Дуздии беш аз 5000 доллари ИМА аз Toyota Camry

Аз ВКД ба Озодагон иттилоъ доданд, ки ин ҷавонон Аслиддин Буриеви 19 сола, сокини кӯчаи Миралии шаҳри Душанбе ва Искандарзода Парвизҷони 22 сола, сокини ноҳияи Рӯдакӣ, донишҷӯи бахши 3-юми факултаи химияи Донишгоҳи Миллии Тоҷикистон мебошанд.

Манбаъ илова намуд, ки номбаршудагон шаби 23-юми октябри соли равон бо шикастани оинаи автомашинаи тамғаи Toyota Camry, ки дар кӯчаи Р.Набиев назди бинои 292 беназорат меистод ва ба шаҳрванд Нодир Исматов тааллуқ дорад, ворид шуда, аз он ҷо 5000 доллари амрикоӣ, 2 адад телефони мобилии тамғаи «Нокия» ва 2 адад шиносномаи хориҷӣ ва миллӣ, ҷамъ ба маблағи умумии 5300-долларро дуздида, аз ҷойи ҳодиса ғайб задаанд.

Гуфта мешавад, феълан аз рӯи ин ҳодиса парвандаи ҷиноӣ оғоз гардида, тафтишот идома дорад.