Таҳдиди Русия барои қатъи парвозҳо ба Тоҷикистон ва посухи Душанбе
Дар ин бора расонаҳои Русия аз қавли Вазорати нақлиёти ин кишвар иттилоъ дода, афзудаанд, ки ин иқдом посух ба саркашии мақомоти Тоҷикистон аст.
Ба иттилои масъулини Вазорати нақлиёти Русия ҷониби Тоҷикистон барои парвозҳо аз фурудгоҳи нави Жуковск ба Душанбею Хуҷанд иҷозат надодааст, ба он далел, ки Русия тариқи яктарафа мехоҳад саҳмашро дар бозори мусофирбарии ду кишвар зиёд намояд: “Барои анҷоми парвозҳо аз Жуковск ба Душанбею Хуҷанд ширкати русии “Уралские авиалинии” таъин шудаст, аммо мақомоти Тоҷикистон мухолифи ин иқдоманд. Ҷониби Тоҷикистон мегӯяд, Жуковск чорумин фурудгоҳи Маскав хоҳад буд, ки аз он ба Тоҷикистон парвозҳо анҷом дода мешаванд ва ин тариқи яктарафа зиёд намудани саҳми Русия аст. Барои иҷозати парвоз бояд созишномаи дуҷониба дар умури алоқаи ҳавоӣ бозбинӣ шавад”.
Аммо Русия иддао дорад, ки ба Маскав фурудгоҳҳои Внуково, Домодедово, Шереметево рабт доранд ва фурудгоҳи байналмилалии Жуковск, ки моҳи майи соли равон мавриди истифода қарор гирифт, ба Раменск шомил аст.
Русия иддао дорад, ки талоши Тоҷикистон барои муайян намудани мақоми фурудгоҳ дахолат ба умури дохилии мақомоти Русия мебошад. Русия ҳушдор додааст, ки дар сурати пофишории мақомоти тоҷик ба мавқеашон аз 8-уми ноябри соли равон алоқаи ҳавоӣ бо Тоҷикистон қатъ хоҳад шуд.
Аммо Вазорати нақлиёти Тоҷикистон мегӯяд, баррасии ин масъала даҳаи сеюми моҳи ноябр дар назар аст. Ба иттилои манбаъ айни ҳол дар самти Маскав ду ширкати тоҷикистонӣ ва ду ширкати русиягӣ парвозҳоро анҷом медиҳанд: “Парвозҳо аз фурудгоҳи нави Жуковск метавонанд барои ширкатҳо зараровар бошанд. Ин масъала дар асоси созишномаи дуҷониба бояд ҳал шавад”.
Мақомоти Тоҷикистон мегӯянд, барои анҷоми парвозҳо ба ширкатҳои Русия то моҳи марти соли равон иҷозатнома додаанд, аммо ҷониби Русия дар мавриди додани иҷозатнома ба ширкатҳои тоҷикистонӣ таъхиркорӣ мекунад: “Муҳлти иҷозати ширкатҳои тоҷикистонӣ охири моҳи равон анҷом меёбад. Баррасии ин масъалаҳо моҳи даҳаи сеюми моҳи ноябр дар назар аст”.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
