19 июл 2014 10:27Тоҷикистон / Сиёсат
АКС: Қазияи тазоҳурот, таҷовуз ба номус, боздошти тоҷикон ва "истироҳат"-и сафорат
Дар ин бора Бахтиёр Абдуллоев, яке аз наздикони боздоштшудагон дар суҳбат ба “Озодагон” хабар дода, афзуд, ки тазоҳурот асосан барои пардохт нашудани ҷубронпулии зарардидагони садама дар метрои Маскав буд. Аммо ба гуфтаи ӯ зимни тазоҳурот дар назди консулгарии Тоҷикистон як зани тоҷике пайдо шудааст, ки яке аз тазоҳуротгаронро дар таҷовуз ба номусаш муттаҳам кардааст. Абдуллоев аз қавли боздоштшудагон гуфт, ин зан ба пулис изҳор доштааст, ки яке аз тазоҳуротгарон дар метрои Маскав ба номусаш таҷовуз намудааст: “Баъде, ки пулис ҳамаро ба шуъбаи корҳои дохилӣ бурд, ин зан натавонистааст даъвояшро асоснок кунад ва изҳор доштааст, ки аз гуноҳи бача гузаштааст, агар ба ӯ 10 ҳазор рубл ҷуброн диҳад.”
Ба иттилои Абдуллоев 10 ҷавони боздоштшуда баъди 6 соат ва ҷавоне, ки дар таҷовуз ба номус муттаҳам шудааст, имрӯз, 19-уми июл аз боздошт раҳо гардидааст.
Ин дар ҳолест, ки аксҳои боздошти ҷавонони тоҷик субҳи имрӯз, 19-уми июл дар шабакаи фейсбук нашр гардиданд. Ҳамчунин дар Фейсбук навори садоие мечархад, ки яке аз боздоштшудаҳо дар он баромад карда, гуфтааст, онҳоро ба идораи пулис мебаранд.
Ин нафар, ки аз ӯ ном бурда намешавад, дар ин навор мегӯяд, онҳо дар назди консулгарӣ ҷамъ омада буданд, то аз мақомот бихоҳанд, кумакпулии ҷониби Русияро ба қурбониёни тоҷики садамаи метрои Маскав бидиҳад. Дар ҳоле ки ба гуфтаи ин гуруҳи даҳнафарӣ, гӯиё ин маблағ ҳафт миллион рубли русӣ буда, то ҳол дастраси хонаводаи қурбониён нагардидааст. Дар садамаи метрои Маскав, ки субҳи 15 июл иттифоқ уфтод, ду сокини ноҳияи Абдураҳмони Ҷомӣ, ки аз як хонавода будаанд, ҷон бохтанд. Ҷасади онҳо рӯзи ҷумъа ба хок супорида шуд.
Талаби дувуми тазоҳугарон ин будааст, ки чаро то ин дам Эмомалӣ Раҳмон – раиси ҷумҳури Тоҷикистон ба хонаводаи қурбониёни тоҷики садамаи метрои Маскав арзи тасаллият нагуфтааст.
Бо ин ҳол, дар бораи ин қазия сафорат ва консулгарии Тоҷикистон расман шарҳе пахш накарданд. "Озодагон" субҳи имрӯз, шанбеи 19-уми июл тариқи рақамҳои +74956906102 бо сафорати Тоҷикистон дар Маскав дар тамос шуда, шарҳи қазияро хост, аммо мусоҳиби мо иброз дошт, ки "имрӯз, рӯзи корӣ нест, рӯзи душанбе занг занед."
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Апрел 2025 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | 4 | 5 | 6 | |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | 30 | ||||
