27 апр 2015 09:02Тоҷикистон / Дин ва зиндагӣ / Тема дня

"Ҳайфи ту"-и Кумитаи дин ба барандаи Висоли ҳақ: Агар инсоф медоштӣ...

Кумита оид ба корҳои дин, танзими анъана ва ҷашну маросимҳои миллии Тоҷикистон бо нашри изҳороте ҳарфҳои барандаи шабакаи моҳвораии “Висоли ҳақ”-ро нисбати ҳукумату давлати кишвар буҳтону туҳмат хонда, аз масъулини он хостааст, ба ин гуна барномаҳои худ хотима бахшанд.

Масъулини кумита гуфтаанд, суханҳои Муҳаммад Ансорӣ, барандаи “Висоли ҳақ” дар бораи “маҳдудиятҳои динӣ” дар Тоҷикистон ва маҳрум мондани занону модарони тоҷик аз ҳаққу ҳуқуқи хеш, аз ҷумла пӯшидани сару либоси исломӣ “шаттоҳӣ”-е беш нест. Дар изҳороти мазкур, ки торнамои расмии кумитаи нашр кардааст, гуфта мешавад, Муҳаммад Ансорӣ бидуни огоҳии дақиқ аз вазъи воқеии Тоҷикистон ба таҳияи ин гуна барномаҳо пардохта, ҳадафи ӯ “нохун задан ба эҳсоси мазҳабии эшон” мебошад.

Масъулини Кумитаи дин мегӯянд, барандаи “Висоли ҳақ” дар ҳоле ҳукумат ва давлати Тоҷикистонро ба ҷонибдори аз фоҳишахонаҳо ва бастани масоҷиду мадрасаҳо муттаҳам мекунад, ки дар давраи истиқлолият беш аз чаҳор ҳазор масҷид дар қаламрави кишвар ба қайд гирифта шуда, муассисаҳои динӣ фаъолият доранду Қуръони карим, “Саҳеҳ”-и Бухорӣ ба забони тоҷикӣ тарҷума ва ройгон тақсим шудааст: “Агар ин нафар заррае ҷавонмардӣ медошт, такрор ба такрор намегуфт, ки “Занҳои тоҷик ба хотири чанд пуле танфурӯшӣ мекунанд. Зеро ки таълимоти паёмбари Ислом (с) ба касе ин ҳақро надодааст. Дар ҳадиси саҳеҳ омадааст: Аз ҳафт ҳалоккунанда бипарҳезед ва яке аз инҳо (ҳалоккунандаҳо) туҳмати занони покдоман аст (ривояти Бухорӣ). Дар ҳоле, ки Ансорӣ хуб медонад, марказҳои танфурӯшиву одамфурӯшӣ дар кадом кишварҳо воқеъ гардидаасту ки аз хидмати онҳо истифода мебаранд. Ҳайфи ту! Агар ту инсоф медоштӣ, набояд муборизаи беамони мақомоти қудратии тоҷикро нисбат ба ин амали нангин нодида мегирифтӣ. Вале афсӯс, ки чанд беномуси дигаре дар тақвияти туҳмату буҳтонҳои ӯ нисбат ба Давлату миллат чоплусиву лаганбардорӣ мекунанд”.

Дар изҳороти кумита таъкид шудааст, дар Тоҷикистон ҳеч гуна қонуне дар бораи манъи пӯшиши либосҳои исломӣ қабул нашудаасту Эмомалӣ Раҳмон, раисҷумҳури кишвар низ дар робита дастури мушаххасе надодааст: “Танҳо Сарвари давлат пешниҳод намуд, ки бо дарназардошти мавқеи ҷуғрофии кишвар ва арҷгузорӣ ба фарҳанги миллӣ хоҳарон ва модарони мо ба ҷои таќлид ба бегонагон аз пӯшиши миллие истифода намоянд, ки дар худ ҳам меъёрҳои муқаррарнамудаи динӣ ва ҳам унсурҳои фарҳангии ниёконро ифода намояд”.

Дар охири изҳорот аз суханҳои Эмомалӣ Раҳмон дар бораи дини мубини Ислом, ки “фарҳанги исломии мо ҳамчун ҷузъи фарҳанги миллӣ бисёр ҷиҳатҳои арзишманд ва зиндагисоз дорад, ки истифодаи дурусту оқилонаи онҳо метавонад барои эъмори ҷомеаи адолатпарвар ва ҳифзу таҳкими сулҳу амнияти умумӣ ва суботи сиёсии мамлакат хизмат намояд” гуфтааст, ёд шуда, аз Муҳаммад Ансорӣ даъват гардида, даст аз “туҳмату буҳтон” бардорад.

