20 май 2016 11:47Тоҷикистон / Сиёсат
Шикояти падар аз “облава”-и писари донишҷӯяш
Саидзода дар суҳбат бо “Озодагон” гуфт, писараш дар яке аз кӯчаҳои шаҳр боздошт шудааст: “Ҳуҷҷати донишҷӯияшро нишон додааст, вале масъулини комиссариат ба инобат нагирифтаанд”.
Хабарнигори “Озодагон” дар пайи огоҳӣ аз ин қазия ба комиссиариати ҳарбии шаҳри Ваҳдат ҳозир шуд, то асли ҳодисаро фаҳмад: “Вақте назди комиссариат расидем, соат 20:50 дақиқа буд ва волидайни чанд нафари дигар аз боздошти ғайриқонунии фарзандони худ гила мекарданд. Як ҳамсабақи Эмомалӣ Саидзода, ки дар он ҷо ҳузур дошт, дар суҳбат ба “Озодагон” гуфт, бояд бо Эмомалӣ кори курсӣ менавиштем. Бояд вомехӯрдем, ман аз ин тарафи роҳ будам Эмомалӣ аз тарафи дигар. Ногаҳон як мошин дар наздаш истоду гуфт “ҳе бача ин ҷа биё”. Ӯ фаҳмид, ки “облава”-ай ва рӯ ба гурез овард. Мара гуфт, “ту ҳам гурез, ки меқапандта”. Аммо мошин аз паси Эмомалӣ рафт, дигар намедонам чӣ шуд? Чанд бор ба телефонаш занг задам, вале банд мекарданд”.
Хабарнигори “Озодагон” афзуд, ки масъулини комиссариати ҳарбӣ ба суолҳо, ки чаро супориши раисиҷумҳур Эмомалӣ Раҳмон ва Шералӣ Мирзо, вазири дифоъ дар мавриди кор набурдани “облава”-ро иҷро намекунед, бо баҳонаи набудан роҳбарият посух надоданд: “Равед ин гапҳора ба худшон бген. Буроед ай дарвоза...”
Исматулло Икромов, як сокини 50- солаи деҳаи кӯчаи Баҳористони деҳаи Холбеқараи шаҳри Ваҳдат, ки дар назди дарвозаи комиссариат ба “Озодагон” суҳбат мекард, гуфт: “Бори сеюм аст, ки писарам мавриди облава қарор мегирад. Писарам муаллими таърики мактаби рақами 39 ҳаст ва вақте аз мактаб барои қабули ҳуҷҷатҳои раъйпурсӣ мерафтааст, дар роҳ ӯро облава кардаанд. Боз туҳматаш карданд, ки гӯиё бо санг кормандони комиссариятро зада бошад”.
Исматулло Икромов афзуд, ки писараш Равшанҷони Исматулло қаблан низ ҳадафи “облава” ва латту кӯб қарор гирифта буд: “Ман гуфтам, ки ташхиси тиббӣ карда, аз болояшон ба додгоҳ шикоят мебарам, вале маро зора карданд, ки ин корро накунам ва дар ивазаш писарамро озод карданд. Дар деҳа чанд нафари доранда ҳаст, вале кормандони комиссариат боз ба хонаи камбағалон мераванд. Писарамро туҳмат кардаанд, ки гӯиё кормандони комиссариятро зада бошаду шишаи мошинашонро шикастааст”.
Афроде, ки дар назди Комиссариати ҳарбии Ваҳдат ҷамъ омада буданд, аз қавли масъулини ин ниҳод ба “Озодагон” гуфтанд, “то ҷамъбасти даъват 70 нафари дигар намерасад, бояд нақшаро иҷро кунем”.
Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
