«Амонатбонк» ҳамкориашро бо бонки давлатии рушди Чин тақвият мебахшад

Дар пойтахти Қазоқистон Ҷаласаи VII-уми Шӯрои Иттиҳодӣ байнибонкии Созмони Ҳамкориҳои Шанхай баргузор гардид.

Дар ин ҷаласа як гурӯҳи корӣ аз Тоҷикистон низ ширкат доштанд, ки шоми дирӯз ба ватан баргаштанд. Тавре Одинашо Муродов, масъули дафтари матбуоти «Амонатбонк» ба хабаргузории «Озодагон» иттилоъ дод, нишасти мазкур бо суханонии ифтитоҳии муовини нахуствазири Қазоқистон Исекешев оғоз гардида, дар рафти баргузории ҷаласа  якчанд масоил ҷиҳати рушду  мустаҳкам намудани ҳамкориҳои иқтисодӣ ва сармоягузорӣ дар минтақа, мавриди барасӣ қарор гирифт. Ҳамзамон қайд карда шуд, ки дар ҳоли ҳозир ҳуҷҷатҳои асосии ҳуқуқӣ таҳия ва қабул гаштааст. Ин шароити мусоидро барои рушди ҳамаҷонибаи ҳамкориҳои бонкҳои аъзои ИББ СҲШ дар оянда таъмин менамояд.

Гуфта мешавад, ки дар ҷаласа бо маърӯзаи ҳисоботӣ роҳбари намояндагии Ҷумҳурии Тоҷикистон раиси раёсати «Амонатбонк»- Гулнора Ҳасанова баромад намуда, оид ба дастоварҳои ҳамкориҳо дар доираи Иттиҳодияи байнибонкии СҲШ тӯли солҳои сипаришуда маълумот дод. Ҳамзамон, таклифу пешниҳодҳои  ҷониби Тоҷикистонро оид ба фаъолгардонии маблағгузорӣ, лоиҳабандӣ ва амалӣ намудани лоиҳаҳои афзалиятнок дар соҳаҳои мухталифи иқтисодиёти мамолики аъзои СҲШ, ба шикаткунандагон пешкаш намуд. Бо анҷоми кори ҷаласа аз тарафи иштирокдорон санади марбута ба имзо расида, як зумра мулоқоту гуфтушунидҳо гузаронида шуд. Раиси раёсати БДА ҶТ «Амонатбонк» Гулнора Ҳасанова бо нойиб - райиси Бонки давлатии рушди Хитой Гао Тсзян ва масъулини раёсати ҶС «Бонки Рушди Қазоқистон» мулоқоти ғайрирасмӣ доир намуд, ки дар рафти онҳо масоили вусъати ҳамкориҳо мавриди муҳокима қарор  гирифт.

 

{jathumbnail off}

Мӯҳр