07 окт 2016 11:37Тоҷикистон / Сиёсат

Сухангӯи вазири дифоъ: Ҷанги Кундузро “Ансоруллоҳ”-у ҲИУ раҳбарӣ мекунанд

Мақомоти аршади Афғонистон гуфтаанд, дар Кундуз ҷангиёни “Ансоруллоҳ”-и Тоҷикистон ва Ҳаракати исломии Узбакистон ширкати фаъол доранд.

Давлат Вазирӣ, сухангӯи Вазорати дифои Афғонистон ба расонаҳои кишвараш гуфтааст, ҷанги Кундуз алайҳи неруҳои давлатӣ аз сӯи ҷангиёни “Ансоруллоҳ”-и Тоҷикистон ва Ҳаракати исломии Узбакистон раҳбарӣ мешавад. Ба гуфтаи ин мақоми афғон: “Дар даргириҳои вилояти Кундуз ҷангҷӯёни африқоӣ, покистонӣ, филиппинӣ, бангладешӣ ва аз Чину Узбакистон ва Тоҷикистон ҳузур доранд ва бо нируҳои амниятӣ ва дифои кишвар меҷанганд”.

Давлат Вазирӣ афзуда, шаҳрвандони Осиёи Миёна ба хотири ин ки Кундуз бо ин минтақа наздик аст, дар ҷанг ҳузур ёфта, ба муқобили неруҳои давлатӣ бо шиддат меҷанганд.

Шаби шанбеи гузашта шаҳристони Кундуз аз сӯйи ҳаракати тундрави “Толибон” мавриди ҳамала қарор гирифт ва қисматҳое аз шаҳри Кундуз ба тасарруфи онҳо даромад. Баъд аз вуруди низомиён ба ин шаҳр ҷангиён дубора аз шаҳр берун шуданд, вале ҳоло ҳам як қисми вилояти Кундузро зери тасарруф доранд.

Мӯҳр

Хабарҳои монанд:

Мусофир

Точикистон боз аз кай Ансорулох дорад? Ин ягон узбаки шогирди Дустуми узбак аст чи? точикора бо афгонхо ба чанг дават дорад!

Ҷавоб диҳед Иқтибос Шикоят

саидшох

Дар Точикистон Ансорулох гуфтани чизе нест. Ин бесаводии хамон сухангу аст

Ҷавоб диҳед Иқтибос Шикоят

Virkan

Ин кадар тафаккури омиёна дори, Мусофир,
ин кадар содалавхона хукм мекуни, дар Афгонистон ва хатто дар кисме аз Точикистон пашутнхои форсигуй хастанд, ки худро шарм надошта точик мегиранд ва он тоифа аз чингиз хам бадрафтортаранд. Махз чангхои Афгонистон аз дасти хамон тоифа аст, ки гузаштаашон эфталитхоянд. Онон хазорсолахо боз чанг карда омадаанд ва чангу катл, касд ва хиёнат дар хуни эщон реша гирифтааст.
Саломат бошед.

Ҷавоб диҳед Иқтибос Шикоят

Эзоҳ илова кунед