25 май 2014 08:06Тоҷикистон / Рӯ ба рӯ

Шарҳи расмии ВКД дар бораи марги Турсунов ва ноиби пешини Убайдуллоев

Дар пайи садамае, ки 24 майи соли ҷорӣ дар ноҳияи Варзоб иттифоқ уфтоду мошин ба дарё сарозер шуд, Абдулҳақ Оев -- проректори Донишгоҳи техникии Тоҷикистон ва собиқ ноиби раиси шаҳри Душанбе дар умури роҳу нақлиёт, Абдуқаҳҳор Турсунов ва Облоқул Сангинов -- устодони ҳамин донишгоҳ ба ҳалокат расидаанд.

Вазорати умури дохилии Тоҷикистон мегӯяд, ин се нафар ҳамроҳ бо Кашуба Владимир, ноиби раиси Донишгоҳи техникии Братски Русия, дар мошинаи “ГАЗ-3102”, ки Умед Бақоев идора мекард, дар километри 47-уми роҳи Душанбе-Хуҷанд, ба садама дучор мешаванд. Ба қавли манбаъ, мошин ба дарёи Варзоб чаппа шуда, ду нафар аз мусофирон – Умед Бақоев ва Кашуба Владимир – ҷон ба саломат бурдаанд.

Бино ба иттилои ВКД, ҷасади Облоқул Сангинов (соли таваллуд 1955) ва Абдулҳақ Оев (соли таваллуд 1963) дарёфт ва ба хок супурда шуда, аммо то ҳол ҷустуҷӯи ҷасади Абдуқаҳҳор Турсунов (соли таваллуд 1961) идома дорад.

Абдулҳақ Оев, муовини собиқи шаҳрдори Душанбе дар умури роҳу нақлиёт моҳи январи соли ҷорӣ аз мақомаш барканор гардида буд. Худи Оев гуфта буд, ба далели аз ҳад зиёд будани кораш чор бор аризаи истеъфояшро навишта ва мехоҳад, бештар ба илм машғул бошад.

Абдуқаҳҳор Турсунов ҳам солҳои зиёди умри худро барои тарбия ва парвариши шогирдон дар Донишгоҳи техникии Тоҷикистон сарф карда, муовинати раиси донишгоҳ дар бахши илмро бар уҳда дошт. Ӯ соли 1960 дар рустои Понғози ноҳияи Ашт ба дунё омада, соли 1982 Донишгоҳи политехникӣ ва соли 1986 Донишкадаи роҳу нақлиёти Маскавро хатм намудааст. Турсунов рисолаи номзадияшро соли 1990 дар шаҳри Тошканд ва рисолаи докторияшро соли 2003 дар Русия ҳимоя мекунад. Ӯ муаллифи бештар аз 200 мақолаи илмист.

Дар акс: Абдуқаҳҳор Турсунов (чап) ва Абдулҳақ Оев (рост)

Мӯҳр

Хабарҳои монанд:

шогирд

рухатон шод бод устодони азиз ба ахли оилаатон сабри чамил ато фармояд

Ҷавоб диҳед Иқтибос Шикоят

шогирди хар се устод

сад афсус, ин чи намуд давлатдори аст, бовар кунед мардум мо бо хамрохии як катор устодони ДТТ дар чустучуи устод Турсунов хастем, аммо як нафар аз кормандони хукумат ё ин ки аз МЧС нестанд ки барои ковтукоби устод ёри расонанд

Ҷавоб диҳед Иқтибос Шикоят

Хамида

Чояшон чаннат шавад. Худо магфират кунад

Ҷавоб диҳед Иқтибос Шикоят

Шавкат

Дуо мекунем, ки чои гузаштагон чаннат бошад. Барои илми точик талафоти бузург аст. Ба ахли пайвандонашон сабри чамил аз даргохи Яздони пок талаб мекунам. Хуб мешуд хама бародарони савобчуй дар пайдо кардани устод Турсунов сахми худро мегузоштанд.......

Ҷавоб диҳед Иқтибос Шикоят

Шогирд

Ногуфта намонад ки устод Турсунов якумин доктори илмхои техники дар Точикистон дар сохаи истифодабарии наклиёти автомоили мебошанд. Ва бо Сангинов низ хамсоя хам буданд. Худо ба ахли хонаводаи хар сеи ин олимони бузург ато бахшад

Ҷавоб диҳед Иқтибос Шикоят

Эзоҳ илова кунед