21 сен 2013 12:32Тоҷикистон / Сиёсат

Раддияи ҲНИТ ба "қаҳрамон"-и "Пойбанди нафрат"-и ТВТ

Ҳизби наҳзати исломии Тоҷикистон (ҲНИТ) бо пахши як изҳорот узви ин ҳизб будани Сомон Муҳаббатов, “қаҳрамон”-и филми “Пойбанди нафрат”-ро рад кард.

“Пойбанди нафрат”, филми вижаи Шабакаи телевизиони аввали Тоҷикистон мебошад, ки аз куштори Қиёмиддин Абдусаломови 8-сола аз сӯи Сомон Муҳаббатов, сокини Тоҷикобод, ки гӯиё узви ҲНИТ ҳаст, ҳикоят мекунад.

Қосимҷон Асадов, раиси бахши ҲНИТ дар ноҳияи Тоҷикобод, билети ҳизбии Муҳаббатовро сохта хонда, сухан ва амалҳои дар ин филм овардаи ӯро дурӯғ ва кори масъулони амният медонад.

Ӯ мегӯяд, “вақте началник (сардор)-и милиса гуфт, ки ин кортро аз марказатон гирифтааст, ман гуфтам, маркази ҲНИТ одами инҷоро бе тавсияи ман қабул намекунад ва ӯ аз мо нест. Ӯ корти ҳизбӣ надорад. Ман муассиси ҳизб дар ин минтақа ҳастам ва мегӯям, ки ӯ узви ҳизби мо нест. Ягон авлодаш ҳам тарафдори ҳизб нестанд. Ӯ дар қисми ҷавонон ҳам кор намекард. Ман ҳамчун муассис аз аввал муовини ҳизб будам ва баъд раиси бахши ҳизб шудам. Ман мегӯям, ки чунин узв надорам, ин ҳама дурӯғ аст.”

Маврид ба зикр аст, ки Шабакаи аввали телевизиони Тоҷикистон шоми 20-уми сентябр филми вижаи “Пайроҳаи нафрат”-ро намоиш дод, ки дар бораи куштори Қиёмиддин Абдусаломови 8-сола аз сӯи Сомон Муҳаббатови 20-сола ҳикоят мекунад.

Ин ҳодиса моҳи июли соли ҷорӣ дар ноҳияи Тоҷикободи минтақаи Рашт иттифоқ уфтода, гумонбар ин навраси 8-соларо баъд аз задани 8 кордча ба қафаси синааш, ба номуси ӯ дастдарозӣ мекунад. Дар ин филм асосан Сомон Муҳаббатов дар бораи чигуна ба қатл расондани Абдусалом қисса мекард. Вай дар ин навори видеоӣ худро донишҷӯи курси сеюми факултаи забонҳои Осиё ва Аврупои Донишгоҳи миллии Тоҷикистон ва узви Хизби наҳзати исломӣ муаррифӣ намуда, бархе аз аъзои ин ҳизб ва мударрисонро дар таълими «ҷангҷӯӣ» муттаҳам намуд.

Мӯҳр

Хабарҳои монанд:

Мардак

Имрузҳо аллакай кулли ҷавонон дуруғу фитна будани ин ҳама "филмҳо" - и телевизионҳои дарбориро дар бораи муттаҳам созтани исломиҳо(инчунин Зайд Саидов) хуб дарк кардаанд Лекин ба ингуна суханони побарҳавову бебандубаст танҳо мусафедони ақлҳояшон камшуда бовар карда истодаанд. Вале бояд гуфт, ин ҳоло муҳим нест. Муҳим он аст мухолифин низ ҳарчи зудтар барномаи аълои худро омода намуда, тамоми нуқсу камбудиҳо ва гуноҳҳои инхоро ошкор созанд

Ҷавоб диҳед Иқтибос Шикоят

Rustam Rustamov

Ҷамшед,
Акаи Чамшед аввалан дар кучое, ки фикратро баён кардаи иншоаллох хамааш аз руи илму одобасту ватандустист, ва сониян моххои охир дар Точикистони мо чи гапу кор рафта истодааст рости гап намедонам, махсус ман хамин кадар медонам, ки фитнагари чунон дар авч аст, ки ..............
Озодагонро чи дарде расидааст, ки суханони оддиро хам нашр намекунад.....

Ҷавоб диҳед Иқтибос Шикоят

Акрам

islom,

Бародарони гироми Мо мусалмонон бояд як хизб бошем исломро ба чанд Гурух таксим кардан ин сабаби заъфи мо мешавад, лизо ин хизб аслан сарчамаш эрон АСТ ва ба харки маълумаст ки эрон хечкасро дастгири намекунад магар барои нафъи худ, агар инхо дар интихобот гузаранд ва на хоханд гузашт

Ҷавоб диҳед Иқтибос Шикоят

банда

аз ин кору бори хукумату нахзатихо бовари хам ба хукумат намондааст

Ҷавоб диҳед Иқтибос Шикоят

Эзоҳ илова кунед