19 май 2014 10:02Тоҷикистон / Иҷтимоӣ

Хонаводаи Амонулло Ҳукуматулло ба Олмон кӯч бастаанд?

Азиза Рӯзиева, яке аз осебдидагони садамаи шаби 9 октябри соли гузашта дар маркази Душанбе, ки бо иштироки “БМВ”-и Расули Амонулло, писари собиқ раҳбари ширкати Роҳи оҳан, иттифоқ уфтода буд, мегӯяд, касе барои идомаи муолиҷаашон кумак намекунад. Дар ҳоле ки, ба қавли ӯ, хонаводаи Амонулло Ҳукуматулло ваъда дода будаанд, дар сурати даст кашидани инҳо аз даъво, тамоми харҷи табобаташонро пардохт мекунанд.

“Рӯзи 18 май ба Суннат, яке аз намояндагони хонаводаи Амонулло Ҳукуматулло, занг зада хоҳиш кардам, барои муолиҷа ёрӣ расонанд. Зеро ҳангоми забонхат гирифтан ваъда дода буданд, ки тамоми харҷи табобатро ба дӯш мегиранд. Аммо Суннат гуфт, хонаводаи Амонулло Ҳукуматулло ба Олмон кӯчида рафтаанд ва дигар ба ӯ кумак карда наметавонанд”,-афзуд Азиза Рӯзиева.

Мусоҳиби мо илова кард, “рӯзи 22 май бояд ба бемористон равам. Пойҳоям ҳаракат намекунанд, табобат кардан зарур аст. Моҳи август бояд ҷарроҳӣ кунанд.” Ба қавли Азиза, модари Сурайё, ки дар ин садама ба ҳалокат расида буд, аз даъвояш даст накашида, ба Эмомалӣ Раҳмон – раисиҷумҳури Тоҷикистон нома фиристодааст.

Садамаи шаби 9 октябри соли 2013, ки дар маркази шаҳри Душанбе иттифоқ уфтод, се кушта ва се маҷруҳ бар ҷой гузошт. Мақомот дар лаҳзаҳои аввали ин садама Асрор Ҳукумови 22-сола, бародарзодаи раиси собиқи ширкати Роҳи оҳанро, муттаҳам эълон карданд. Аммо баъдан гуфтанд, ин садама бо иштироки Расули Амонулло, писари 16-солаи Амонулло Ҳукуматулло, рух додааст. Баъдан мақомоти умури дохилӣ нафареро бо ному насаби Умар Шарифов мавриди ҷустуҷӯ қарор доданд, ки зоҳиран гунаҳкори қазия ӯ будааст.

Бо ин ҳол, ин садамаи маргбор дар ҷомеаи Тоҷикистон вокунишҳои мухталифро ба бор оварад. Дар пайи эълони номи Расули 16-сола дар ин садама аксҳои мухталифи ӯ бо мошини БМВ-яш дар шабакаҳои иҷтимоӣ пайдо шуда, хабари ба Олмон фирор кардани ӯ низ паҳн гардид. Аммо Амонулло Ҳукуматулло ин ҳамаро иттиҳоми сохтаву бофта номида ва гуфт, расонаҳо дар мавриди садамаи шаби 9 октябр ахбори беасос ва носанҷида нашр мекунанд.

Мӯҳр

Хабарҳои монанд:

додгар

вақте ки аз шикоят даст кашиди бояд бо ягон ҳуқуқдон суҳбат мекарди то роҳи замонат барои дарёфти кумаки ҲУКУМОВро нишон медод
у гуфт А ДХТА ГУМШ К ШИКОЯТ НАКУ ҲАМАША ТЕНҶ МЕНЕМ ва ту содда ҳам бовар карди?

Ҷавоб диҳед Иқтибос Шикоят

мастура

Ман инхоро нагз мешиносам ва медонам ки чанд соли кабл хамсари Амонулло Хукуматулло шахрвандии Олмонро гирифта буд. Вале дар як чиз хайронам чаноби Оли тарики телевизион гуфта будан ки фарзанди касе набошад чазояшро мегирад магар чазои ин хамин 80 сомони буд ки хамунам зани Амонуллр Хукуматулло пардохт ?

Ҷавоб диҳед Иқтибос Шикоят

Шариф

Писари Амонулло се нафарро кушту ссе каси дигарро мачрух кард!!! Аммо чазояшро нагирифт!!! Ин хама беадолатихо аст, чунки то хол казия кашол меёбад ва охиста охиста аз ёди мардум мебарояд! Аз ёди мардум, ки баромад хатман ВКД-хам фаромуш мекунад!!!
Чаро Зайди бегунох, бо тухмат ба кунчи зиндон рафт! Худованд мардуми гамгини ранчдидаи точикро аз ин балохо рахо кунад, хакро бар нохак голиб биёрад! Омин!!!

Ҷавоб диҳед Иқтибос Шикоят

Карлукзода

Шариф чи гапхое мезани,точик имруз ба ном ватан дорад.Сухан дар дигар чост....Точикро хамин мардум ба Чамшуд табдил доданд

Ҷавоб диҳед Иқтибос Шикоят

гнек

Кочмаган номард дия. Хамту мы Хукумов.

Ҷавоб диҳед Иқтибос Шикоят

Карлукзода,
харидамат як лексус балоноша карди фуссс!!!

Ҷавоб диҳед Иқтибос Шикоят

ислом

РУСТАМИ ПИСАРИ АМОНУЛЛО ДАР ДУБАЙ ГАШТЕСТАЙ. УМАР ШАРИПОФ ХАМ НАВ ЯК МОХ ПЕШ БА ТОЧИКИСТОН САФАР КАРД АЗ ДУБАЙ.

Ҷавоб диҳед Иқтибос Шикоят