30 мар 2015 13:46Тоҷикистон / Сиёсат / Дидгоҳи хос / Тема дня

Баёнияи шадиди Шӯрои сиёсии ҲНИТ ба даъвати бастани ҳизб

Шӯрои сиёсии Ҳизби наҳзати исломии Тоҷикистон имрӯз, 30-юми март бо пахши як баёния пешниҳод ва дархостҳои баъзе ниҳодҳоро барои бастани ҲНИТ тарҳи фитнаомез ва мухолиф ба қонун номида, натиҷаҳои онро бар зарари миллат ва давлат унвон кардааст.

Дар баёнияи ин ҳизб омадааст, ки “кашонидани доираҳои динии кишвар ва аз забони онҳо матраҳ кардани як пешниҳоди мухолиф ба Конститутсияи ҶТ ва Созишномаи сулҳ баёнгари оғози як тарҳи фитнаомези дигар мебошад, ки оқибатҳои бади он бар зарари миллат ва давлат меанҷомад. Ҷои таассуф аст, ки баъзе ташкилотҳои динӣ ва шахсиятҳо аз таҷрибаи рӯзгор ибрат нагирифта, аз нав ба васила ва бозичаи сиёсӣ табдил мегарданд ва бо ин амалашон зарбаи бештар ба ҷойгоҳ ва обрӯи ташкилотҳо ва пешвоҳои динӣ мезананд”.

Шӯрои сиёсии ҲНИТ фаъолияти ҳизби сиёсии характери динидоштаро дар Тоҷикистон меъёри конститутсионӣ хонда, вуҷуди онро натиҷаи як тафоҳуми миллӣ ва омили сулҳу ваҳдат дар кишвар донистааст.

Ҳамчунин дар ин баёния омадааст, ки “ҲНИТ ҳамчун ягона ҳизби сиёсии динӣ дар минтақа на танҳо дар барқарории сулҳу ваҳдат дар кишвар саҳм гузоштааст, балки бо мавқеъҳои созандаи худ дар самтҳои дохилӣ ва хориҷӣ ҳамчун як неруи муътадили сиесӣ маъруф гаштааст. Қобили зикр аст, ки маҳз мавқеъгириҳои ҲНИТ дар ҳолатҳои ҳассос борҳо кишвар ва минтақаро аз хатарҳои гуногун ҳифз намудааст. Аз рӯзи расидан ба сулҳ ва созиши миллӣ то имруз ҳатто ягон ҳолате ҳам набудааст, ки ҲНИТ дар сиёсатҳои асосии дохилӣ ва хориҷӣ мавқеъи мухолиф бо мақомоти расмии кишвар дошта бошад. Ҳатто, ҳангоми амалишавии бархе аз сиёсатҳои ғалат ва мухолиф ба манфиатҳои миллии мақомоти расмии кишвар, бештар аз василаҳое мисли фаҳмонидан ва ислоҳсозӣ истифода намудааст, на мавқеъгирии ошкорои манфӣ. Агарчи, ин ҳама солҳо болои ҲНИТ фишорҳо ва маҳдудиятҳо вуҷуд доштаанд, роҳбарияти ҳизб талош кардааст, ки аз сиёсати сабр ва таҳаммул истифода намояд”.

Дар ин баёния ҲНИТ худро пойбанд ба муққарароти Созишномаи сулҳ ва аҳду паймони анҷомшуда хонда, умедворӣ кардааст, ки шарикони сулҳ ва ҳамватанони аҳдкарда низ бо ҲНИТ ба Созишномаи сулҳ чунин рафтор намоянд.

