02 июн 2014 14:00Тоҷикистон / Сиёсат / Дидгоҳи хос

Тавсифи Раҳмон аз барномаи Порошенко дар Украина

Эмомалӣ Раҳмон, раисиҷумҳури Тоҷикистон бо ирсоли як паёми шодбошӣ Петр Порошенкоро бо пирӯзияш дар интихоботи раисиҷумҳури Украина табрик гуфтааст.

Тибқи иттилои дафтари матбуоти раисҷумҳури Тоҷикистон, дар п аёми шодбошии Эмомалӣ Раҳмон аз ҷумла омадааст, “бо камоли майл Шуморо бо пирӯзӣ дар интихоботи раисиҷумҳури Украина табрик мекунам. Пирӯзии Шумо на танҳо баёнгари ҳимояти қавии мардуми Украина аз барномаатон аст, ки ба муътадилсозии вазъ ва рушди минбаъдаи кишваратон равона гардидааст, балки шаҳодати он аст, ки интихобкунандагон сидқан мехоҳанд, дар фазои сулҳу оромӣ ва рушд зиндагӣ кунанд.”

Дар идома Эмомалӣ Раҳмон изҳори умед кардааст, ки дар оянда муносиботи Тоҷикистону-Украина густариш хоҳанд ёфт. Дар ниҳоят раисиҷумҳури Тоҷикистон ба Порошенко дар фаъолоияти давлатӣ муваффақият ва барои мардуми Украина сулҳу саодатмандиро таманно кардааст.

Порошенко дар интихоботи президентии ғайринавбатии Украина, ки 25 майи соли ҷорӣ баргузор шуд, бо ба даст овардани 54,7 дарсади раъйи мардум ба рақибонаш пирӯз шуд. Ба иттилои Кумиссюни марказии интихоботи Украина, Юлия Тимошенко, нахуствазири пешини ин кишвар, танҳо 13%-и ороро соҳиб шуда, номзадҳои дигар аз ин камтарро ба даст овардаанд.

Мӯҳр

Хабарҳои монанд:

Юсуф

акл,
ЭЙ тролл! Тролли зархарид! Тубаринҳоро дар кишварҳои ғарб Troll ё Imagemaker - имиҷмейкер ном мондаанд. Ман дар ин бора дертар бо тафсир хоҳам навишт. Русия тоҷиконро маҷбур ба муҳоҷирати меҳнатӣ набурдааст. Ин дуруст аст. Вале дарвозаашро низ маҳкам намекунад. Медонӣ барои чӣ? Барои онки, он шайтон аз муҳоҷирини меҳатӣ ҳамеша ба сифати инструменти шантаж истифода мебарад. Замоне сиёсати ҳукумати Тоҷикистон нафоридаш, он инструментро ба роҳ меандозад. Тайи 10 соли ахир мо борҳо шоҳиди ин амали номардонаи Русия шудаем. Ҳамкорони Путлерро дар Тоҷикистон ман намехоҳам ба забон бигирам. Агар бигирам аз сензураи Озодагон намегузарад. Қисса кӯтоҳ, дар Тоҷикистон доираҳое ҳастанд, ки намехоҳанд мардуми зиёд инҷо бекор гарданд, зеро онҳоро бо кор таъмин карда наметавонанд. Аз эътирозу шӯриши мардум метарсанд. Инро Путлер нағз дарк мекунад ва моҳирона истифода мебарад. Аз ҷониби дигар, барои Русия қувваи арзони "хоки сиёҳи корӣ" ҳамеша даркор аст. Аз ин хотир Тоҷикистони гапгир барои вай як манбаъи захираи коргар боқӣ мемонад. Ва инчунин намегузорад, ки Тоҷикистон бо кишварҳои дигар муносибати наздик дошта бошад. Дар ин бора матали тоҷикӣ ҳаст. "НАЗДАМ НАЁ, КИ ДИДАТ НАМЕТАВОНАМ; ДУР НАРАВ, КИ ГУРГАТ МЕХӮРАД!" Сиёсати Русия ана ҳамин тавр ифлос аст! Сиёсати шайтонӣ! Кораш фақат шантаж, экспансия, рӯсиёҳӣ ва якеро бо дигар ҷанг андохтан. Хушбахтона рӯз то рӯз ин сиёсат ошкор ва аз ҷониби ҷомеаи ҷаҳонӣ маҳкум гардида истодааст. Дур нест он рӯз, ки рус дар рӯи замин танҳо мемонад. Агар дар онҷо демократияи воқеӣ ғалаба накунад. Валеи ин мавзӯи сӯҳбати дигар аст.

Ҷавоб диҳед Иқтибос Шикоят

ДУШАНБИНКА

ИН КАДАР РОСИЯРО НАХ МЕЗАНЕД. КАНИ АМРИКОЯТ БАРОИ ТОЧИКАТ ЗАВОДУ ФАБРИК БИСОЗАД Е ИН КИ МА ШАХРВАНДИ ДАЪВАТ БИКУНАД. ДАР ЧАШМИ АМРИКО ТУБАРИНХО ТЕРРОРИСТЕД. ИН АМРКОЯТ ТОЧИКИСТОНРО ХИЧ МЕШУМОРАД БОЗ ТУ АМРИКОИПАРАСТИ ДОРИ. РОСИЯ ДАР ХАКИКАТ БУЗУРГ АСТ ВА ХОХАД МОНД ВА ИНРО ТАЪРИХ НИШОН ДОДА ИСТОДААСТ.

Ҷавоб диҳед Иқтибос Шикоят

Эзоҳ илова кунед