24 сен 2014 10:26Тоҷикистон / Дидгоҳи хос / Тема дня

Продюсери Тахмина: Чаро дӯсткуши душманпарварем?

Меҳрафрӯз Неъмонзода, продюсери Тахмина Одинаева, як овозхони ҷавон мегӯяд, таронаҳои иҷрокардаи ӯ, аз чорчӯби одобу ахлоқ берун нестанд. Хонуми Неъмонзода, дар пайи нашри як хабар дар “Озодагон”, ки “Баҳси як клип дар интернет: Аз “паст задани тоҷикон” то рэпҳои “бемаънӣ” ном дошт, вокуниш нишон додааст. Ин хабар дар пояи шарҳҳои зиёди корбарони торнамои “Топ-видео” зери клипи “Бевафо”-и Тахмина Одинаева ва рэпсаро Шон МС таҳия шуда буд. Матни номаи Меҳрафрӯз Неъмонзода ин аст:

“Тахмина ҳунармандест, ки ба тозагӣ фаъолияи эҷодии худро оғоз намуда, барои ба орзуҳои сабзи хеш расидан, ин шабу рӯз зиёд заҳмат мекашаду кушишҳо ба харҷ медиҳад. Меҳнатҳои пайвастаи ӯро ман бо ду чашми сар дидаю мушоҳида карда истодаам. Таронаҳои ин бонуи ҳунар- “Қисмати бевафо”, “ Наё”, “Майда-майда” ва “Бевафо”, ки бо рэпсаро Шон МС сурудааст, на танҳо аз зиндагии худи ҳунарманд, балки ҳаёти мову шуморо бозгӯй мекунанд ва гумонам ин аст, ки дар интихоби шеър Тахмина ба хатоӣ роҳ надодааст. Сурудҳояш аз чорчӯби одобу ахлоқ берун нестанд, ки онҳоро бемаъниву бе муҳтаво бигӯем ва бигӯем, ки чунин таронаҳо моро ба куҷо мебаранд? Масалан суруди “Бевафо”, ки бо ҳунарманд Шаҳбоз (Шон МС) сурудааст, чунин мебошад:

Пас аз рафтан наё пешам,
Нашав хешам на дарвешам,
Азизам рафтӣ, рафтан гир,
Масӯзон ин дили решам.

Ҳайронам, ки дар ин мисраҳо кадом калима бе маъною кадоме таҳқир аст? Ин суханҳо оддӣ бошанд ҳам, бозгӯи дарди як зананд, як бонуе, ки аз азизи дил хиёнату бевафоӣ дида, ранҷур аст, хунҷигар аст ва пас аз рафтан дигарбора омаданашро намехоҳад ва интизор ҳам нест. Охир, каманд занону бонувоне, ки хиёни мард ва ё азизи дил чашидаю аз ин дар азобанд, каманд занҳое, ки марди дилашон аз онҳо рафтааст? Албатта, не! Пас чаро ин дарди бонувонро, ин дарди ҷомеаро (агар чунин гӯем ҳам шояд хато нашавад), таҳқир мегӯему паст мезанем хонандаи онро? Чаро намеандешем, ки барои таҳия ва дастраси бинандаву шунавандаву муштарӣ гаштани ҳамин як тарона ва як клип чӣ қадар меҳнат кардан лозим меояд? Чаро? Чаро дар аксар мавридҳо мо дӯсткуши душманпарварем? Чаро ҷойи дастгирӣ намудан, куишиш менамоем то нафареро дилсарду ноумеду шикаста бисозем, чаро?

Биёед, тарк намоем аз пушти ину он нафар бадгӯӣ карданро ва аз муваффақияти инсонҳо шод бигардем, на ғамгин! Ва пеш аз он ки чизеро ба забон ва бинависем аввал зиёд фикр кунем, ки сухани мо чӣ таъсире ба дигарон мерасонад, хусусан ба нафари эҷодкор, ки пайваста пайи эҷод асту ҳаракат мекунад, то муштарии худро шод намуда бошад”.

Дар акс Меҳрафрӯз Неъмонзода

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Фарида

Бобои Файз! Хо, хушбахти дар хонаи обод, шавхару фарзандон, кору вазифа ва пулу молай, ма Мехрафруза аз солхои донишчуиш мешнохтм ва холо хам медонм, у дар курси якум мехонд дар радио доим гап мезад, суханои хуб мегуфт, гайр аз ин, бори аввал ба дарди ман хамин духтар даво ёфт, на хешам аст на таборам, аммо як соли дароз як кори судии маро даводав карда хал намуд, Худо баракаташ бидихад, аз ин хам обруяшро зиёда гардонад, ин суханхои шумо ба фикрам ки аз бахили аст, агар шумо пешравии инсонхоро хохед паст намезанед як зани бегонаву бегунохро, хар касе набошад, обру дорад, шавхар дорад, фарзанд дорад, хонаву зиндагии хуб, хаминаш басай охи ака, шумо харчи гуед гуфтан гиред, бо гапхои шумо Мехричон кам намешавад. Мехр! Тамоман фикри ин гапхоро накун, аз паси кору борат шав, хам кори газетата пеш бару хам оилаатро аз чунинхо химоя соз ва хам бо хунармандон хамкори кун, Худо аз душманон нигахбонат бошад. Моро дастгири кари, Худо туро дастгир бошад.

Ай хамаи шмо хохиш мекнм ки гапу калочаи бемаъни накнен, янгаи мара паст назанен, айба намедонен охи? Сад бор шкр, ки зиндагиш тинчай, хонаву дараш чудо, чиянакои зебо дорм, чиба ай пеши хдтон хар хел гапо менависен? Янгам факат Тахминара не, чандин сарояндаи дигара дастгири кардагихай, баъд чи? Кори ганда кардай? Ачоиб гап мезанен ба Худо, дасгири куни гунахгор мешави, накуни нописанд мешави, намефахмам, охи дига чи кор кна? Худо додайш, меган ки ба Хдододагон ситеза накн. Хунармандон хам бо хар кас кор намекнан, барои уно одами саводдору мефахмидаги ва шустри даркорай, танбалу нокора ба ки даркорай?

Ҷавоб диҳед Иқтибос Шикоят

Човандоз

Фарида,
Агар одами хуб мебуди корут дар суд намегалтид. И ракосаву хофизои кучагие, ки шумо химоя мекнен, барои халк ягон ахмият надоран. Ай сабаби он ки шумо ахли савод нестен, хаму тоифаи бесаводои хдтона зашита мекнен. Да Точикистон занхои мухточ бисёран, увора химоя намекнен, дар борашон наменависен, неки дар бораи ким кадом як ракосаву хофиз менависен...

Ҷавоб диҳед Иқтибос Шикоят

Эзоҳ илова кунед