Шӯрои сиёсии ҲНИТ бо ишора ба интихоботи ахири порлумонии Тоҷикистон гуфтааст: “Интихоботи ахири пуртақаллуб ва ахиран, ин пешниҳоди садодода аз забони баъзе мақомоти ҳокимият ва кормандони ташкилотҳои динӣ баёнгари он аст, ки баъзе масъулин сабру таҳаммули ҲНИТ- ро мавриди сӯйистифода қарор дода, дар амалҳои ғайриқонунӣ ва ғайримиллии хеш ҷуръати бештар пайдо кардаанд. Ин амалҳо на танҳо ба ҲНИТ ва дигар ҳизбҳои мухолиф, балки ба ҷомеъа паём мефиристад, ки кишвар қадам ба қадам ба самти яккатозӣ, якандешӣ ва худкомагии мутлақ ҳаракат дорад”.

Шӯрои сиёсии ҲНИТ дар ин баёния аз мақомоти марбутаи давлатӣ тақозо кардааст, ки пеши роҳи чунин амалҳо ва пешниҳодҳои ғайриқонунӣ ва фитнаомез ҳарчи зудтар гирифта шавад ва гунаҳкорон барои барангехтани низоъи сиёсӣ ва кинаву адоват байни кишрҳои гуногуни ҷомеъа ба ҷавобгарӣ кашида шаванд.

Дар интиҳои баёния ҲНИТ бори дигар аз ҳама доираҳои марбут даъват намудааст, “ки дар ҳали масоили умумимиллӣ аз муколама ва фарҳанги сиёсиву ҳамзистии мусолаҳатомез истифода шавад, на аз таҳдиду фишор ва иғвоангезиву тафриқаандозӣ, ки вақтҳои ахир ҷои муколамаи созандаро гирифтааст”.

Бояд гуфт, ки рӯзи ҷумъаи гузашта домулло Домулло Сайид Акбар, муовини раиси Шӯрои уламои Маркази исломии Тоҷикистон дар хутбаи намози ҷумъа ба Ҳукумати Тоҷикистон пешниҳод карда буд, ки фаъолияти ҲНИТ дар кишвар мамнуъ эълон карда шавад ва аз тамоми намозгузорон даъват кард, ки ин пешниҳодро ҷонибдорӣ намоянд.

Мӯҳр

Хабарҳои монанд:

Ислохотхох

Эхаа! чи дар ин давлат тока ХХДТ бдай. гуё дилу чигари ХХДТ барои давлату миллат месузаду ХНИТ душман ё чосуси хоричи. рост ХНИТ бо сабру тахаммулай Иншоаллох-сабр калиди хурсандихост Аммо дар ин давлату хукумати ба ном демократи сабр дуруг ва Хайф аст.

Ҷавоб диҳед Иқтибос Шикоят

Сомон аз А. Чоми

Имруз хеч кас гуфта наметавонад бигуяд,ки хизби у хизби Худо аст, чунки Худованд,ки Холики замину осмонхо ва хамаи мавчудоту махлукоти онхост, ба ягон хизбу харакат, мансабу сарвату кудрат ниёз надорад.
Аз хамин лихоз, чомеаи имрузаи мо,ки аксар (99%) мардуми мусулмонанд, эхтиёч ба хизбе бо номи ислом надоранд, мо худ дар рохи Худо хастему Худо бузург аст, Аллоху Акбар.

Ҷавоб диҳед Иқтибос Шикоят

Мастак

О Мегум, ки дороии бисёр хам чашми одамро курр мекардаастда! баъдан бехуда нагуфтаанд, ки фарбехиро гусфандон мебардоранд! одам, ки сарватманд ва пулдор шуд ба хамаи ин каноат накарда боз дилаш баландпарвоз гашта хело баландихои дигарро парвоз кардан мехохад! бехабар аз он, ки нафси бади одамиро каноат сер кунад ё хоки гур гуфтаанд. Барои хамин хам ин хукуматдорони мо аз фарбехи ва пур гаштани кисахои худ аз хисоби мехнати халки бечора ва пулхои бедарди миён каноат накарда ХНИТ-ро ба худ хамчун душмани раками -1 тарошида истодаанд. Ва барои васеъ кардани майдони чавлони худ ХНИТ-ро бо хар хел тухматхои нохак паст зада барои бастани фаъолияти он бо хар гуна хилаву макру найранг кор буда истодаанд ва роххои бастани онро чустучу доранд! Бехабар аз он, ки хамаи хамин дороихо ва дунёхохихо бо дастони хамин душмани раками- 1 ХНИТ ва бастани созишномаи Сулху оштии дар байни инхо дар замони чанги шахрванди ба миён омада буд! Аз он метарсам, ки ин саросемаги, фикри ночо ва бад бинии хукуматдорони имрузаи мо мастиро ба пасти наорад! ва болои сухта намакоб нагардадааа!.

