07 дек 2013 13:12Тоҷикистон / Сиёсат

Раиси Хатлон: "Ҳукумов марди сахӣ аст, ҳар чизе хоҳед, медиҳад"

Иҷрокунандаи вазифаи раиси вилояти Хатлон масъулини ноҳияи Бохтарро талқин кард, то барномаи компютеркунонии макотибро аз ҳисоби мансабдорону пулдорони бумӣ ба сомон расонанд.

Давлатшо Гулмаҳмадов зимни вохӯрӣ бо сокинони ноҳияи Бохтар бо ироаи он, ки барномаи зикрёфта ҳамагӣ 76 дарсад анҷом шудааст, Кибриё Сафарова, муовини раиси ноҳияро ҳушдор дод, ки иҷрои он мушкил нест. “Аз Ҳукумов (Амонуллои Ҳукуматулло, сардори КВД “Роҳи оҳани Тоҷикистон”) сар карда ҳама бохтарӣ ҳастанд. Пешаш равед, чизе хоҳед, медиҳад. Бисёр марди сахӣ аст. Сироҷиддин Валиев низ дар Бохтар замин дорад. Оё пеши ӯ рафтед?”,-афзуд волии Хатлон.

Мавсуф талаботи якмоҳаи ноҳияро ба маблағи аз ҳисоби андоз рӯёнида низ ба риштаи таҳлил кашида, садри нозироти андозро зери тозиёнаи танқид гирифт. “Ҷамъмекардагиатон 1,5 миллион, мехӯрдагиатон 7 миллион сомонӣ. Аз ҳисоби кӣ хӯрда истодаед, оё фикр кардед? Имрӯз талаботи Сандуқи Байналмилалии Пул (МВФ) ин аст, ки ҷамоатҳо ҳисоби хӯронидану пӯшонидани худро ёбанд. Бо ин ҳол чӣ тавр зебогии ноҳияро таъмин мекунед?”,-изофа кард Гулмаҳмадов.

Зимнан, бархе аз иштирокчиёни ин ҷаласа бар он назаранд, ки раиси вилоят бисёре аз масоили муҳимро, аз қабили меъёри барқ ва дигар мушкили хоси ноҳияро зикр накард. “Сабабаш аз ноошноии ӯ ба ҳолу аҳволи ноҳияи мо аст”,-гуфтанд ин нафарон.

Давлатшо Гулмаҳмадов баробари ба курсии раиси вилояти Хатлон такя задан аввалан бо намояндагони мақомоти ҳифзи ҳуқуқ ва баъдан бо намояндагони ВАО-и давлатӣ дар минтақаи Қӯрғонтеппа мулоқот анҷом дод. Ҳоло шиносоии хешро, дар мисоли фавқ аз Бохтар, дар ҳама шаҳру навоҳии Хатлон, бидуни даъват аз ВАО-и мустақилу байнулмилалӣ, барпо кардан дорад.

Мӯҳр

Хабарҳои монанд:

Зоиршо

Ахсан ба Шумо Мухтарам Гулмахмадов Д. Шуморо ба ин вазифаи пурмасъул , ки ба зимма доред табрик мегуем. Рости бовар кунед хурсанд шудам, ки кори худро аз насли наврас сар кардед. Ахсан ба Шумо бояд мо дуруст фахмем максад на онки, ки ба мактабхо компютер таъмин мекунад максад он аст, ки бояд насли навраси мо дониши мукамал дошта бошад. Шумо мухтарам Раис исбот кардед, ки гамхори бахри халк бояд аз насли наврас сар карда шавад Ахсан ба Шумо, ки камбудихои пинхонкардаи собик рохбарони Вилоятро ошкор кардед. Аз ин маълум мешавад, ки ба Шумо бовари хаст, ки дар оянда Вилояти Хатлон ба пешравихо ноил мегардад. Аз Шумо мухтарам Раис хохиш дорам, ки тамоми Рохбарони бемасъулиятро аз вазифахояшон сабукдуш кунед.

Ҷавоб диҳед Иқтибос Шикоят

Зоиршо

Аз Озодагон хохиш дорам, ки хамин мавзуро дар сатри аввал монед

Ҷавоб диҳед Иқтибос Шикоят

Сухроб

Шумо кадом раисро дар назар дорен бо ин суханхотон.

Ҷавоб диҳед Иқтибос Шикоят

Зоир

Шумо як чизро намефахмед масалаи буча руз то руз вазнин шуда истодааст, маблагхои бучаро агар дар самти компютеркунонии мактабхо равона кунанд, дигар самтхои ичтимоиету икдисодиетро чи хел пеш баранд. Раиси вилоят дуруст дарч намудааст, ки рафта аз Хукумов Амонулло ва Валиев Сирочиддин ердам талаб намоед, то дар самти компютеркунони кумак намоянд. Дуруст мегуяд раиси вилоят Валиев С. Бояд ердам кунад, маблаги калонро аз кучо чам кард, аз хисоби вазифахои давлатиро ишгол намудааст.

Ҷавоб диҳед Иқтибос Шикоят

Эзоҳ илова кунед