Русский  >>  فارسی  >>  Шанбе 28 ноябр 2020, 21:36

Боздоши 4 узви ҲИУ дар Бадахшони Афғонистон: Қасди анҷоми амалиёти интиҳорӣ доштаанд

5 октябр 2016, 15:34

Мақомоти амниятии Афғонистон аз боздошти панҷ узви Ҳаракати исломии Узбакистон (ҲИУ) дар вилояти Бадахшони ин кишвар хабар медиҳанд. Ба иттилои манбаъ, миёни боздоштшудаҳо як табааи Қазоқистон ҳам будааст.

Дафтари матбуоти Раёсати амнияти миллии вилояти Бадахшони Афғонистон аз дастгиршудаҳо Нуриддин Ниёз (шаҳрванди Қазоқистон), Иззатуллоҳ Алӣ (бошанди вилояти Қундуз), Ширмуҳаммад Афзал (бошандаи вулусволии Имомсоҳиб), Азизҳомид Аҳмад (бошандаи вулусволии Имомсоҳиб) ва Ҳидоятуллоҳ Бозмуҳаммад (бошандаи вилояти Бадахшон) ном бурдааст. Ба иттилои манбаъ, аз онҳо маводи тарканда ва муҳимоти ҷангӣ мусодира шудааст.

Ин ниҳод боздошшудаҳоро ба шабакаи террористии Қорӣ Умар, вобаста ба Ҳаракати исломии Узбакистон рабт додааст. Афроди боздоштшуда аз Вазиристон, шимоли Покистон вориди Афғонистон шуда, қасд доштаанд, ки дар қисматҳои шимоли Афғонистон амалиёи интиҳорӣ анҷом диҳанд.


Шарҳи худро бинависед:

Ном:*
E-Mail:
Матни шарҳ:

Матолиби ҳамсон:


Дар бораи мо

"Озодагон" нахустин хабаргузории хусусии тоҷикист, ки дар бархе аз кишварҳои Шӯравии пешин сабти ном шуда, мақоми минтақаиро касб кардааст. Хабаргузорӣ дар ҳоли ҳозир бо забонҳои тоҷикӣ, русӣ ва ҳуруфи форсӣ хабар нашр мекунад.

Нишонӣ: Душанбе, хиёбони Саъдии Шерозӣ-16;

Телефон: (+992) 50 20 777 88; (44) 600 10 60;

E-mail: ozodagonweb@gmail.com


Разработка и дизайн сайта: «SmartMedia»

Ҳафтанома

Cаҳифаҳои вижа

Мо дар Фейсбук!