Боздошти “ҷияни Шукурҷон Зуҳуров”, “ёвари Азим Иброҳим” ва...
Вазорати умури дохилӣ бо нашри як гузориши видеоӣ гуфт, Умедҷон Абдураҳмонов, соли таваллудаш 1998, зодаи шаҳри Душанбе, муваққатан истиқоматкунандаи ҷамоати деҳоти Гулистони ноҳияи Рӯдакӣ, ки дар ягон ҷо таҳсил намекунад, аз номи кормандони воломақоми давлатӣ ба масъулин супориш дода, мушкилоти хонаводаашро ҳал мекардааст. Аз ҷумла аз номи ёвари муовини аввали сарвазири Тоҷикистон ба раиси ноҳияи Фирдавсӣ занг зада, дастур додааст, дар арафаи Иди Ғалаба ба як сокини солхӯрда ва ниёзманд, ки модарбузургаш будааст, кӯмак расонда шавад.
Худи Умедҷон дар ин гузориш суҳбат карда, аз ҷумла гуфт: “Ман бо худи роҳбари ҳокимияти маҳаллии ноҳияи Фирдавсӣ тамос гирифтам. Телефони мобилиро бардоштанд, баъди салом гуфтам, монда набошед. Гуфтанд, ташаккур. Худамро ҳамчун ёрдамчии Азим Иброҳим, муовини аввали сарвазири Тоҷикистон муаррифӣ намудам. Гуфтанд, марҳамат, чӣ пешниҳод, чӣ хизмат? Гуфтам ҳамин як сокини ноҳияи Фирдавӣ, Муҳиддинова Фотима, санаи таваллудаш 1-уми июни 1935 дар ҳамин хел ҳолату шароит қарор дорад ва дар ҳамин ҷашни Ғалаба ӯро кӯмаку дастгирӣ кунед. Онҳо дархостро қабул карданд, гуфтанд, ҳатман меёбем ва кӯмак мекунем. Фамилия ва рақами телефонҳоро додам ва онҳо бибии Фотимаи маро ёфтанд, рафтанд комиссия гузаронданд, 500 сомонӣ аз номи соҳибкорон кӯмакпулӣ доданд. Баъдан боз ба ман занг заданду гуфтанд, дархости Шуморо иҷро кардем”.
Вазорати умури дохилӣ аз қавли Умедҷон Абдураҳмонов илова намуд, ки падару модараш аз ҳам ҷудо шудаанд ва феълан оилааш дар шароити ногувор дар Рӯдакӣ иҷоранишин мебошад. Ба иттилои манбаъ, Умедҷон баъди он ки падараш алиментпулиро саривақт насупорид, ба оилаи ҳамсари нави падараш занг зада, худро корманди Суди олӣ муаррифӣ кардааст: “Ман худамро корманди Суди олӣ муаррифӣ кардам ва гуфтам шавҳари шумо дар куҷоай, ки мисол ду фарзанд дораду алиментро саривақт намесупорад? Онҳо гуфтанд, дар Маскав. Ман гуфтам, фарқ надорад, ҳамин қонун қатӣ, ҳамин ҳалнома қатӣ бояд давоми ҳамин се рӯз алиментро супоред. Агар насупоред, ман ҳамин шаҳрвандро фарёд мекунам, аризаи даъвогияшро мегирам, қабулгоҳи ҳамон прокуратураи ноҳияда месупорам, даъвататон мекунанд, мисол протоколтон тартиб медиҳанд, ҷарима месупоред буҷаи давлатда. Мисол чем ҳамон буҷаи давлатда маблағ супоридан, ҳамон алиментро саривақт супоред, ки не шумо гап шунаведу не инҳо даводав кунанд. Баъди ҳамин саҳар қатӣ маблағи алиментро пардохт карданд. Ман қатии модарам онро гирифта, лавозимоти мактабӣ харидем. Дигар баъди ҳамон тамосам оилаи падарам саривақт алиментро оварда месупорид”.
Дар гузориши видеоии Вазорати умури дохилӣ гуфта шуд, Умедҷон Абдураҳмонов барои он ки дӯстону ҳамсолонаш писари камбағал буданашро нафаҳманд, худро хеши афроди воломақом муаррифӣ мекардааст. Аз ҷумла худро ҷияни Шукурҷон Зуҳуров, раиси Маҷлиси намояндагон мегуфтааст ва падараш гӯиё ҳамчун сафир дар хориҷа кор мекунад.
Ин қазия дар ҳолест, ки қаблан Оҷонсии зидди фасод як наврасро боздошт намуд, ки худро Сомони Эмомалӣ, писари раисиҷумҳури Тоҷикистон муаррифӣ карда, аз як корафтода 50 ҳазор доллари амрикоӣ гирифтааст. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
