06 июн 2014 09:50Тоҷикистон / Иҷтимоӣ / Дидгоҳи хос

Зиндонӣ шудани донишҷӯи Донишгоҳи техникӣ барои таҷовузи Мадинаи 4-сола

Додгоҳи олии Тоҷикистон Сироҷиддин Қараев, ҷавони тоҷикро, ба ҷурми таҷовуз ба номуси духтари чаҳорсола ба 27 солу 6 моҳи равони зиндон кардааст. Дар ин бора ба “Озодагон” полковник Мансур Бухориев, мушовири калони вазири умури дохилии кишвар, хабар дод ва гуфт, ин воқеа тобистони соли гузашта дар шаҳри Ваҳдат иттифоқ уфтодааст.

Ҷаноби Бухориев гуфт, додгоҳ Сироҷиддинро бар асоси моддаҳои 104, қисми 2 (одамкушӣ), моддаи 117, қисми 2 (азобу уқубат), моддаи 138, қисми 3 (таҷовуз ба номус), моддаи 130, қисми 3 (одамрабоӣ) гунаҳкор дониста, ҳукми зиндони ӯро охирҳои майи соли ҷорӣ содир кардааст.

Ба қавли мушовири калони вазири умури дохилии кишвар, Сироҷиддин Мадина Сафароваи чорсоларо ҳамроҳи хоҳари бузургаш С., ки он замон дар синфи нуҳум хонда, бо ӯ телефонӣ суҳбат ва гоҳо мулоқот мекардааст, дидааст. Баъд аз он ки, мегӯяд Мансур Бухориев, С. пешниҳоди Сироҷиддинро дар бораи ҳамхобагӣ рад мекунад, ӯ Мадинаи чорсоларо ба мошинааш савор карда, ҷониби шоҳроҳи Ваҳдат-Кӯлоб, назди пул ё купрӯки дарёчаи Элок мебарад.

“Ӯ бо зӯр духтарчаро таҷовуз карда, сипас бӯғӣ карда мекушад. Ҷасади Мадинаро барои рӯпӯш кардани ҷинояти худ ба наздикии деҳаи Навбаҳор бурда пинҳон мекунад”,-мегӯяд Бухориев. Ҳарчанд, ба гуфтаи ӯ, ин ҷиноят пинҳон намонд ва Сироҷиддин Қараев боздошт ва ҳоло равонаи зиндон гардид.

Ин ҳама дар ҳоле будааст, ки Сироҷиддин Қараев, донишҷӯи Донишгоҳи техникии Тоҷикистон, оиладор буда, як кӯдак ҳам доштааст.

Мӯҳр

Хабарҳои монанд:

Classified

ура бояд хукми катл медодан

Ҷавоб диҳед Иқтибос Шикоят

Бутшикан

Аксарияти чавонон махсусан чавонони Вахдат намоз мехонанд ва масчид мераванд ва бовар дорам ки ин чавон хам боре намоз хондааст ва хато чандин бор шояд ба масчид рафтааст... мавъизахои зиёдеро шояд гуш кардааст.. зеро мухити нохияи Вахдат ба ин гуна масоил тавачухи хоссатаре дорад...Эй халоик дигар бо Худо гуфтан мардума тарсонида намешавад.. ин кора накун Худо мезанад .. азоби кабра мебини у дунё рафта дузахи мешави гуфтан кати мардума дигар тарсонида намешавад.. албатта аксарияти халка тарсонида намешавад.. зеро дигар башар дар як сатхе ва замоне расида ки сидкан ба ин чизхо эътикод доштахо хеле каманд.. бинобарин камтар вокебинона бояд амал карда конунро бояд пурзур кард.. конуне ки аз шох то ба гадо ба хамма тааллук бигирад..махсусан чиноятхое ки ба номуси инсонхо тааллук мегирад 10 -20 сол хам гузарад хам кофта ёфта чазохои сангин бояд дод.. мутаасифона ин гуна чинояткорон холо хам дар чомеаи мо кам нестанд.. ва озодона зиндаги доранд.. харохиштакхо ... лутихову.. танфурушу.. фарзандфурушу дигарон..ба танфурушхо чаримахои хеле калон бояд баста шавад.. ба луттихо хам.. ки тамоми умр бепул ба давлат кор кунанд.. аз лаззати шахват махрум сохта шаванд.

Ҷавоб диҳед Иқтибос Шикоят

Эзоҳ илова кунед