Рустам Гулов: Милисаҳои Хуҷанд ришамро маҷбурӣ тарошиданд
Вай дар як суҳбати телефонӣ ба хабаргузории “Озодагон” гуфт, дар робита бо навиштани як номаи боз уновонии Эмомалӣ Раҳмон, раисҷумҳури Тоҷикистон, Рамазон Раҳимзода, вазири умури дохилӣ ва Юсуф Раҳмонов, додситони кулл аз ин амали милисаҳо шикоят кардааст.
Ӯ дар торнамои расмияш навиштааст, “имрӯз, санаи 2 апрели соли 2015 ман дар мавзеи бозори “Панҷшанбе”, тахминан соатҳои 17:15 дақиқа бо ҳамроҳии шиносам тарафи истгоҳ барои нишастан ба маршрутка рафта истода будем, ки наздикии гузаргоҳи зеризаминӣ 3 (се) нафар бо либоси шаҳрвандӣ маро ба наздашон ҷеғ заданд. Яке аз онҳо даст дароз карда, салом кард ва бе шинос намудани худ яку якбора аз ман кӣ буданамро пурсид. Ман ба шубҳа омадам ва барои муайян намудани он ки бо кадом мақсад бо ман шинос шуданианд, пурсидам, ки худи онҳо кистанд. Дар ҷавоб нафари дар тарафи дасти чапи ман истода шаҳодатномаи хизматии корманди милисаро нишон дод, ки дар он ному насаби ӯ - Саидов Сиёвуш навишта шуда буд. Нафари аз ҷониби рости ман истода низ ҳуҷҷати худро нишон дод, ки дар он ман танҳо номи ӯро дида тавонистам, ки Хусрав буд. Барои дидани насабаш имконият набуд, чун яку якбора ҳуҷҷаташро кашида гирифт. Шахси сеюм умуман худро шинос накард”.
Ин блогнавис дар идома мегӯяд, онҳо сабаби риш монданашро пурсидаанд ва вақте ҷавоб гирифтаанд, ки кории шахсии ӯст, асабонӣ шуда, гуфтаанд барои муайян кардани шахсият ба шӯъбаи дохилӣ мебарандаш: “Дакор бошад боз 15 сутаки дигар махкам ҳам мекунем”.
Гулов менависад: “Дарҳол шиносномаи худро бароварда, ба онҳо нишон додам ва гуфтам, ки мувофиқи он шахсиятамро муайян кардан мумкин аст. Дар ҳамин вақт Хусрав бо дағалӣ шиносномаи маро аз дастам кашида гирифта, маро низ кашидаву дигараш аз пас тела дода, ба сӯи роҳи мошин бурдан гирифтанд. Бори дигар ба онхо гуфтам, ки сабаби қонунии маро ба ягон ҷо бурдан надоранд ва ман бе адвокатам ба ҳеҷ куҷо намеравам. Ба ҳамроҳам телефонамро дода, таъкид намудам, ки ба адвокат занг зада гӯяд, ки ин нафарон ғайриқонуни маро ба куҷое бурданиянд, чунки ягон сабаби дастгир намудани маро надоштанд. Ба онҳо гуфтам, ки адвокатамро интизор шавем, аммо ҷавоб доданд, ки ба “отдел” биёяд адвокатат ва “Ту бо ин роҳ ба мо муқовимат ҳангоми дастгиркунӣ нишон додаистодаи - барои ин ҷавобгарӣ ҳаст” гуфта, маҷбуран ду нафари дар боло номбурда маро ба мошини сабукрав, ки нафари сеюмашон Саидов Сиёвуш ронда ба назди роҳ овард, шинонданд”. Рустам Гулов дар мактуби бози худ мегӯяд, дар шӯъбаи дохилӣ ӯро ба утоқе бурдаанд, ки дар кунҷи он “миқдори зиёди мӯйҳои тарошидашуда, як курсии дар болояш оиначаи хурд, латтаи ифлоси мӯйолуда ва мошинкаи мӯйтарошии электрикӣ” ҷойгир буданд: “Аз миқдори мӯйҳое, ки дар он кунҷи хона буданд, ман тахмин карда метавонам, ки пеш аз ман тахминан 200-250 нафарро онҳо аллакай дар ин хонача ришашонро тарошидаанд. Хусрав маро тела дода, “Худат ришата мегирӣ ё худам мегирам?” гуфт. Ҷавоб додам, ки риш гирифтану нагирифтани ман - кори шахсии ман аст ва намегирам ришамро. Ӯ асабонӣ шуда, маро тела дода, ба курсӣ бо ёрии он нафари сеюмашон, ки худро шинос накард, маҷбуран шинонд. Дар ҳамаи ин ҳодиса инчунин боз якчанд нафарони дигар иштирок доштанд ва ин се нафар маҷбуран маро дошта, сарамро маҳкам нигоҳ медоштанд ва Хусрав бо мошинка ришамро дағалона бо таҳқиру ҳақорат метарошид”.
Ин блогнависи тоҷик дар ҳоле аз тарошида шудани ришаш аз сӯи кормандони милиса шикоят мекунад, ки қаблан Лутфулло Бобобеков, як сокини 38-солаи шаҳри Панҷакент низ бо чунин шикоят ба расонаҳо муроҷиат карда буд. Ӯ ба Радиои “Озодӣ” гуфт, рӯзи 31 март ба ҳангоми гаштугузор дар бозори “Панҷшанбе”-и Хуҷанд ӯро як ходими милиса ба шӯъбаи умури дохилаи ин шаҳр бурда бо зӯр ходимони милиса ришашро тарошиданд. Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
