21 окт 2013 16:58Тоҷикистон / Акс / Видео

“Муллои ҷодугар”: Он зан маро маҷбур кард (ВИДЕО)

Нилуфари КАРИМ

Асадулло Иброҳимов, як рӯҳонии тоҷик, ки давоми як моҳи охир бо номи “муллои ҷодугар” маъруф аст, имрӯз, 21-уми октябр дар мурофиаи додгоҳӣ худро қисман айбдор донистааст. Ӯ дар зӯроварии хусусияти шаҳвонидошта ва фиреби духтарон, ки гӯиё тавассути дуохонӣ соҳиби фарзанду шавҳар мегарданд, муттаҳам мешавад.

Дар ин бора ба “Озодагон” Исмоил Давлатов, додраси додгоҳи ноҳияи Синои шаҳри Душанбе, раисикунандаи мурофиаи Иброҳимов хабар дода афзуд, айбдоршаванда худро қисман айбдор донист. Иброҳимов гуфтааст, он наворе, ки ахиран дар расонаҳо пахш гардидааст, он хонум ӯро маҷбур кардааст, ки ба амалҳои шаҳвонӣ даст занад. Додраси парванда гуфт, дар мурофиа ба сифати ҷабрдида як зан ва се шоҳид иштирок доштанд.

Давлатов таъкид намуд, ки эълони ҳукми додгоҳ нисбати Иброҳимов то рӯзи чоршанбеи 23-юми октябр ба таъхир андохта шуд.

Мурофиаи додгоҳии ин рӯҳонӣ, ки тайи як моҳи охир бо номи “муллои ҷодугар” маъруф аст, рӯзи 18 октябр дар додгоҳи Синои шаҳри Душанбе оғоз ёфта, паси дарҳои баста ҷараён дорад. Масъулони додгоҳи Сино дар суҳбат бо “Озодагон” паси дарҳои баста сурат гирифтани ин парвандаро ба он рабт доданд, ки гӯиё ҷабрдида намехостааст, ном ва симояш ошкор шавад. Ҳатто маъмурони пулис, ки дар саҳни ҳавлии Додгоҳи ноҳияи Сино буданд, нагузоштанд, хабарнигорон худи Асадулло Иброҳимовро низ аксбардорӣ кунанд.

Парвандаи ӯ аслан аз рӯи наворе таҳия шуда, ки Асадулло Иброҳимов дар он бо зане амалҳои шаҳвонӣ анҷом медиҳад. Ин навор қаблан тариқи телевизионҳои давлатӣ ба намоиш баромад ва дар як вақт ба шабакаи ҷаҳонии Ютюб ҳам роҳ ёфт, ки то ҳоло аз ҷумлаи сербинандатарин наворҳои тоҷикист. Аммо наздикони Асадулло Иброҳимов, ӯро бегуноҳ медонанд ва баръакс худи он хонумонро муттаҳам медонанд.

Мӯҳр

Хабарҳои монанд:

кодиров мухамад

Ман мехохам ки чазояшро гирад чун ки номи чандин мулохои дигаро ки аз сидки дилимон доранн бад кардааст агар чазои инро надихед боваркунед е накунед мардум инро палитикаи худи давлат гуФта ба шумо наФрат мекунад хулосаи ман, яне бояд зиндони шавад падари ман дар ш.х. кулоб кгб кор мекунад ман писараш соли тавалудам 1997 ман чунин карор додам ба ин гуфтахои ман хеч кас зид нест

Ҷавоб диҳед Иқтибос Шикоят

Собир

Дар ин дунё агар ба чазо мучозот нашуд дар охират чазои Худованди нозил хохад шуд. Шайх Барсесо ба гунохи зино аз Имон наъузубилох хорич шуда буд,ки 400 сола ибодат дошт. Ислом ба зоти худ надорад айбе, Хар айбе хаст дар мусулмонии мост.

Ҷавоб диҳед Иқтибос Шикоят

Эзоҳ илова кунед