30 сен 2014 08:30Тоҷикистон / Иҷтимоӣ

Мақомот: Кӯчарӯбро корманди прокуратура пахш кардааст

Додситонии Душанбе тасдиқ намуд, ки Зеварбону Пирова, як роҳруби 53-солаи тоҷикро дар хиёбони Исмоили Сомонӣ корманди прокуратура пахш кардааст.

Тавре манбаи “Озодагон” аз ин ниҳод иттилоъ дод, парвандаи ин ронанда, ки корманди додситонии ноҳияи Исмоили Сомонӣ мебошад, аллакай ба Додситонии генералӣ равона шудааст ва ҷузъиёти бештари онро ифшо карда наметавонад.

Дар суҳбат ба “Озодагон” наздикони Зеварбону низ изҳор доштанд, ки ронанда Фирӯз Холиқзодаи 31-сола буда, дар прокуратура кор мекардааст.

Зеварбону Пирова, як роҳруби 53-солаи тоҷик, субҳи 28 сентябр ҳангоми руфтани роҳи назди меҳмонхонаи “Ҳаят Реҷенсӣ” дар хиёбони Исмоили Сомонӣ зери чархи мошин монда буд. Ҳамкорони Зеварбону, ки шоҳиди ҳодиса будаанд, дар суҳбат бо "Озодагон" гуфтанд, қазия соати 4:30 дақиқа рух дод: "Мошин баъди он ки Зеварро пахш кард, ҳатто суръатро паст накарда ҳамчунон ба роҳаш идома дод. Вақте ду ҳамкори дигарамон ин ҳодисаро диданд, аз тарс аз ҳуш рафтанд. Онҳоро ба Қарияи Боло бурданд”-гуфтанд тамизкорон.

Дар ҳамин ҳол наздикони Зеварбону ба “Озодагон” гуфтанд, суръати мошин ба ҳадде баланд будааст, ки ҷасади марҳумро ба қисмҳо ҷудо кардааст.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

siyvusn

Россия

Ҷавоб диҳед Иқтибос Шикоят

Марди рох

Ба тамоми бинандагон аввало ба хар ду тараф ба яке сабри чамил дигаре сабуки дар кор биёед афсонаро бас кунем барояшон пешравих насиб будаст хечкас интизори чунин фалокатро намекунад

Ҷавоб диҳед Иқтибос Шикоят

Максуд

Абдуфатох Гоибов ба ту хитоб мекунам адвакат Шухрат Кудратовро барои як садамаи наклиёти ки холо вай ягонкасро накушта буд ё ба ягон кас зарар хам расонидаги набуд гунахгор карди аммо ана ин корманди пракратура шахсро аз хаёт махрум кард мебенем чихел назорат мекуни

Бояд дар назди конун чавоб гуяд корманди пракратура

Ҷавоб диҳед Иқтибос Шикоят

Эзоҳ илова кунед