Толори пулакии фурудгоҳи Душанбе ба фаъолият оғоз кард

Толори тиҷории фурудгоҳи Душанбе маъруф бо «СИП» пас аз таҷдид дар ихтиёри мусофирон қарор гирифт.

---

Тавре ба «Озодагон» аз фурудгоҳи Душанбе хабар доданд, ҳудуди толор васеъ шуда, шароити мусоиди буду бош муҳайё гардидааст. Дар мувофиқа бо ширкати мобилии «МегаФон» чор адад компютер шабонарӯзӣ бо шабакаи Интернет пайваст буда, мусофирон метавонанд, ба таври ройгон истифода намоянд.

«Хизматрасониҳои дигар аз қабили бақайдгирии мусофирон, гузаштан аз назорати гумрукӣ ва шиносномавӣ, таъмини мусофирон бо иттилооти зарурӣ дар бораи парвозҳо ва дигар барасмиятдарориҳо, ки кормандони фурудгоҳ иҷро мекунанд низ, дар сатҳи олӣ ба роҳ монда шудааст»,-афзуд манбаъ. Ба иттилои сарчашмаи хабар истифода аз толори тиҷории фурудгоҳи Душанбе (СИП) пулакӣ буда, дар мувофиқа бо мақомоти дахлдор чунин муқаррар шудааст:

Барои хатсайрҳои беруна:

Гусели мусофир- 60 доллари амрикоӣ;

Қабули мусофир- 30 доллари амрикоӣ;

Барои хатсайрҳои дохилӣ:

Қабул мусофир -25 доллари амрикоӣ;

Гусели мусофир -12 доллари амрикоӣ;

Барои кӯдакони аз 5 то 12 солае, ки хориҷ парвоз мекунанд:

Гусел -30 доллари амрикоӣ;

Қабул -15 доллари амрикоӣ;

Барои кӯдакони аз 5 то 12 сола, ки аз хатсайрҳои дохилӣ истифода мекунанд:

Гусел -12 доллари амрикоӣ;

Қабул -6 доллари амрикоӣ;

Нархҳои мазкур аз 6-уми апрели соли равон амал мекунанд.

 

 

Мӯҳр