Ҳамойиши вижа дар бораи Афғонистон ва вазъи он идома дорад.

Конфронси «Низоъ ва сулҳофарӣ  дар  Афғонистон: вазъ  ва  пешомад» дар Душанбе ифтитоҳ гардида, алъон идома дорад.

---

Ин мизи мудаввар бо ибтикори  Кумитаи  сулҳ ва  ризоияти  ҷумҳурии  Тоҷикистон,  маркази  таҳқиқи  Афғонистон  ва  минтақа, созмони  «Маркази  техноложии сиёсии  «Полит – Контакт» сурат мепазирад. Бино ба қавли масъулини ин ҳамойиш зимни  нишасти дурӯза  як  қатор  масъалаҳои  муҳими   марбут  ба  ҷиҳатҳои  иҷтимоии ихтилофоти  Афғонистон (тағйирот ва тамоюлҳо), омилҳои   сиёсӣ  ва  хусусияти  онҳо  дар  ихтилофоту  низои  Афғонистон   мавриди  баррасӣ  қарор  мегиранд. Гуфта мешавад, масоили  омилҳои  фарҳангию  инсондӯстӣ  ва  имконияти  тағйир  додани онҳо  ҳамчун  асосҳои  рушди  сулҳофарӣ низ муҳокима  мешаванд.
Манбаъ ҳамчунин илова кард, ки ба барнома  ду  мавзӯи  муҳим  аз  ҷумлаи  сулҳофарӣ дар  ҷумҳурии  исломии  Афғонистон, ҷустуҷӯи роҳҳои  нав  ва  омилҳои  байналмилалӣ  дар  низоъ  ва  сулҳофарӣ  дар  сарзамини  Афғонистон: ҳамсояҳо,  ИМА, Аврупо, созмонҳои байналмилалӣ ва минтақавӣ» низ  дохил карда шудааст. {jathumbnail off}
Мӯҳр