16 апр 2014 12:33Тоҷикистон / Сиёсат

Озода Раҳмонова аз пасванди русӣ дар насабаш даст кашид

Дар пайи “маърака”-и густурдаи берунсозии пасвандҳои “ов”-у “вич” ва “ова”-ю “овна” Озода Раҳмонова, духтари раисиҷумҳури Тоҷикистон низ насабашро иваз кард. Ин духтари Эмомалӣ Раҳмон, раисиҷумҳури Тоҷикистон, ки ҳоло ба ҳайси муовини вазири умури хориҷии кишвар ифои вазифа дорад, аз ин ба баъд Раҳмон Озода Эмомалӣ ном гирифта мешавад.

“Маърака”-и берунсозии пасвандҳои русӣ аз ному насаби миёни мақомдорони тоҷик дар ҳоле вусъат ёфт, ки ахиран Шерхон Салимзода, додситони кулл, дар ҷаласаи солонаи ҳукумат, аз боқӣ мондани ному насаби мансабдорон дар шакли русӣ шадидан интиқод карда, тоҷикӣ накардани насабро далели заъфи ғояи миллии афроди алоҳида донист, дарҳол ба тағйири насабашон гузаштанд.

То ҳол бисёре аз мақомдорони тоҷик, аз ҷумла Бег Зуҳуров (Бег Сабур), раиси Хадамоти алоқа, Фаттоҳ Саидов (Абдуфаттоҳи Ғоиб), раиси Оҷонсии зидди фасоди молӣ, Бахтиёр Худоёров (Бахтиёр Худоёрзода), раиси дастгоҳи иҷроияи президент, Шарифхон Самиев (Шариф Самӣ), собиқ раиси Қӯрғонтеппа, Гавҳар Шарофова (Гавҳар Шарофзода), раиси Кумитаи забон ва истилоҳот ва Нусратулло Салимов (Нусратулло Файзулло) насаби худро иваз кардаанд.

Ҳазфи пасвандҳои русии “ов”-у “вич” аз ному насаби мансабдорони тоҷик дар пайи даъвати раисиҷумҳур Эмомалӣ Раҳмон дар моҳи марти соли 2007 сурат мегирад.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

хакикат

аз ин ном дигар кунихо ягон фоидае ё суде нест . Агар шумо мехохед то ба таърихи точики баргардем хатти форсию -точикиро рохандози кунем то бидонанд ки точикон дар хакикатан давлвтдоранду давлат доштаанд.

бояд мо бо забони точики хатти точики баргардем, ки бузургони мо бо ин хат яъне форси точики бузург шудаанд . Тамоми давлатхои пешрафта хатту алифбои худро доранд. Давлате ки мустакил хаст бояд 1 символи худро дошта бошад. 2) пул, сархад, нишон, парчам ,гимн аз хама бештар бояд хату алифбои худро дошта бошад

Ҷавоб диҳед Иқтибос Шикоят

Эзоҳ илова кунед