21 май 2014 13:01Тоҷикистон / Хоруғ: 21 май / Сиёсат / Акс / Видео

АКСУ ВИДЕО: Тирпаронӣ дар Хоруғ, ҳалокати Собиру Мунаввар ва таҷаммӯи сокинон

Дар пайи тирпаронии рӯзи 21 майи соли ҷорӣ дар маркази шаҳри Хоруғи Бадахшон се нафар ҷароҳат бардошта, аммо ду тани онҳо бо номи Собиру Мунаввардар бемористон ҷон додаанд. Дар ин бора сокинони маҳаллӣ дар тамос бо “Озодагон” иттилоъ дода, гуфтанд, айни ҳол вазъияти Фарайдун -- маҷруҳи дигар вахим арзёбӣ мешавад.

Ба қавли мусоҳибони мо, ин се нафар дар дохили худрав ё мошинаи худ мавриди тирпаронӣ қарор гирифтаанд, вале то кунун маълум нест – барои чӣ. Баъд аз ин, сокинони Хоруғ дар наздикии бинои идораи пулиси маркази Бадахшон гирд омада, шарҳи ин ҳодисаро мехоҳанд ва бино ба хабарҳои дарёфтӣ, гӯиё як мошин ҳам ба оташ кашида шудааст.

(Ин видеоро як манбаи Оҷонсии Тоҷнюз фиристодааст)

Як манбаи мо аз Хоруғ ба далели он ки номаш ифшо нашавад гуфт, таҷаммӯи сокинон тақрибан ду соат боз идома дорад ва радду бадалҳо бештар миёни ҷавонон ва маъмурони пулис сурат мегирад. То ҳол мақомоти расмии Тоҷикистон ин ҳодисаро шарҳ надодаанд. Вале Гулоб Мамадаёзов, навбатдори Раёсати умури дохилии Бадахшон, дар сӯҳбат бо хабарнигори "Озодагон" ин ҳодисаро танҳо як нофаҳмӣ донист ва гуфт, "ҳоло вазъият ором аст". Мусоҳиби мо, инчунин, оташ задани бинои Раёсати умури дохилии шаҳри Хоруғ аз сӯи сокинонро рад карда, дар мавриди ҳалокати яке аз маҷруҳон гуфт, "ҳанӯз дақиқ нест".

Вале бар асоси хабарҳои расида, гӯиё афсарони ОМОН мехостаанд, ҷавононеро, ки барои узвият дар гуруҳҳои ба гуфтаи онҳо мафиозӣ шомиланд, боздошт намоянд, ки бо тирпаронӣ анҷом шудааст.

Хоруғ баъд аз амалиёти нерӯҳои давлатии Тоҷикистон дар тобистони соли 2012 пайваста мавриди таваҷҷуҳ аст. Ин амалиёт ду соли пеш, дар пайи қатли генерали амният Абдулло Назаров оғоз шуда, даҳҳо қурбонӣ бар ҷой гузошт. Дар ҷараёни ин даргирӣ Сабзалӣ Мамадризоев, раҳбари шӯъбаи бадахшонии ҲНИТ ва ҳамчунин Имумназар Имумназаров, яке аз фармондеҳони собиқ, кушта шуда, чанд тани дигар, аз ҷумла Шерик Карамхудоев (раҳбари бахши ҲНИТ дар Хоруғ) ва дигарон боздошту зиндонӣ гардиданд.

Мӯҳр

Хабарҳои монанд:

душанбе

наход,ки дар яг ватани тинчу ором хаминхел чанг ташкил кунед !! Аз хукумат хохиш дорем,ки капан хамин ташкил кунандаи хамин чангро махкам кунанд

Ҷавоб диҳед Иқтибос Шикоят

Рухуллох

Ин даргирихо бахона аст. инхо мехоханд ба кавли гузаштагон( алови чашми Мардуми Шарифи Бадахшонро) гиранд. Нофахми як бор аст ду бор аст!!! амалиётро анчом медиханд чанд нафарро мекушанд баъд мегуянд нофахми шудааст, то ба кай ин идома дорад.

Ҷавоб диҳед Иқтибос Шикоят

Памирка

заминхои Бадахшона китайсхода фурухтан ягон митинг накардану як наркадилера капидан ана куштора нигох кунен хонахошон бисуза онхоера ки дили модари помирира пурхун кардану хонаша мотамдор

Ҷавоб диҳед Иқтибос Шикоят

ya Tadjik mujik

mardumi bechorai Badakhshonzamin ki az dawlat yagon nafe ba onho namerasad in hama inshootu pulu mol wa hatto waziron az khatlon astand magar in adolat ast magar hokimiyat boyad barobar taqsim nashawad magar az jihati masohat Badakhshon kalontarin nest!!! hato yak wazir ham az in sarzamin dar ojroiyai hokimiyati dawlati kor namekunad chi guna mardumi sharifi Badakhshon miting nakunand ! az yak qishloqi dangara 80 waziru korkunoni maqomoti dawlati woy bar holi diqar manotiqi tojikiston!!! wale badakhshoniho mardumi SARBALAND hastand wayo hij goh kunbardor shuda nametawonand ! Zinda boshed Badakhshiho!!!душанбе,
душанбе,
душанбе,
душанбе,

Ҷавоб диҳед Иқтибос Шикоят

Эзоҳ илова кунед