18 апр 2014 22:11Тоҷикистон / Сиёсат

Паҳн кардани диски “Нури наҳзат” ва варақаҳои зидди ҲНИТ дар Хуҷанд

Дар шаҳри Хуҷанд, маркази вилояти Суғд, диск ва варақаҳои зидди чанд аъзои Ҳизби наҳзати исломии Тоҷикистон, аз ҷумла Намиҷон Самиев, раҳбари собиқи дафтари ҳизб дар шимоли кишвар, паҳн карда шудааст.

То ҳол маълум нест, ин корро чӣ касе ё гуруҳе анҷом додааст ва феълан Раёсати умури дохилии Суғд ҳам дар ин замина изҳори беиттилоӣ мекунад. Вале хабарнигори “Озодагон” мегӯяд, диски “Нури наҳзат” дар пушти дари бархе аз сокинони Хуҷанд партофта шуда, варақаи иборат аз ду саҳифа, ки зоҳиран аз Фейсбук нусхабардорӣ гардидааст, дар даромадгоҳи чанд манзили баландошёна ва, инчунин, масҷиди “Нури ислом” часпонда шудааст. Дар ин варақа бештар дар бораи гӯиё равобити маҳрамонаи Намиҷон Самиев бо як духтаре, ки аз ӯ ба унвони “фоҳиша” ёд шудааст, қисса мекунад.

Илҳомҷон Ёқубов, раҳбари дафтари ҲНИТ дар Суғд, мегӯяд, ӯ низ соати 20:00 дар паси дарвозаи хонааш диски “Нури наҳзат”-ро пайдо намудааст. “Баъдан маълум шуд, ки дар чанд ҷои дигар ҳам ин фиттаро паҳн кардаанд”,-мегӯяд ӯ. Оқои Ёқубов муҳтавои варақаи паҳншударо “туҳматнома” зидди ӯ ва Наимҷон Самиев номид ва афзуд, “ҳадафашон сиёҳ кардани Ҳизби наҳзат, эҷоди бадбинӣ миёни мардум ва ноором сохтани ҷомеа мебошад."

“Нури наҳзат” иборат аз ду филмест, ки ҳафтае пеш дар интернет пайдо шуда, баъдан ҳазф гардид. Дар ин филм гуфта мешавад, ки гӯиё он аз сӯи студияи “Нури наҳзат” ва хадамоти амнияти дохилии ҲНИТ таҳия шуда, дар бораи бадахлоқии чанд узви он қисса мекунад.

Мӯҳр

Хабарҳои монанд:

Sino

Нодир,
Ако!!!!! Хучанди Шумо барвакт заразит шуда буд, ако!!!

Ҷавоб диҳед Иқтибос Шикоят

ҷавоб

Нодир,
мехоҳи ба лаҳҷаи хуҷандиҳо гап зада онҷоро шуронӣ аммо хуҷандӣ гапзаданат ҳам мисли ҳамин наворҳо ва туҳматҳои агенти ноҳунармандона аст!

Ҷавоб диҳед Иқтибос Шикоят

Сафар

Вокеъан дар 23 сол ин мардум сиёсатмадор нашудаанд.Ин бошад барои миллати чафокашидаи точик дахшати вокеъи хохад буд!

Ояндаи-чомеъа-аз-ислом-хохад-буд-фиркаи-ком

Ҷавоб диҳед Иқтибос Шикоят

Даъат

Ино барои ин ин корхоро мекунанд ки дар мукобили ин кор мухолифон хам сиру асрори хонаводаи мансабдоронро фош кунанд ва чомеа расво авад. вагарна ки намедонад ки хамаи расиони хизби хоким чандин маъшукаи доранд дар интернет чандин маволаву навор аз чандзанагии раисону хешутабори "боло" хаст.

Ҷавоб диҳед Иқтибос Шикоят

Акнун

Акнун инхоям як ду се то видео туйи мастомастии баъзехоро ки дар ютуб бисер машхур аст, сабт карда мепартоянд ба фикрам баланс мешавад :))

Ҷавоб диҳед Иқтибос Шикоят

salmon

асалому алекум
мо ба хама бародарони нахзати ва касоне ки зери зулм ва тухмати золимон карор доранд сабри чамил хохонем ва Худованд хамагонро аз бадихо нигахбон бошад ва амалхои моро холис барои Худо гардонаду дастгири бандагонаш гардонад

Ҷавоб диҳед Иқтибос Шикоят

соли

туҳмат дар рузи равшан ин дигар чи ҳила ва найранг аст ки дигар айб пайдо накардед

Ҷавоб диҳед Иқтибос Шикоят

Эзоҳ илова кунед