06 дек 2013 09:07Тоҷикистон / Фарҳангу адаб

“Ситора”-и тоҷик эътироф кард, ки зани саркардаи ҷиноии қазоқ будааст (ВИДЕО)

Ситора Назарова, сарояндаи тоҷиктабор, аз пайвандони Далер Назаров, ки айни ҳол дар Алмато умр ба сар мебарад, дар суҳбат бо рӯзномаи “Время” эътироф кардааст, ки замоне ҳамсари “Рижий Алмаз”, аз саркардагони олами ҷиноии Қазоқистон будааст, ки тобистони соли 1998 дар Барселона кушта шуд.

Назарова дар мусоҳибааш нақл кардааст, ки Тоҷикистонро ба далели ҷанги шаҳрвандӣ соли 1993 тарк карда, ба Маскав ва аз он ҷо ба Алмато омадаанд, чун дар Алмато ба бародараш, Парвиз Назаров кор пешниҳод намуданд.

Ӯ дар шарҳи рафтанаш аз Русия гуфтааст, дар шоубизнеси ин кишвар рушди корӣ тариқи ҳамхобагӣ бо масъулин ба даст меояд, ки инро хуш надорад. Ситора Назарова инчунин аз муносибати русиягиҳо ба тоҷикистониён интиқод намуда, изҳор доштааст, ки дар Русия дар симои ҳар тоҷик кӯчарӯбу гадоро мебинанд. Гарчанде ба гуфтаи ӯ муҳоҷирони тоҷик дар Русия аз нигоҳи теъдод баъди Узбакистону Қирғизистон меистанд.

Ин сарояндаи тоҷиктабор изҳор доштааст, ки давоми 5,5 сол оиладор будааст ва баъдан шавҳарашро куштаанд. Ӯ гуфтааст, шавҳараш “Рижий Алмаз” ё худ саркардаи олами ҷиноии Қазоқистон дар солҳои 90-ум будааст, ки баъдан кушта шуд. Назарова таъкид намудааст, ки муддати дароз талош кардааст, аз муносибаташ бо “Рижий Алмаз” ёдоварӣ накунад, то таваҷҷуҳи душманонашро ҷалб накунад: “Аммо ман дар зиндагӣ имтиҳоноти мушкилеро аз сар гузарондаам, ки дигар намеарзад, аз чизе битарсам.”

Ситора Назарова таъкид намудааст, ки худро шаҳрванди ду кишвар, Тоҷикистону Қазоқистон меҳисобад. Дар Тоҷикистон таваллуд ва калон шудааст, аммо қисми зиёди ҳаёташро дар Қазоқистон ба сар бурдааст ва ин кишварро низ ватани худ ҳисобида нияти тарк кардани онро надорад.

Парвиз ва Ситора, хоҳару бародар, аз пайвандони Далер Назаров, аз номоварони мусиқии эстрадаи тоҷиканд. Парвизу Ситора дар шоу бизнеси Қазоқистон мақоми хос доранд ва бо таронаҳои худ дили ҳазорҳо нафарро тасхир кардаанд. Ҳар тарона ва ҳар клипи онҳоро тамошобини қазоқ гарм истиқбол мекунад.

Парвиз ва Ситора аслан дар алоҳидагӣ ҳунарнамоӣ мекунанд, аммо чанд таронаи муштараки онҳо нуфузашонро афзуд. «Райҳон» (таронаи Андӣ), «Америка-Европа» аз сурудҳои муштараки Парвиз ва Ситораанд, ки аз истиқболи гарми мухлисон бархӯрдор шуданд. Ин ду суруд бо русӣ иҷро шудаанд, аммо ахиран дар шабакаи аввали телевизиони Русия суруди «Оре-оре»-ро бо тоҷикӣ хонданд.

Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE)

Мӯҳр

Хабарҳои монанд:

Миллатдӯст

Аввалан аз "Озодагон" хоҳиш мекунам шахсоне,ки нисбати Ватану миллат суханҳои қабеҳ менависанд,дар шарҳ ҷой надиҳед.Сониян барои шахсоне,ки нисбати Ситора суханҳои бад мегӯянд,гуфтаниям;Санъаткор,як тарғиботчии беҳтарини фарҳангу забони миллат аст!Бубинед,ки ҳангоми баромади Парвизу Ситора,тамошобинон-ситораҳои Руссия чи қадар кафкуби
мекунанд,ҳатто аз ҷой бармехезанд,ин нишонаи иззату ҳурмат аст.Барои чи мо-Тоҷикон,"Худкуши бегонапарасти"-ро бас намекунем?Агар дар ин барнома ягон ӯзбак ё қирғиз баромад мекард,чи қадар аҳсанҳову афсусҳо мешуд.Зинда бош,Ситора!Ҳамеша дурахшон бош!

Ҷавоб диҳед Иқтибос Шикоят

хабар

офарин Ситора ва Парвиз хеле хуб!
Лекин аз кадом давлат ва миллат пеш ба саҳна баромаданашон эълон карда бошан? Баъзе ҳо мисли Рашид Рахимов худро тоҷик намегиран?

Ҷавоб диҳед Иқтибос Шикоят

Суруш

Редаксияи азиз-мардуми-шарифи-помири-як-гунох-доранд.

Ҷавоб диҳед Иқтибос Шикоят

Эзоҳ илова кунед