23 окт 2013 09:49Оcиёи Марказӣ / Тоҷикистон

Гулназар Келдӣ аз боварии Эмомалӣ Раҳмон "баромадааст"?

Кумисюни марказии интихобот ва раъйпурсии Тоҷикистон (КМИРТ) Гулназар Келдӣ -- шоири маъруфи тоҷикро аз феҳристи шахсони боэътимоди Эмомалӣ Раҳмон берун кардааст.

КМИР мегӯяд, ин иқдом бо пешниҳоди Эмомалӣ Раҳмон, раисиҷумҳури феълӣ ва номзад ба мақоми президентӣ аз Ҳизби ҳокими халқӣ-демократӣ, сурат гирифтааст. Абдуманнон Додоев, раиси дастгоҳи КМИР, ба “Озодагон” гуфт, бо пешниҳоди Эмомалӣ Раҳмон, Олим Салимзода – узви Маҷлиси Намояндагон ба ҷои Гулназар Келдӣ шахси боэътимоди ӯ таъин гардид.

Гуфта мешавад, Гулназар Келдӣ ба далелҳои хонаводагӣ наметавонад, ҳамчун шахси боэътимоди Эмомалӣ Раҳмон дар маъракаи интихоботӣ ширкат кунад.

Ин дар ҳолест, ки қаблан номи Гулназар Келдӣ дар рӯйхати шахсони боэътимоди номзади ҲХДТ, Эмомалӣ Раҳмон, дар ҷои аввал меистод. Дар маҷмӯъ, шахсони боэътимоди Раҳмон 15 нафарро ташкил дода, ба қатори онҳо Хурсанд Аъзамов, Назрӣ Офаридаев, Аҳмадҷони Раҳматзод, Абдулвоҳид Шамолов, Аъзам Ҳасанов, Нодир Одилов, Меҳриннисо Бобобекова, Эмомалӣ Насриддинов, Ашӯрбой Солиев, Муродулло Давлатов, Илҳомҷон Ҳамидов, Маҳмад Раҳимов, Шарифиддин Асомиддинзода ва Меҳрубон Мирзоева ворид гардидаанд.

Мӯҳр

Хабарҳои монанд:

Аспирант

Далер туро низ фаҳмидан мумкин ту низ додарам хатоги дори наход, ки мактаби миёна ва олиро хатм карда ҳарфи "Ёё"-ро (йо) нависи айб асб айб.... Гулназар ҳам як бадмаст аст охир кам нушад аз боварии Призидент намебаромад боқи ҳаматон саломат бошед.....

Ҷавоб диҳед Иқтибос Шикоят

Фахр

Бародарони азиз. Назари тахкир ва ё санги маломат задан ба устод Насурдинов Эмомали аз руи адолат, яавонмарди ва инсоф нест чунки яке аз донандагони хуби илми хукук ва хамзамон декани яке аз муътабартарин факултетхои донишгохи чумхури мебошад ва хислати начиби дигари ин мард чавонмарди ва коршиносии у мебошад. Аз ин хотир пеш аз он ки мо дар мавриди сиёсати имрўзаи кишвар барои ибрози андешахои «дилсўзона» калам ба даст мегирем ва ё касеро санги маломат задани мешавем, бояд боре ба худ назар намоем, ки хамчун шахрванди ин чомеаи милли барои бехбуди ояндаи низоми сиёси, илми, фарханги, иктисоди ва ичтимоии он чи корро анчом додаем. Ба кавли шоир:
Табъат даме ки моили айби касон шавад,
Оина гир, к-аз сари инсоф нагзари.

Ҷавоб диҳед Иқтибос Шикоят

ВаМо

ХАМИН ШОИРРО ДАР ДАМИ ПИРИАШ РУЗ НАМЕДИХЕД11111111111

Ҷавоб диҳед Иқтибос Шикоят

Эзоҳ илова кунед