25 фев 2015 15:17Тоҷикистон / Дидгоҳи хос / Тема дня

Барфрезии шадид баҳси шаҳрдорию ТВТ-ро боз "гарм" кард

Раёсатҳои истифодабарии роҳҳои навоҳии Душанбе (РИР) таҳия ва пахши барномаи ахири “Ахбор”-и Шабакаи аввали телевизиони давлатии Тоҷикистон дар бораи вазъи роҳҳои пойтахтро ғайримунсифона хонда, аз ин ниҳод хостааст, ба чунин барномаҳои худ хотима бахшад.

Ба иттилои дафтари матбуотии шаҳрдории Душанбе, Раёсати истифодабарии роҳҳои пойтахт гуфтааст, ситодҳои доимоамалкунандаи шаҳрию ноҳиявӣ аз боду ҳавои охир ва резиши барф қаблан огоҳӣ дошта, дар ҳолати омодабош буданд. “Боридани барф соати 6:00-и субҳ оғоз гардида, дар тамоми ноҳияҳо техникаҳо ва кормандон барои пошидани маводи инертӣ дар роҳҳо сафарбар шуданд, ки то соати 12:00 аз ҷониби раёсат 1745 тонна маводи мазкур дар роҳҳо пошида шуданд”, - афзудааст манбаъ.

Ба қавли масъулини ин раёсати шаҳри Душанбе, гузоришгарони Шабакаи аввали телевизиони давлатии Тоҷикистон ва “иҷрокунандаи ҳадафҳои нопок ин фаъолиятро нодида гирифта, барои таҳрифи воқеият мусоҳибаҳои пурғараз омода карданд, ки ин масъаларо ба имону виҷдони онҳо ва фаромоишгаронашон ҳавола месозем”.

РИР дар хитоб ба гузоришгарони Шабакаи аввали телевизиони давлатии Тоҷикистон таъкид кардааст, онҳо дар ҳоле аз тоза нашудани барф дар кӯчаву хиёбонҳои пойтахт нигаронӣ кардаанд, ки тибқи меъёрҳои роҳсозӣ роҳҳо танҳо баъд аз 10 см шудани баландии барф тоза мешаванд: “Новобаста аз ин ва таъкидҳои пурғараз маълуматон медорем, ки оид ба нигаҳдорӣ ва таъмини бехатарии ҳаракати нақлиёт дар роҳҳо барои бартарафсозии оқибати бориши барфи пуршиддат дар ноҳияҳои Сино 48 адад, Шоҳмансур 34 адад, Фирдавсӣ 30 адад ва И.Сомонӣ 24 адад техникаю механизмҳо ва 2447 кормандони РИР сафарбар гардида, тибқи меъёрҳо ҳолати зарурии роҳҳои зертавозунро таъмин намуданд”.

Раёсат аз Шабакаи аввал инчунин хостааст, заҳматҳои кормандони ин ниҳодро нодида нагирад ва шаъну шарафи онҳоро паст назанад.

Мӯҳр

Хабарҳои монанд:

ruznomanigor

Mehrobi mardon puk budai lekin. Megi az subh to subhi diga tvt barnomahosh mani nadora neki hamasha tamosho meni. Tu 2 pagonai?

Ҷавоб диҳед Иқтибос Шикоят

700

Акаи А Рахмон. корхоятон дар назар рост аст лекин, хохиш дорам гаихои рохро хам як тадкикот кунед илтимос илтимос

Ҷавоб диҳед Иқтибос Шикоят

хамадон

Рахмат бату Мехроби Мардон.Суханхоят хамаги хак хастанд.Бале хамон журналистон таги пои худро намерубанд вале модарону хохарони моро инкадар танкид мекунанд.Холо ин ки танкид кори окилон нест.

Ҷавоб диҳед Иқтибос Шикоят

Фируз Аминов

Агар барф 10 см мешуд, хамон техникаи барфтозакуни хам дар роххо харакат кардан наметавонист. Ва ба кавли русхо транспортный коллапс ва вучуд меомад. Ин стандарти 10 см-роро масъулини роххо аз кучо гирифта бошанд? Одами коркун, ва дилаш ба халкаш месухтаги, аллакай шаб роххоро бо омехтаи куму намак коркард мекарду 10 см барфро интизор намешуд. Дар ин холат барфи рехтаистода дар роххо об мешуданду туда шуда ба наклиёт монеъа намешуд. Ба чои камбудихоро ислох намудан, боз мактуб менависанд. Ноухдабарохо. Агар мисли шахрхои Росия барф борад, ин кормандони мо рохашона гум мекунанд.

Ҷавоб диҳед Иқтибос Шикоят

амир

ТВТ худаш як гапи ростро гуфтаст боз аз хамонам махрумаш мекунаддд МАГАР

Ҷавоб диҳед Иқтибос Шикоят

555

Дар ягон давлати дунё занон ба тоза кардани роххои калон чалб карда намешаванд.Ба холи мо хатто афгонхо механданд.

Дар ягон мамлакатхои чахон заоно барои тоза намудани барф дар шохроххо чалб карда намешаванд.Ба холи мо хатто афгонхо механданд.

Ҷавоб диҳед Иқтибос Шикоят

Покзодагон

Ахсан ба Шумо гузоришгарони Шабакаи якуми ТВТ агар ин нотиконе, ки бо эхсосоти зиёд камбудихои худро дида наметавонанд ва ё дидан намехоханд бо он мошинхои аз асри гузашта бокимондаи худ тавонанд саривакт роххоро аз барф тоза кунанд, манд нон хурданро бас мекунам. Якеро гази мошинаш ях мекунад, дигариро дилаш барои рохтозакуни роххо ях мекунад ин чи гап?
мо аз ТВТ солхо боз чунин гузоришхоро интизор будем, ки муваффа ам шудем.

Ҷавоб диҳед Иқтибос Шикоят

ББ

Худованд мардуми точикро аз ин хел азобхо нигох дорад наход дар пойтахти мамлакат дар холати боридани чунин барфхо натавонанд мардумро аз наклиёт таъмин намоянд айбай

Ҷавоб диҳед Иқтибос Шикоят

Эзоҳ илова кунед