Ҳукумов ба ИмрӯзНюз: "Медонам, дар пушти Шумо кӣ меистад" (ВИДЕО)
Ӯ аз қазияи пирӯз шудани Рустам дар баҳси додгоҳӣ бо “ИмрӯзНюз” ёдовар шуда, илова кард, “ӯ ҳанӯз ин маблағи ҷубронро талаб накардааст.” Вале таъкид дошт, ин амалкарди бархе аз расонаҳои матбуоти даврии Тоҷикистон оид ба қазияи писарашро бе ҷавоб нахоҳад монд.
Рустам Ҳукумов, писари Амонулло Ҳукуматулло, дар авохири соли 2011 рӯзномаи “ИмрӯзNews”-ро дар паст задани шарафи худ муттаҳам карда, аз додгоҳ хоста буд, шаъни ӯро барқарор кунад ва баъдан ин баҳси додгоҳӣ ба нафъи ӯ ҳал шуд. Рустам Ҳукумов соли 2010 бо ҳукми додгоҳе дар Русия барои даст доштан дар қочоқи маводи мухаддир ба нӯҳ соли зиндон маҳкум шуда, ин хабар ҳангоми боздошти ду халабони як ширкати русӣ дар Қӯрғонтеппа расонаӣ гардид.
Амонулло Ҳукуматулло дар нишасти хабарии 29 январ раҳоии писараш гӯиё бар ивази ду халабони ширкати русиро беасос донист ва гуфт, аслан қазияи писараш сиёсӣ буд. Ӯ гуфт, дар бораи боздошти ҳавопаймову ду халабони ширкати русӣ аслан хабаре надошт ва таъкид кард, ин ҳама барояш муҳим набуд.
Вай афзуд, мисли Матлубхон Давлатов, собиқ муовини нахуствазири Тоҷикистон, мутаассифона, нашрияҳое надорад, ки ӯро ҳимоя кунанд. “Ман ҳамаи чиро медонам, ки соҳибони рӯзномаҳо киҳо ҳастанд. Кадом нафаре, ки ҷои маро гирифтанист, тоқат кунад, ба нафақа меравам ва касе хоҳад омада ҷои маро бигирад”,-таъкид кард ӯ. Оқои Ҳукуматулло дар идома аз Матлубхон Давлатов як навъ гила карда гуфт, "ӯ ба ман мегӯяд, чаро бачаҳои ману Убайдуллоев нею бачаҳои ту ин корро мекунанд?"
“Дар мавриди писаронам тамоми ҳуҷҷатҳоро ба президент нишон додам. Агар ягон камбудӣ мебуд, маро мемонданд, ки дар ин вазифа боқӣ монам? Дастгирии Ҷаноби Олӣ буд, ки то ин ҷо расидам. Маро дастгирӣ карданд, ёрӣ карданд. Мо ҳам кор кардем. Ман бесавод нестам, таърихро хуб медонам. Исломро ҳам хуб медонам. Агар пасттарин гражданини Тоҷикистон бошам, ба Ватан хиёнат намекунам",-афзуд ӯ.
Вай, инчунин, гуфт: "Шумо маро ягон бор дар телевизион дидед? Чизе, ки ҳаст, ҳамон. Аттор мегӯяд, “Худнамоӣ пешаи Шайтон бувад, Ҳар ки худро кам занад, мард он бувад.” Ман медонам, Шуморо соҳибонатон кӣ аст, кӣ маблағгузорӣ мекунад. Вале ягон бор шунидаед, ки ман ягон нашрияро маблағгузорӣ карда бошам ё нашрия дошта бошам? Фақат чашми Шумо Амонуллоҳ Ҳукуматуллоро мебинад. Дар ҳоле ки корхонаҳо чор моҳ маош намегиранд, касе наменависад. Ҳар рӯз ҳафтнафарӣ мемурад, аммо касе намегӯяд. Агар камбудӣ ҳаст, нависед, айбҷӯӣ кори хуб нест.”
Моро ҳамроҳӣ кунед:
Дар ФЕЙСБУК (FACEBOOK)
Дар ЮТЮБ (YOUTUBE) Мӯҳр
Эзоҳ илова кунед
ХАБАРҲОИ ОХИРИН
Баҳси пурзӯр кардани ҳифзи сарҳади Тоҷикистону Афғонистон дар дидори Э.Раҳмон ва ҳайати парлумони Аврупо10:09Оғози фурӯши смартфонҳои iPhone 8 ва iPhone 8 Plus!09:49БО ЗАБОНИ ШЕЪР: Ман зи андешаи турконаи як ҳамватанам метарсам...15:34Чаро ҳукумат ҳамеша ба ТАЛКО имтиёз медиҳад?14:16“Шантаж”-и ҳамсар: Аз ҳаққи модарӣ даст накашӣ расвоят мекунам10:27Баҳси буҷа: Аз қарзи маош то қарзи хориҷӣ11:57Сарвазири Тоҷикистон бо Президенти Узбакистон мулоқот мекунад11:05Ҳимояти СММ аз cарбози тоҷики пайрави “Шоҳидони Яҳво”, ки либоси низомиро рад кард10:38АКС+ВИДЕО. Нахустин анҷумани маъюбони Тоҷикистон дар Душанбе11:51Маҷлис: Аз тағйироти кадрӣ то ваъдаи 80 мансабдор барои пулдиҳӣ аз кисаи худ15:46100 метр дуртар: Тамокукашӣ маҳдудтар шуд13:21Аз парвандаи Маҳмудов то муроҷиати ҷабрдидагони "7 бурҷ": Роҳкиро надорем (ВИДЕО)11:18Пешниҳоди журналисти тоҷик ба раҳбарони кишварҳои ҷаҳон: 2018-ро соли беяроқӣ эълон кунем!09:33Агентии зидди коррупсия гуфт, “Умед-88” ва Вазорати молия аз “Роғун” қарз гирифтаанд08:01Таърихи имрӯз: Мавлуд, ҷашн, санаҳои таърихӣ, дамои ҳаво, бозори арз07:44
АХБОРИ ҶОЛИБ
10:09, 04 ноябр 2017
ТАҚВИМ
| « Ноябр 2024 » | ||||||
|---|---|---|---|---|---|---|
| Душ | Сеш | Чор | Пан | Ҷум | Шан | Якш |
| 1 | 2 | 3 | ||||
| 4 | 5 | 6 | 7 | 8 | 9 | 10 |
| 11 | 12 | 13 | 14 | 15 | 16 | 17 |
| 18 | 19 | 20 | 21 | 22 | 23 | 24 |
| 25 | 26 | 27 | 28 | 29 | 30 | |