Изҳороти Кумитаи дин дар ҳолест, ки масъулини шабакаи моҳвораии “Висоли ҳақ” дар пайи маъракаҳои зидди ҳиҷобу риш дар Тоҷикистон аз тасмими худ дар мавриди таҳияи барномаҳо дар бораи фазои динӣ ва мазҳабии кишвар хабар доданд. Шабакаи моҳвораии “Висоли ҳақ” бо намоиши як барнома, ки дар он Муҳаммад Ансорӣ сухан мегуфт, ҳукумат ва давлати Тоҷикистонро ба шиддат зери тозиёнаи танқид қарор дода, ба ҷонибдорӣ аз фоҳишаҳову фоҳишахонаҳо муттаҳам кард.

Мӯҳр

Хабарҳои монанд:

ма

Сухане гуфт. Рост гуфт. Лекин. Бародаро инро бидонед,ки. Ин шабакахо. Ифроти хастан. Агар инхо. Хак бошанд. Мусалмонхоро. Ба вахдат сулх даъват мекардан.

Ҷавоб диҳед Иқтибос Шикоят

сино

точик,
Хайр одам аз модар бериш таввалуд мешудааст бояд ба гуфти худат риш намонад.Боз одам белибос таввалуд мешавад бояд либос напушад??? Хайр ришатро тарош белибос зимистону тобистон гаштан гир метавони оилави ин амалро куни.

Ҷавоб диҳед Иқтибос Шикоят

Инсон

Бахудо касам як чизаш аламовар аст ки охир меган ки дар бозор сатру хичоб нафурушед ин аз точикон нест охир европоиро мефурушанд ин магар аз точикон аст ? ина мархмат одами ба акл хулосаша мебарора

Ҷавоб диҳед Иқтибос Шикоят

фируз

Эй бародарони Точик!-Шумо хобед ё бедор... Фикр мекунам, ки хобед... Ба гирду атроф нигаред, асри 21 фаро расидааст, тамоми дунё аз пай илму тарракиёт хаст! Шумо бошед, ба гайр аз салаю ришу сатри арабитаборони калтакалосхур дигар ягон мавзуъ надоред...Солхои 1992 аз пай ришу фашу салаю сатр шуда, кариб буд ки Ватанро аз даст дихем, чудоихохон моро истифода бурда тавонистанд, ки натичаи он хазорон хазор точикон ятим, маъюб, занхои бева ва мардуми дар ба дар гаштем. Охир кур асояшро як бор гум мекардагист, наход ки имруз хам мо ба ин ба ном мусулмонхо бовар кунему аз пай чудоиандозию ташвикоти расму усули бегонагон шавем? Бе хамин ришу фашу сатр 70 сол зиндагии хуб доштем, мусулмони хам буд, хурмати калонсолону падару модар буд... Хозир чи, дар хар махалла Худо ба шукр масчид хаст, рав намозата хон, ягон кас ба ту кор надорад, аммо хурмату изат нисбати падару модару калонсолон намондааст. Бадбахти дар он хаст, ки имруз мо бегонапараст шудаем!!! Ба хамаи ин нигох накарда, бародарони азиз, Вахдату якпорчагии Ватанро хамчун гавхараки чашм нигох дошта, дар хифзи он сина сипар мекунем!

Ҷавоб диҳед Иқтибос Шикоят

сино

Фирӯз
Додар аз радиову телевизори Тоҷикистона тамоша кардана гап занданиҳот мисли диктори TV шудааст.

Ҷавоб диҳед Иқтибос Шикоят

muhammad

он чие ки аён аст хочат ба баён нест! аз дуруг гуи пархез намо

Ҷавоб диҳед Иқтибос Шикоят

точик

Мо мардуми точик аз кадим либоси миллии худро доштем. Ин сатру хичобу риш кучо пайдо шуд. Баъзе аз занону духтарони мо сатрро модда кардаанд чи лозим аст. Ин паст задани фарханги милли мебошад.

Ҷавоб диҳед Иқтибос Шикоят

бандаи Худо

Пушидани сатр, мондани риш ин худнамои мебошад. Шуморо, ки риш лозим мебуд, инсон аз модар бо риш тавлид мешуд, ки Худо инро мефармуд. касе, ки сару либоси дини мепушад, мебинед, ки он шахс бесавод аст, ё фаранг надорад.

Аз Худо тарс пушидани сатр ин худнамои нест ин фармудаи Аллох аст хамун Худое ки ту мункари куръонро офарид фармони хамун аст.Риш бошад ин суннати пайгамбар ва чехраи зебои Мухаммад с.а.с аст.

Ҷавоб диҳед Иқтибос Шикоят

Эзоҳ илова кунед