Шумо чаноби Абдуфатохи Гоиб. Дар хакикат тамоми махсулоти гуштии аз Ирону Хиндустон воридшаванда бо бадтарин сифат вориди Точикистон мешавад. Хатто дар махсулоти гуштии аз Хиндустон воридшаванда тамгаи Иронро мезананд то мардум онро халол гуфта харидори намоянд ва номаълум ки он гушти кадом хайвон аст (фил ё каркадан). Барои дарёфти ин точирони худонотарс барои Шумо барори кор хохонем.

Ҷавоб диҳед Иқтибос Шикоят

рано

на хисси одами на хисси милли на одамгари на имону на дин
ин чи хел халкай??

Ҷавоб диҳед Иқтибос Шикоят

Махмасаид

Итари одамора пул те оташа шашлик мена

Ҷавоб диҳед Иқтибос Шикоят

Кухистони

Худованд барои чунин одамон, ки лукмаи харом ба мардум мехуронанд азоби дардноке ваъда кардааст. Мардуми точик аз хад аз рамка баромадааст. Аз ин пас зуд зуд ошхонахоро тафтиш намудан даркор. Айб аст, ки Эронихо мегуянд, ки молеро мо ба ахлот мепартоем, Точикон бурда мехуранд. Мурдани чунин сохибкорон бех. Ин аз онхое, ки солхои пеш ба мардум гушти хар медоданд, батар хастанд. Рахмат ба Гумрук. Минбаъд хушёр шудан лозим.

Ҷавоб диҳед Иқтибос Шикоят

Эзоҳ илова кунед