Ҷавоб диҳед Иқтибос Шикоят

Руслан

Эй мардум як бор аз рӯи мана ҳамон ришдору саладорон Шумо аз гуруснаги ва бехонаги азият накашида будед. Ба ёд оред солҳои 1992 – 1993 чи кору чи кордорҳои накардан ин ришдорон ва ин диндорон. Имруз ки ҳама давлат тинҷ шудааст, ҳама мансабталаб, ҳама соҳиби гап, дар кучо будед ки соли 1992 аз ҷой хеста масъулиятро бар души худ мегирифтеду ватанро обод мекардед на хароб. Вай роҳбар, яъне М. Кабири фикр мекунед, ки парвои ғами шумо дорад. Ба ислом мансабу курси чи даркор, пулу мол чи даркор, боигариии ислом руза ва намоз мебошад.

Ҷавоб диҳед Иқтибос Шикоят

Сомон аз н. А. Чоми

Хизббози бо никоби ислом дар ин замони пур аз муборизахои геополитики ва мухолифатхои кавмиву мазхабии давлатхои исломи ва таъсири чараёнхои ифротии навзухур,ки аслан василаи амалисозии манфиатхои геополитикиву кудратчуёнаи давлатхои абаркудрат мебошанд, дар каламрави точикистон фаъолияти хизби ба ном ислом, танхо бадбахти меораду халос на чизи дигар. Бо дарназардошти ин бастани ХНИТ саривактисту хатмист. Аз ин набояд,ки аъзои ХНИТ пофишори кунанд, чунки ин такозои замон буда барои амнияту ояндаи кишвар аст. Агар, рохбарият ва аъзои ХНИТ дар акикатан хам миллатдусту ватандуст бошанд, ба такдири ин дунёи тан диханд.

Ҷавоб диҳед Иқтибос Шикоят

Cомон

ман мутмаъинам, ки агар ХНИТ аз системаи хизбхои Точикистонамон барояд, магарам, ки Ободии Макон 2000 % ба пеш меравад, хамтараккиёту хам тинчии халк...

Ҷавоб диҳед Иқтибос Шикоят

Бовари ва умед

Ба одами кордон кор осон гуфтаанд хозир дар байни мардум овозахо дар бораи манъ кардани фаъолияти ХНИТ пахн гашта як норозиги ва нобовариро дар байни мардум ба миён овардааст ки бо бастани фаъолияти ХНИТ диндориву имондори ришу сатр ва намозу руза кариб ки ба пурраги аз байни мардум бо роххои фишоровари ва зуровари бурда мешавад!!! Ман хамчун як бандаи хоки ва як шахрванди комилхукуки хамин кишвар аз ин овозвхои бемаънои мардум бовар надорам. Агар хамаи ин талошхо барои сулху субот ва ободии халку миллат дар кишвар бошад бигзор амали гардад. Ман хамон рохбареро мешиносам ва медонам, ки дар хама холат аз баромадхояш пуштибони аз исломи азиз мекард мекунад ва карда истодааст. Барои хамин хам ноумед шайтон гуфтаанд харчи бодо бод рохбарон дар ин чода хато набояд кунанд факат барояшон дуо аз яздони ПОК.

Ҷавоб диҳед Иқтибос Шикоят

Эзоҳ илова кунед