17 фев 2015 10:20Тоҷикистон / Дин ва зиндагӣ

“ШАЙХ ТЕМУР" ДАР СУД: Қисман гунаҳкорам, аммо ҳабсам накунед (ВИДЕО)

Додгоҳи ноҳияи Синои шаҳри Душанбе рӯзи 16 феврал қарори ҳабси Сайидмаҳдихон Сатторов, маъруф ба “Шайх Темур”-ро барои 2 моҳ содир намудааст.

Абдулҳаким Холиқов, раисикунандаи мурофиаи “Шайх Темур” дар суҳбат бо “Озодагон” гуфт, дархости ҳабси пешакии Шайх Темур аз ҷониби Додситони кулли Тоҷикистон ироа шуд. Шайх Темур аз рӯи моддаи 250 қисми 4 - тамаъҷӯӣ ба миқдори махсусан калон, моддаи 170 - бисёрзанӣ ва 164 - монеъ шудан ба таҳсили фарзандон, муттаҳам мешавад. Холиқов ба суоли “Озодагон”, ки чаро қарори ҳабси ин сокини ноҳияи Турсунзода аз ҷониби Додгоҳи ноҳияи Сино содир шудааст, посух дод, зеро парвандаи “Шайх Темур” аз ҷониби Додситони кулл мавриди тафтиш қарор дошта, ин ниҳод дар ҳудуди ноҳияи Сино қарор дорад.

Холиқов илова намуд, худи Шайх Темур низ дар баррасии қарори ҳабси пешакияш иштирок дошт: “Ӯ аз рӯи моддаи 170 - бисёрзанӣ ва 164 - монеъ шудан ба таҳсили фарзандон худро гунаҳкор хонда, иттиҳом аз рӯи моддаи 250 қисми 4-ро баҳсбарангез гуфт. Аз рӯи моддаи 250, қисми 4 гунаҳкорияшро рад карда, танҳо қисман эътироф намуд.”

Ба суол, ки оё Шайх Темур аз додрас озодияшро талаб кард, раисикунандаи мурофиа изҳор дошт, “дархост, намуд, ки ҳабс карда нашавад. Аммо дар мурофиа далелҳои парванда баррасӣ гардида, қарор қабул шуд, ки айбдоршаванда давоми тафтишоти пешакӣ, барои ду моҳ ба ҳабс гирифта шавад.”
Мусоҳиби “Озодагон” гуфт, тибқи қарор Шайх Темур дар боздоштгоҳи муваққатии шаҳри Душанбе нигоҳдорӣ мешавад.

Шайх Темур иттиҳом аз рӯи моддаи 250 қисми 4-ро дар ҳоле рад кардааст, ки ин модда маҳрум кардан аз озодӣ ба муҳлати аз 15 то 20 солро пешбинӣ намудааст.

Номи Шайх Темур баъди он вирди забон шуд, ки шабакаи аввали телевизиони Тоҷикистон шоми 6 феврал филми мустанадеро бо номи “Ривояти Шайх Темур” намоиш дод, ки аз мардумфиребиҳои Сайидмаҳдихон Сатторов, маъруф ба “Шайх Темур” нақл мекунад.

Таҳиягарони ин филм мегӯянд, Сайидмаҳдихон Сатторов соли 1950 дар шаҳри Ваҳдат таваллуд шуда, то соли 2012-ум номи ӯ Темурхон будааст: “Аммо охири соли 2011 ва аввали соли 2012 худро миёни муридон “Маҳдии охирзамон” гуфта, номашро расман Саидмаҳдихон Сатторов кардааст.”

Ӯ як шахси соҳиби маълумоти нопурра муаррифӣ шуд, ки дониши нахустини диниро аз падараш омӯхта ва худро миёни мардуми водии Ҳисор “авлиё”, “шайх” ва “имом Маҳдӣ” гуфта, духтарони ҷавонро ба никоҳаш медаровардааст. Дар ин гузориши телевизионӣ ба дороиҳои Сатторов низ ишора гардида таъкид шуд, аз ҳисоби муридонаш соҳиби молу мулк шудааст. Муридон ба ӯ то ҳадде ихлос доштаанд, ки молашонро тақдим мекардаанд, мошинашро мебӯсидаанд ва оберо, ки шайх дар он даст мешустааст, бо навбат менӯшидаанд. Саидмукаррам Абдулқодирзода, раиси Шӯрои уламои Тоҷикистон дар ин филми мустанад аз мошинбӯсӣ то саҷдакуниҳо ба “Шайх Темур”-ро хилофи шариати исломӣ мегӯяд.

Муридонаш, ки дар пайравӣ ба ӯ саллаи кабуд мебастаанд, миёни мардум ҳамчун “саллакабудҳо” маъруф будаанд. Муридон нафаронеро, ки барои ба зании “шайх” додани духтарони ноболиғашон розӣ намешудаанд, бо он тарс медодаанд, ки “авлиё” дуои бадашон мекунаду ба балое гирифтор мешаванд. Ба иддаои таҳиягарони филм, “Шайх Темур” соҳиби 7 зан ва 20 фарзанд буда, бештари занҳояшро дар синни 15-18 солагӣ ба никоҳ даровардааст.

Гузоришгари телевизион аз доираҳои руҳоният интиқод мекунад, ки бо вуҷуди огоҳӣ аз кирдорҳои раҳгумзанандаи "Шайх Темур" ошкоро алайҳи куфру ширки ӯ садо баланд накардаанд: "Инчунин мақомоти маҳаллии ҳокимияти давлатӣ низ тӯли чандин сол қаллобиҳои зери пардаи дин пинҳоннамудаи Сатторов Темурхонро назора карда, хомӯширо авлотар донистаанд. Ва ҳатто алоҳида намояндагони соҳаи савдои давлатӣ хешро муриди ӯ хонда, кумаки молии хешро аз ӯ дареғ надоштаанд".

Шоҳидии “Шайх Темур”, иқрори муридон, нишондоди ҳамсар, суолу ҷавоб бо уламо ва шарҳи муфтии Тоҷикистонро ба таври муфассал дар навори зер тамошо кунед:

Мӯҳр

Хабарҳои монанд:

шубха

ман видеои шайхтемурро дидам ва нафахмидам чаро аз у напурсиданд ки: "чар худро паембар эълом кардааст", ин гуна суол набуд., вале реклама чунон бадвохима ки " гуе у худро паембар эълон кардааст".

Ҷавоб диҳед Иқтибос Шикоят

лола

инро хатман дар панчара шинондандаркор то ки фахмад

Ҷавоб диҳед Иқтибос Шикоят

ми

ношинос,
.,
.,

Ҷавоб диҳед Иқтибос Шикоят

Мехрангез

худо хамаи мора аз балохои осмониву замини нигохдор.

Шавад рузе ки дар болини хасратхо фигон дори
Нафас дар гаргара чун мурги чони дил талон дори
Ба сакфи хонаи чашм дузи зору пурхасрат
Кучо бар рози дилгуи дами теги забон дори
Бувад кобиз паи чонат азозил дар паи эмон
Чу мушкилхои пурошуб андар ин миён дори

Ҷавоб диҳед Иқтибос Шикоят

Эзоҳ илова кунед