08 апр 2014 16:08Тоҷикистон / Сиёсат

Вуруди гуруҳи донишҷӯён ба узвияти ҲХДТ ва насиҳатҳои Раҳмонов

Як гуруҳ устодон ва донишҷӯёни Донишгоҳи омӯзгории Тоҷикистон ба узвияти Ҳизби халқӣ- демократии кишвар шомил шуда, дар ҳузури ректори ин донишгоҳ – Абдуҷаббор Раҳмонов дафтарчаи ҳизбро соҳиб шудаанд.

Тавре Бахтиёри Абдураҳим, котиби матбуотии Донишгоҳи омӯзгорӣ ба “Озодагон” хабар дод, ин маросим рӯзи 7 апрел дар донишгоҳи мазкур баргузор шуда, Умринисо Казакова, раиси Кумиҷроияи ҲХДТ дар ноҳияи Исмоили Сомонии пойтахт дафтарчаҳои ҳизбиро ба ин гуруҳи устодон ва донишҷӯён супоридааст.

Дар ин чорабинӣ Абдуҷаббор Раҳмонов суханронӣ карда, аз нақши ҲХДТ ва раҳбари он – Эмомалӣ Раҳмон дар рушду пешрафти кишвар ёдрас шудааст. Манбаъ мегӯяд, Раҳмонов таъкид кардааст, “бо дастуру ҳидоятҳои хирадмандона ва заҳматҳои ҳамешагии Эмомалӣ Раҳмон, раисиҷумҳури кишвар, ки роҳбарии ин ҳизбро бар дӯш дорад, Ватани азизи мо дар арсаи байналмилалӣ мақому манзалати хосса касб намуда, ҳамчун давлати соҳибистиқлолу демократӣ муаррифӣ гардид.”

Дар идома Казакова дар мавриди фаъолияти ҲХДТ ҳарф зада, маълумотеро дар бораи ин ҳизб ба ҳозирин ироа кардааст. Казакова шомилшавии аҳли донишгоҳ, аз ҷумла ҷавононро ба узвияти ин ҳизб амали нек хондааст.

Ҳизби халқӣ-демократии Тоҷикистон, ки раҳбарии онро, Эмомалӣ Раҳмон, раисиҷумҳури кишвар бардӯш дорад, соли 1994 таъсис ёфтааст. Дар ҳоли ҳозир беш аз 200 ҳазор узв дорад. То кунун Эмомалӣ Раҳмон, раиси ҲХДТ, дар се интихоботи гузаштаи президентӣ иштирок карда, пирӯз шудааст.

Мӯҳр

Хабарҳои монанд:

Sino

ХХДТ аз Душанбе,
ба сафсатахоят кариб бовар кардам бародар!!!

Ҷавоб диҳед Иқтибос Шикоят

сугдчиён

Мохо як туда донишчуён аз Сугди бостонй дар квартира зиндагй карсодем. Шаваду качан азои ХХДТ шавем олиянгишба квартплатамона метиетон мй? ё ба ХНИТ мурочиат кунем. Монба то курси 5 азо шуданба рухсат титон. он тарафаша як бало мкунем.

Ҷавоб диҳед Иқтибос Шикоят

Муаллими Хакгу

Рости гап, навиштаи хамин одамони кучагиро мехонаму дилам ба дард меояд. Дилам ба халку миллати азизам месузад. Чи хел калбам ба сузиш наояд, ки миллати дигар ба Кайхон рох ёфта мебарояду точики ман ба гайр аз "к..кови" дигар гапу корро намедонад. Дар Точикистон мардони асили вокеи, ки чонфидоёна барои рушди Ватан хизмат кунанд, кам мондаанд, кариб хама хислати занона гирифта, зан шудаанд. Хамин кадари дигар мондааст, ки дар сар руймол кашанду почома бипушанд. О шумо бевичдонон, ба чои дасти хамдигарро гирифта, аз як гиребон сар барореду Мулкамонро обод созед, баръакс мехнату захмати каси дигарро чашми дидан надоред. Агар бинед, ки як нафар баро тараккиёти Точикистон кореро сомон мебахшад, чашмонатон сих мезанад. Бисёр не, камтарак ИНСОН шавед! Кани нангу номуси точикона?!

Ҷавоб диҳед Иқтибос Шикоят

Эзоҳ илова кунед