“Кашмакаш”-и соҳибкорзан ва додарарӯси президент барои бозор (ВИДЕО)
Санавбар Абдуллоева, соҳиби бозори “Имон”-и ноҳияи Шаҳритус иддао дорад, ки Муҳибулло Саъдуллоев, додарарӯси раисиҷумҳури Тоҷикистон бо сӯиистифода аз мавқеъ мехоҳад бозорашро гирад.
Ин тоҷир дар муроҷиаташ ба унвонии Абдуфаттоҳи Ғойиб, сардори Агентии назорати давлатии молиявӣ ва мубориза бо коррупсия, ки нусхаи онро дар ихтиёри “Озодагон” гузошт, навиштааст, ки ҳамроҳ бо шавҳараш Бурҳон Абдуллоев, соли 2005 дар музоядаи хусусигардонии амволи давлатӣ ширкат намуда, биноҳои кӯҳнаи АТП-19-и ноҳияи Шаҳритусро хариданд: “Ҷоеро, ки мо харидем, дар натиҷаи ҷангҳои дохилӣ яке аз нуқтаи харобшудаи Шаҳритус маҳсуб мешуду партовҳои маркази ноҳияро ба ин макон оварда мерехтаанд. Мо онро обод кардем”.
Ин соҳибкорзан мегӯяд, дар аввали кор Муҳибулло Саъдуллоев, ки дӯсти шавҳараш буд, ба онҳо маслиҳати беғаразона медодааст, аммо баъди фаъол шудани бозор хостааст, ки бозорро куллан ба ихтиёри ӯ диҳанд. Абдуллоева иддао дорад, ки 2,5 сол мешавад, дар мақомоти додситонию додгоҳӣ барои бозораш мубориза мебарад, аммо мақомотҳо мунсифона қарор намебароранд. Ба гуфтаи ин зан зимни баҳсҳои додгоҳӣ Саъдуллоев розӣ шудааст, ба ивази маблағи муайян бозорро харад, аммо баъдан гӯиё аз раъйаш гашта, мехоҳад бозорро бепул гирад. Ин соҳибкорзан аз Абдуфаттоҳи Ғоиб хостааст, тафтиши қазияро зери назорати шахсӣ гирад.
Дар ҳамин ҳол Нусрат Илёсов, сокини Шаҳритус ва яке аз ёварони Саъдуллоев, ки аз аввал дар бунёди бозор иштирок кардааст, иддаои Абдуллоеваро рад кард: "Ин бозор аз аввал бо мусоидат ва кӯмаки Муҳибулло Саъдуллоев сохта шуд ва дар охир вақте бозор фаъол гардид, Бурҳон Абдуллоев коре кард, ки тамоми саҳмдорони ин бозорро канора монд."
Илёсов таъкид намуд, Саъдуллоев на тамоми бозор балки саҳми худро тариқи қонунӣ талаб карда истодааст: "Тибқи созиш бояд 50 дарсади саҳмияҳои бозор ба Абдуллоев ва 50 дарсад ба Саъдуллоев мерасиданд. Аммо Абдуллоев коре кард, ки саҳмияҳоро ба номи зану фарзандонаш гузаронда азхуд кард."
Ӯ илова намуд, ки Саъдуллоев бе ягон сӯиистифода аз хешутаборияш бо роҳбарияти кишвар ин қазияро хост, тариқи додгоҳ ҳал кунад: "Ҳозир замони зӯрӣ гузаштааст. Саъдуллоев ба додгоҳ муроҷиат карда, ҳаққашро талаб дорад. Аввал ба додгоҳи иқтисодии вилоятӣ ва баъдан ин масъала ба Додгоҳи Олии иқтисодӣ рафт."
Ба гуфтаи Илёсов ва тавре, ки худи Абдуллоева низ таъйид кард, феълан ин қазия дар Додгоҳи Олии иқтисодии Тоҷикистон қарор дошта, баррасии он идома дорад. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Декабр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | ||||||
| 2 | 3 | 4 | 5 | 6 | 7 | 8 |
| 9 | 10 | 11 | 12 | 13 | 14 | 15 |
| 16 | 17 | 18 | 19 | 20 | 21 | 22 |
| 23 | 24 | 25 | 26 | 27 | 28 | 29 |
| 30 | 31 | |||||
