02 фев 2014 15:37Тоҷикистон / Фарҳангу адаб

Даргузашти донишманди тоҷик Боғшоҳи Лашкарбек дар ғурбат

Боғшоҳи Лашкарбек, донишманди 65-солаи тоҷик, ки раҳбарии маркази фарҳангии “Нур” дар Русияро бар ӯҳда дошт, шаби 2 феврал дар яке аз бемористонҳои Маскав даргузаштааст. Оқои Лашкарбек ҳамзамон дар Пажӯҳишгоҳи шарқшиносии Русия кор мекард.

Наздикони ин донишманди тоҷик, ки ба таҳқиқи забонҳои шарқии эронӣ машғул буд, мегӯянд, ӯ ахиран қалбашро ҷарроҳӣ карда будааст. Боғшоҳи Лашкарбек соли 1949 дар ноҳияи Ишкошими вилояти Бадахшон ба дунё омада, кишварро дар оғози солҳои навадуми қарни гузашта, дар пайи нооромиҳои дохилӣ, тарк карда буд.

Вай аз ҷумлаи ҳомиёни муҳоҷирони тоҷик дар Русия дониста мешуд, ки пайваста дар бораи вазъу ҳоли онҳо дар расонаҳо изҳори назар мекард.

Мӯҳр

Хабарҳои монанд:

Сафар Абдуллоҳ

Боз як хабари шум мисли тир ба ҷигарам зад.Боғшоҳ аз дӯстони даврони ҷавонӣ ва аз ҳамкорони хубам дар пажӯҳишгоҳи забону адабиёти Рудакии шаҳри Душанбе буд.Дар тамоми даврони оворагиҳоямон ҷӯёи ҳоли якдигар будем.Боғшоҳ яке аз беҳтарин мутахассиси забонҳои помирӣ буд ва фолклори Вахонро гирдоварӣ карда буд.Бароям даргиликҳои вахониро мехонд ва ҷое,ки намефаҳмидам шарҳ медод.Соли 1994 ҳамроҳи устод Давлати Худоназар ва бародари азизам Саидшоҳ Акрамзода дар ҳаволии маскав меҳмонаш будем. Як бор барои тоҷик буданаш аз дасти миллигароёни шовинист ва фашистмаром,ки "скинхедашон" гӯянд зарбаи шадид хурд ва ба зӯр ҷон ба саломат бурд.Соли 2012 авохири баҳору авоили тобистон ман ӯро барои ширкат дар кори ҳамоиши байналмилалии "Забони порсӣ:дирӯз,имрӯз ваа фардои он" ба шаҳри Олмоти даъват кардам,ки ҳамроҳи саркорхонуми Молчанова омад ва суханронӣ кард.Нақшаҳоеро барои ҳамкориҳои баъдӣ бо ҳам матраҳ намудем ва баррасӣ кардем.Ин бародари азиз мӯреро намеозурд,завқи зистан дошт ва...ҳоло намедонам,чӣ сарнавиште дорем,мо тоҷикон,ки фарзандони фарзона ва диловари мо дар ғарибӣ "ҷон ба сахтӣ" медиҳанд..Дареғу сад дареғи Боғшоҳи азитз,ки нақшаҳои амалӣ нашудаашро ба гӯр бурд ва ҳама дӯстонашро дар сӯг нишонд! Ҷоят ҷаннат ва гурат пурнур бод,бародари азиз!

Ҷавоб диҳед Иқтибос Шикоят

Восеъ

Рухаш шоду хонаи охираташ обод бод!Вокеъан чунин шахсонро метавон точик гуфт.Онхо дар гурубат низ номбардори миллату давлати точокон буданд!

Ҷавоб диҳед Иқтибос Шикоят

Фируз

Мо аз суи Худо омадаем ва ба суи У бармегардем. Худо рухи Устодро шод гардонад ва хонаи охираташро обод. Ба хонавода ва наздикони Устод таслиат арз мекунам.

Ҷавоб диҳед Иқтибос Шикоят

Daraxtbek Angurshoev

Xudo rahmat kunad .

Ҷавоб диҳед Иқтибос Шикоят

suhbat-ato

Рухат шод бодо, охиратат обод бод- Фарзандони диёри ман.

Ҷавоб диҳед Иқтибос Шикоят

илхоми Бадахши

Имруз мардуми Бадахшон як такони чидиро диданд марди окилу донишманд ва шахси некном аз олам гузашт рухат шод бод устоди азиз.

Ҷавоб диҳед Иқтибос Шикоят

Эзоҳ илова кунед