Ҷамолиддин Амонуллозода дар бораи шиа ва Қаззофию Ҷаноби Олӣ
Амонуллозода дар намози ҷумъаи 31 январ дар маҳаллаи Оқтоқи ноҳияи Рӯдакӣ гуфт, “ҳоло шиаҳо баромада, мардумро аз мазҳаб бемазҳаб мекунанд ва мо набояд ба гуфтаҳои онҳо гӯш кунем.” Ӯ аз суханони Эмомалӣ Раҳмон, раисиҷумҳури Тоҷикистон иқтибос оварда таъкид кард, ки сокинони кишвар ҳамагӣ бояд аз мазҳаби Ҳанафия пайравӣ кунанд: “Ҷаноби Олӣ мегӯяд, мо пир дорем, мо имоми Аъзам дорем!”
Инчунин, сархатиби ноҳияи Рудакӣ аз сокинони Тоҷикистон даъват кард, аз доштани чунин раҳбари сулҳовару сабти номшуда дар гуруҳи 500-нафараи мусулмонони бонуфузи ҷаҳон шукрона карда, танҳо ба гуфтаҳои ӯ гӯш диҳанд: “Ҳоло мо набояд, ба гуфтаи бархе аз муллову эшоне, ки як бор мардумро гумроҳ карда буданд, гӯш диҳем. Ба мо касе сулҳ овардааст, бояд танҳо ба гуфтаи ӯ амал кард.”
Писари муфтии пешини Тоҷикистон аз нооромиҳои солҳои 90-уми кишвар ёдовар шуда, гуфт, аз доштани сулҳу суботи кунунӣ дар кишвар бояд шукрона кард, то дубора гирифтори он рӯзҳое, ки ба қавли ӯ гӯиё занони тоҷик ба хотири нон танфурӯшӣ кардаанд, гирифтор нашуд: “Як бор ношукрӣ кардем, дар чӣ балоҳо задем, ҳама аз ин мардум безор шуданду гурехтанду рафтанд. Ин рӯзҳое буд, ки занҳои мо барои як нон занакии худро медоданд. Ин ҳама дар пайи як фитна ба миён омада буд.”
Сархатиби ноҳияи Рӯдакӣ дар шарҳи ин суханронии худ вазъи бархе аз кишварҳои арабиро мисол оварда, аз Муаммар Қаззофӣ, раисиҷумҳури пешини Либия, ки бар асари норозиигии сокинони ин кишвар аз ҳукумати ӯ даст ба муборизаи мусаллаҳона зада, кушта шуда буд, қадрдонӣ кард. Ӯ гуфт, Муаммар Қаззофӣ дар ҳаққи дини Ислом хидматҳое зиёде кардааст. Вале ба қавли ӯ, бо ворид шудани равияи Салафия ба ин кишвар ҳукумати ӯ сарнагун гашт: “Бо даъвати ин марди хирадманд, мо ҳамроҳи падарам ҳар сол ду бор ба Либия сафар карда, дар нишасти уламои тамоми ҷаҳони Ислом иштирок мекардем. Ин мард дар ҳоле аз курсии раёсат барканор ва кушта шудааст, ки дар ҳаққи Ислом хидматҳои зиёде кардааст. Аммо бо ворид шудани мазҳаби салафӣ ин давлат пош хӯрда чӣ қадар клет шуд!”
Номи Ҷамолиддин Амонуллозода тайи ҳафтаи охир мешавад, ки дар сархати расонаҳои хабарии кишвар қарор дорад. Як ҳафта пеш дар Ютуб (YouTube) наворе бо номи “Ҷанозаи Ҳоҷӣ Қурбоналӣ” гузошта шуда буд, ки мавриди баҳси зиёди корбарони шабакаҳои иҷтимоӣ қарор гирифтааст. Асли баҳс сари ин аст, ки наздикони Ҳоҷӣ Қурбоналӣ аз рӯи васияти падарашон барои гузоштани намози ҷаноза Эшони Нуриддинҷон, яке аз рӯҳониёни шинохтаи кишварро, даъват кардаанд. Вале Ҷамолиддин Амонуллозода, писари муфтии собиқи Тоҷикистон, монеи пеш гузаштани ӯ мегардад ва мегӯяд, “Ҳазрати Эшон, ин ноҳия соҳиб дорад. Дар куҷое аз ноҳияи Рӯдакӣ намози ҷаноза аст, касеро намемонам, худам мехонам.”
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE) Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
